我對creme de la mer的迷思（3）--用了1星期soft cream

話說，為左試真D LAMER的面霜，我買了3個不同質地的 creme de la mer--

gel cream, soft cream 和cream

先提一我是混合性偏乾的皮膚，皮膚薄，額頭有陳年乾紋，T字位容易脫妝出油，眼周C字粒及面頰秋冬天會猛猛緊及面頰會發紅，鼻和下巴毛孔粗，有粉刺，生理期會生痘痘

gel cream目測似無油的sleeping mask。。。試過日間用，現在秋冬天會不夠保濕滋潤，所以我直接skip了這個
Cream之前已經試過，今次就來試soft cream

soft cream 的質地，我覺得介乎面霜和乳液之間，是乳酪般的質地
LAMER家的面霜珍貴成份會遇上溫度而釋放，所以我都係用枝棒仔去挖~
soft cream的質地無cream咁杰，頭幾次我都攞多左份量，但其實佢都幾潤的，用量和cream差不多就ok

soft cream不用放在手心乳化，直接搽上面就可以了
滋潤感方面，我覺得和cream差不多，不過soft cream的滋潤感我覺得比較深入，cream我常常覺得所有野都留在表面沒有吸收到，而soft cream我是feel到皮膚有被滋潤到

頭幾次用量多了點，我下意識地摸下塊面，過左一陣覺得連手指都滑埋
我的手掌和手指都是荒漠，樹紋滿佈的，摸下塊面俾soft cream滋潤下d乾紋淺左一半，而且手掌的皮膚都柔軟左

同樣的效果在我的額頭和頸都見到，乾紋有變淺，而且皮膚柔軟度有提升，同時秋冬發紅的情況有減少。

不過，呢個cream都係滋潤有餘，保濕不足，恆常的去角質和保濕我都有做，我發覺有做保養再用LAMER的cream效果才會出現，所以，真的不可以懶和慳，以為用貴野就可以唔洗保養\

求救文：WLW用唔到

首先，容許我呻一下
Window live Writer在今個月突然不能用，說我的ID和password錯了，然後打完篇文就話不能c將我打好的東東連結到Blogger的server

我將WLW卸掉再重裝，卻再也裝不到了

總之，就係唔可以再離線打文

非常之唔方便
我上網不斷尋找解決方法，但問題都未解決到，亦都俾我知道有好多人都出現左呢個問題
用唔到WLW


雖然，有心打文就點都會打到，但要post相或者整一D比較特別的編輯例如表格，就會煩好多
真係好煩。。。

又有人話，咁搞法，遲早Blogger會摺埋
對於一個blog齡超過10年的blogger如我，真係想喊。

寫blog所花的精神時間，真的非一般。摺blog，就同將我生活的一部份接埋一樣。係會令人無左生活寄託。

希望，係不久ge將來，呢個問題可以解決

呢個竟然係我的新年願望，真係慘慘豬>.<

我對creme de la mer的迷思（2）

16/12/2015

用完一粒creme de la mer 的sample，晚晚用，一粒板仔可以用到20日左右

之前用到領左野（詳情請按此），停用一排再用返，可以講下用後感


為左試真d，我先用fresh 黃糖面膜去左角質先，然後搽olecule soothing moist，再搽Eternus-D Pure White Serum，之後用一粒黃豆的份量的creme de la mer，加兩滴Olecule barrier repair，搓熱印上面

第二日起身，目測毛孔有收細，皮膚有變平滑，膚色明顯明亮左，早上額頭無點出油

之後幾日我無再用黃糖mask但其他野如常，用多兩三晚，就覺得鼻和下巴摸到多左粉刺

呢排忘搬屋，加上天氣轉涼，無點敷mask，皮膚明顯乾左，呢個面霜對保濕係。完。全。無。幫。助。

暫時覺得用creme de la mer有幾個condition
1. 去角質
2. 做足保濕（包括面膜+精華）

可能面霜本身比較杰身，成分比較濃縮，要做好呢兩樣再搽會令面霜發揮得更加好。
所以，唔好諗住用貴野就慳左d護膚程序，呢個方法在creme de la mer身上行唔通
不過如果你做齊曬咁多樣，再加creme de la mer，佢係會令你皮膚錦上添花

為左試真d la mer的面霜，我仲買左soft cream和gel cream兩種唔同質地，遲d會再report返

我對creme de la mer的迷思（1）

LA MER對我來說就是貴婦級
我是個初出茅廬的小婦人，即是女人仔一名，有排，亦唔知幾時先到貴婦級
雖然如此，我都想試下做貴婦，所以之前想入手creme de la mer
手上有個板仔，起初本小姐用了一個星期就停了，因為用左幾日皮膚不水潤粉刺卻多了很多，結果要用eminence 垂般草面膜調理了一個月>.<

但放埋一邊本小姐又唔係太甘心，貴野黎架嘛
自問自己是正確使用（用手搓熱印上面），唔存在「用得唔啱出粒粒」的問題
上網見到有人用完乾紋少左好多

（唔係我黎架！不額頭乾紋真係好困擾我）
趁呢個星期明顯凍左，凍到唔想敷mask，就俾多次機會佢啦

sample裝，用左10次左右先用到半樽仔
無論味道和質地，我都覺得同娥羅納英好似…但娥羅納英平好多啊
今個星期每晚都用佢，試過搓開時加少小olecule的barrier repair…易搓開左好多，但用HABA Squalane 就會油d，好推過咩都唔加，但用感就加barrier repair好d
我會再update 我的用後感, stay tune^^

入職禮物

每一份工作的第一個月，我都會買一份禮物給自己。

獎勵也好，激勵也好，平時不捨得買的，新入職都會狠心買下。

我的學生生涯比較長，大學讀了四年，畢業後很任性地用家人錢讀碩士，一讀三年。

畢業後第一份工，學習機會很多，同事們都很好，大家年紀相若，互相鼓勵不計較，工作雖然勞累但開心

第一份入職禮物，請一位空姐朋友去歐洲順便帶個名牌銀包回來。

從小家人不主張名牌，覺得與其追逐名牌不如努力讀書

出來工作自己話事，但又無錢買個大包包，買個使用率高的銀包也不錯吧

Prada的質地好扎實，用到現在，四年多了，除了金屬部份有點退色之外，一切完好

質感好的名牌，可以用很久，算起來是除笨有精呢，哈哈

〔試用〕 absolute care 幹細胞再生眼部緊緻精華

之前c dou 的老闆娘招募試用blogger , 今次的試用為期三個月，大約是用完一枝産品的期限

很久沒接試用的我，非常心動^_^

以往的試用通常時間不多，我常常覺得不夠時間讓我試真啲^_^

身為一個貪靚又不求名利的blogger 如我，寫blog 的最大快樂是分享大愛

 

好，入正提，absoulte care是以色列品牌，在香港，呢個品牌比較少見，這產品不含parabens（防腐劑，可致敏）, SLS（起泡劑，可致敏）, propylene glycol（保濕成份，刺激性）, silicon（矽，使皮膚滑d但會塞毛孔）, mineral oil（礦物油，塞毛孔）, petrolaturm（凡士林）

 

（屋企太亂，要退左地先^^）

 

我的去黃淨白工程—Eminence 垂盤草面膜

 

11月簡直以忙到飛起來形容！

anyway, 依家本小姐是個新手OL，請大家多多指教

做OL，穿衣要斯文，化妝是禮貌，本小姐自從生完BB後都好少化妝，但依家就一星期有五天要化妝…因為很久沒化妝，本小姐還未添置秋冬用的base呢！大家有咩提議？請集思廣益！

化妝的確係傷皮膚的>.<尤其沒有找對妝前底霜…

本小姐生完BB後長期睡眠不足，雖然是膚色算白，但面黃一直是問題

化妝時品在皮膚時間多了，感覺好像令暗啞情況變嚴重了…

想起家中有Eminence的垂盤草面膜，之前都用過一罐，當時因為覺得好貴所以慳住用，用後覺得效果不大

 

 

點解覺得麻麻仲屯貨？因為發錯貨呀，本來係想買益生菌面膜的…卻發了這個，那時心如剛出世，忙到飛起，懶得換了

就咁，身為倉底貨，有機的東東不能放太久，趁搬家前清貨吧

〔我手寫我心〕青春無價

最近報紙看都的，令我有點感歎，不想花精神埋頭在八卦之中，就在這裡寫下幾句去紓發一下吧。反正我的思維本來就是一忽忽，跳來跳去的，科科

青春是無敵。

青春是無價。

女人要愛自己。

無論什麼年紀的男人，都喜歡年輕貌美的女生。

有食唔食，罪大惡極。

無論多少年的感情，最後都敵不過青春肉體。

女人年紀大了生了小孩就開始有折舊。

肉體如何防腐也有年老色衰的人，正如人終究難逃一死一樣，躲不掉的

你可以花金錢時間心機去令你外表延遲衰老

心境保持年輕才是王道，也是我們畢生的功課。

不計較，生氣的事不放到第二天，放過別人也放過自己。

想吃想買的能力所及就讓自己開心下吧

work life balance，知易行難，為什麼要難為自己呢

最近報紙看都的，令我有點感歎，不想花精神埋頭在八卦之中，就在這裡寫下幾句去紓發一下吧。反正我的思維本來就是一忽忽，跳來跳去的，科科

心如BB有書讀了

心如有書讀了

在香港，要找個好一點的學校讀學前班都不容易。

9月知道年底可搬近娘家，實在太開心，有媽的孩子是個寶，沒媽的孩子像根草，就是我做人妻這幾年的覺悟

因為會搬家，連帶幫心如選校的策略也有所改變。

我和豬先生一致都認為兩歲開始上學對心如比較好；而且最好揀一間可以由PN一直讀到K3的；因為是女生，所以校風比較有規矩的，老師比較資深和有愛心的；校舍要乾淨明亮；不一定是名校，但老師家長都是講道理的人，近朱者赤近墨者黑；經濟問題，最好有學券；最後，學校不要離家太遠，免得舟車勞頓

新家附近有幾間心儀的

迦南--近婆婆家，學校有名氣，師資好，校舍夠大，不過聽聞小朋友功課多

啓思--學校有名氣，師資好，校舍夠大，主張愉快學習，不過聽聞程度淺

聖道明--離家近，口脾不俗

蘇浙--名校，英普教學，好多人爭，離家半小時以上車程

心如媽媽我對迦南和啓思印象都不錯，心裡有爭扎--迦南對小朋友學術上有要求，我怕她吃力，啓思或許能給她愉快童年；啓思是happy school，但求學的道路也不能一味追求快樂

面試表現，心如有少量扭計怕生，老師請她做的指令只會做到一半，不會說話，坐不定，因為怕生，老師叫她也沒有回應，幾個面試下來我都不樂觀

很感恩，我們一家身邊有好多小天使幫助我們，11月的第三個星期，就收到迦南的錄取通知

心如有書讀啦！

27/11update: 因為首選是迦南，而且offer是上午班，幾天前已交留位費。今天，收到聖道明和啟思的offer ，都是下午班的。

我比較心儀上午班，因為一日之計在於晨，而且心如比較瘦小，午睡是她長肉的好時機，所以，雖然啟思我都好中意，而且學費較平，但都未必考慮了。。。

2/12 update: 已在迦南交了留位費，所以有關心如讀書的事，就這樣落實了。下一次開始勞心勞力，應該是考小學了吧，反正我不算是怪獸家長，搬回港島給大家多一點選擇，到選小學，還要看她資質如何呢~~

保養是女人的終身事業

最近FB常常「翻舊帳」

就這樣，我的舊帳被翻出來

2008年的我，23歲，面上瑕疵多，厚粉，濃妝，會去counter修眉不過唔畫眉，成個無眉娘咁，恃住後生晚影夜訓，唔化妝唔敢見人

2009年我開始接觸CPS...大油田的出油量大減，之後，陸續有做過微針和激光脫面毛，皮膚狀態變好了

2011年，26歲，碩士畢業開始投入社會，之前一直是長曲髮，但一直髮質都不好，脫髮嚴重，加上返工忙，結果把多年長髮狠心剪掉，還留了齊蔭，髮型轉了，膚質改善了，成功減齡，不過作息時間仍是不健康，面還是腫腫的

2015年，30歲，結婚生B，成為C9一名，在家Hea了一年多，最近正式當在職媽媽，生完BB之後全身都鬆弛，期間有做過的療程有：紋內眼線，粉霧眉，射頻微針、海藻矽針，修身療程、HIFU....仲有著葆露絲...體重仍未回到孕前，身型和孕前仍然差好遠，好多衫都著唔返...依家化妝淡左好多，基本上無咩要遮，湊女其實日日都唔夠訓，而家化妝主要係工作需要，會畫眉和搽唇膏，HIFU打完唔會見到即時效果，但睇相就會有圖有真相

有人覺得保養好燒錢，我唔否認，但絕到有回報的，我就是活生生的例子

銀行有多少存款，家裡有多少個名牌包，你的外表和心境能否保持年輕，毫無疑問，我一定揀後者

望著照片，突然有感而發，這些年花在身上的錢、時間和心機確實沒有白費

只要皮膚好，身材好（努力中），穿什麼都好看

空瓶記—11/2015

 

 

 

10月份沒有出空瓶記，因有點懶，加上準備搬家和全面復工，護膚品的消耗量有點慢^^

11月了，開始加快腳步，努力把手頭上的東西用完

有緣無份的creme de la mer

轉了新工

我的小習慣是，轉新工就去buy something luxury…轉個環境轉個心情

生完BB的30歲中女，想猛下車邊做下貴婦，就將今期的入職禮物鎖定在la mer

放工去專門店，服務超好不hard sell，不愧為貴婦品牌

本來只想買個cream，剛好遇上聖誕套裝，就決定買一套

銀包拎左出黎想俾錢，BA話未有貨，就送了個creme de le mer的sample啦

即晚就用。

因為都幾rich，所以我夜晚用。

敷完保濕mask就用佢，用法係，雙手搓熱放上面

先講下我膚質：內乾內油，額頭有乾紋，鼻和下巴毛孔粗大出油，間中會出生理痘，秋冬天面頰發紅發熱

用了4晚。

頭兩晚用，幾滋潤，幾鎖水，滋潤感可以last一整晚，沒出油

第二天乾和發紅的問題有輕微改善，但出油多左。

第三晚，感到鼻和下巴摸到好多粉刺

第四晚，忍唔住擠粉刺，好硬好難擠。

這幾天都只化淡妝，有正常落妝潔面

第五天，停用creme de la mer，用回fancl

第六天，去做facial，美容師問：做咩咁多粒粒ge？

這三年來，最兇狠的一次針清>.<紅左幾日>.<

就咁，你話我二五又好，搵完著數又唔買又好

creme de la mer不會是我今次的入職禮物，好抱歉。

我的皮膚依家和la mer 有緣無份，證明我無福份做貴婦了。

都係安安份份吧啦

新工上任...

剛上新工，剛好有點清閒，又剛好有感而發，就在此抒發一下。

不知道有沒有女生像我這樣，從沒有事業心，志願是做個好媽媽和好老婆和少奶奶

工作對我來說，就是早上上班，時間到了就下班

如果生活充裕，能不上班就不上班

話雖如此，我也是人，要衣食住行，要扮靚要買衫

有自己的家庭了依賴老公養我也不是辦法

幫老公分擔一下家庭重擔也是愛的表現

有工人姐姐在家，心如不用在我們那麼多雙眼睛下成長，她可以有更多空間去學習獨立，工人姐反映過，我們去上班時，心如吃得好，睡得好，和我們在家時的模樣是完全不同呢！

上班了，一直要用腦，而且要打扮，不像做師奶一般隨便到不行，身型走樣也視而不見

上班化妝是必須的，未必要全妝，但看上去精神企理，是一種禮貌。

當然，上班能賺錢，賺多賺少也好，都是錢，當然，老公的家用少不了，女人有私己錢，shopping都爽手d

前提是，女人和男人不同，男上收工回家可不理家事，女人不行

所以，能找到一份穩定的工作，少加班，多假期，工作量不多，就是我的dream job

轉行不是一個輕易的決定

不過人在不同年紀不同身份所追求的東西不一樣

只是我的博殺期比別人短很多而已

最強萬聖節造型

生完娃娃半復工後，因為要見人，多左化妝，對皮膚的要求也高了，會抓緊早上人還精神有心有力的時間做保養。。。

晚間通常累趴了，搽點面霜就去睡^_^

剛剛倒完膜，發現其實呢個樣去萬聖節party 都唔錯啊

最好加個包租婆頭

唔洗化爛面搞到敏感，又可以敷住mask 扮靚

哇哈哈

生活就是找樂子^_^

空瓶記(9/2015)

LUSH奶黃深層護髮

用掉N罐的好物～結婚前正好碰上撤櫃，後來回歸了，開心死^_^

市面上少有的，在洗頭前乾髮使用，一罐用在及肩髮可以用到四次左右，效果keep 到一星期以上，效果拍得住去salon 焗油，而且更方便

呢隻滋潤度幾高，下次我會試下同牌子其他的深層焗油

回購度:80%,心水推介

 

Avenue soothing moisture mask

購自水貨店，沒記錯好像$140左右…好多blogger讚好用，對我來說各方面都不夠突出…保濕不及sothys，抗敏降紅不及bioderma…滋潤度不及guinot，性價比又比derma medream低…是不錯用，效果不錯，用完兩枝，但好像沒有回購的理由了

回購度：30%，效果ok，但不突出，手上存貨有表現更出色的

Origin Drink Up Intensive Overnight Mask

得為overnight mask , 它實在太黏立，於是我會當它時保濕面膜，敷半小時再過好，補濕效果不錯，皮膚柔軟度增加，印象中好像三百多元，不算很驚艷，性價比也不算高

回購度:30%，效果ok，但不突出，手上存貨有表現更出色的

愛滴氏洗眼水

眼乾或落妝後對眼濛查查時用，一定要有枝看門口，不過用得太頻密對眼會變得敏感

回購度100%

Alqvimia 去紋油

效果不錯，但好貴，無香味，大肚婆專用，呢啲油用量要多，用呢枝太傷本啦

回購度0%

Dr. Athena水光針面膜

759減價時入手，折後$86一盒有五片

拆開後分開上下兩片，好墜手，一片可敷30分鐘，用後感覺滋潤，秋冬用後good，759售貨員話一星期連續敷四片，要用四盒為一個療程，平時返工加湊B我真係無咁嘅心機咁做啦，不過一星期敷幾次mask 我諗用咩牌子皮膚都會好

回購度60%，減價時可入手^_^

 

 

 

 

 

 

HIFU 眼面頸拉皮@Belle Stage

心如一歲，帶她去影相，我決定要一洗頹樣!!

生完BB已一年了，樣貌身型還未回到孕前，雖然比起這些，寶貝女的健康比較重要，所以我到現在都沒有節食的計劃，也許這就是全埋身媽媽的悲哀吧

我不介意肥，但生完BB之後面上的鬆弛狀態，令我感覺自己憔悴了很多

有圖有真想，本來我都幾中意我個下巴的，依家完全鬆到無線條可言

就算就角度，效果都強差人意

近半年，知道有種技術叫HIFU，痛楚比之前的電波拉皮技術輕，而且沒有復原期，令我非常心動，今次剛好有朋友話我知BELLE STAGE 有部韓國HIFU 機，幾乎零痛楚而且效果佳，本小姐就去試下啦

BELLE STAGE 位於旺角富時中心，就在信和對面，交通非常便利。

第一次去fresh 會員event

陀B時開始接觸fresh的護膚品，上年仲買夠4500做vip ，我都覺得自己癲

Vip 的福利除左可以做facial 外，仲可以參加定期舉行的會員活動。。。

之前的活動我都去唔到，非常遺憾，今次終於去到啦。。。

有得玩，有得食，好開心呀

今日學畫糖霜曲奇，原來好難架。。。

不過我畫完唔記得帶走呢，嗚。。。

好彩，品牌送的小禮物，我有拎到返屋企。。。

因為家中尚有存貨，是次我沒有敗家。。。不過聖誕出box set 時我一定會失守的。。。

現在還是乖乖儲定彈藥啦^_^

寶寶食譜～三文魚鬆

最近忌廉魚油成了心如大愛^_^

萬寧賣成10蚊包呢，真識食

在一田買了一包三文魚骨腩，試下整三文魚鬆

1.將骨腩加多薑蒸熟

2.拆骨，整碎魚肉

3.落鑊中慢火炒到乾水變金黃色，要好耐心咁兜，防止燒焦，大約要25分鐘

4.落調味料，我加了魚露，大地魚粉，少許糖，再炒多兩三分鐘

5.待涼入樽

我係諗住俾心如食，三文魚好有益，不過呢，魚油好多，炒到乾曬水都勁多油，有人可以指點迷津嗎

空瓶記-08/2015

你連瞓覺個樣都得意過人(^з^)-☆

今個月收到消息，不久的將來我會搬家，現階段要儘量少敗家，多清貨，唔想搬咁多嘢啊！

睇下今個月空瓶先~~

Ppc 神纖油

$280, 購自萬寧

得50ml, 都幾貴。

終於吃到金枕頭

話說上年陀B時我基本沒有介口，但生冷如雪糕，濕熱如荔枝芒果榴連，我都不敢入口，生怕肚裡的B女皮膚不好

夏天生B坐月，長輩話太寒涼太濕熱都不宜吃，結果，夏天水果基本上無掂過

今年有吃過芒果和荔枝，老實說，沒有很驚艷，但榴連，買過幾次，不是核太大就不夠熟

今日在吉之島見到金枕頭，本小姐完全雙眼發亮，不理是否吃很完也帶它回家^_^

真係好好味呀。。。

藍宇~如果這就是愛~

乙因為最新一季爸爸去哪兒有劉燁和胡軍，昨晚終於重看一次[藍宇]

N年前剛上映時是知道這電影是部講同性戀的戲，兩個男主角都成了影帝，那時候的我，對情愛的事沒有什麼認知，不明白為什麼有同性戀

第一次看[藍宇]好像是六七年前，反正就是foxy 的年代，就找一些豬先生沒有興趣，不會陪我看的戲自己看

第一次看的是個半小時的版本，一開始就被兩個男生全裸的鏡頭嚇到了^_^

那時候的我，被劉燁的眼神電倒了，當年對劇情無特別感覺

今次重看，估唔到youtube有未刪版

有好幾幕看到有心痛的感覺

第一幕～陳悍東玩別的男生，剛好藍宇到他家門口看到了，兩人吵架，悍東提醒他不要對這段感情認真。

藍宇生氣道：你玩什麼認真？

第二幕～陳悍東想拗直自己，同藍宇攤牌，藍宇拿著遊戲機失神道：我忘了，完了。。。

然後他說：也許你知道，我再不會坐在這裡等你了

那人說：我是真喜歡你的

他說：我也是真喜歡你的

明明愛著的兩人，不能在一起，因為那人要的結婚生子，他給不了，他明白，不挽留。

到走的時候，兩人吵了一架，藍宇最後說：好像已經沒有什麼好聊的了。。。

第三幕～陳悍東離婚了，遇到了藍宇，到他家吃飯，說自己離婚了，又重提以前兩人開心的回憶，藍宇卻說：有嗎？好像真有這事。。。有些事，忘了比較好。。。

陳悍東喝醉了，問藍宇：抱一下我好嗎？藍宇禮貌地抱一下，悍東不捨：哪時候我為什麼會放你走？

兩個大男人抱在一起，幾年前的我看得很不自在，現在我看到的是兩顆緊緊相依的心不需要任何承諾。

最後藍宇死了，悍東哭了。我卻沒啥感覺。

人死了，記憶還在呢

斷背山對我來說感覺不大，藍宇給我的感動更深

看完這幾天腦海還不斷loop戲裡的情節，就是人們所說的餘韻猶長吧

空瓶記(07/2015)

我家小心如，媽媽每天愛你多一些 本小姐開始半職生涯，一半返工一半湊女，時間好充實，加上前陣子感冒，用清速度減慢，不過都照記啦，一個月記一次唔過份啦 Olecule Soothing Moist防敏水潤精華 現在用的是sample size

滋味粵菜--灑家

生左BB之後，大部分時間都食住家飯，爭取在家陪囡囡^^

多得朋友仔邀請，又多得老公放假幫我單挑湊囡，我先可以放風出來吃個Lunch

以前出街多數食日菜泰菜，年紀漸長開始對生冷煎炸的東東沒有那麼熱愛了（間中食下當然good la）

朋友仔今次帶我吃位於屯門的《灑家》，廣東話「灑家」即是「擅長」的意思，另外帶點囂張與驕傲

叫得呢個名相信對自己的出品好有信心，就等我試下先我

 

 

五柳醬酥炸雲吞（$44)

廣式鮮蝦雲吞是one of my favourite，炸雲吞反而比較少吃，賣相不算好靚，始終鮮蝦雲吞係乸埋一住的

炸得好香，一啖一粒剛剛好，中間的汁酸酸地，中和炸物的油膩感，食多幾粒都唔怕

皮蛋炸蝦筒($32)

子薑皮蛋是我最愛的前菜之一，由冷盤變成熱辣辣的小食，感覺好得意

一件有蝦肉、皮蛋和子薑，酸味夠突出，外面的芝麻又夠香脆，好開胃！

干炒牛河($78)

是賣飛佛之一，要炒得好一D唔容易，要炒到唔痴埋一舊，條條都有色，但又乾身唔斷，灑家做得到，而且牛肉都幾多，無揸流灘

牛腩撈面($56)

朋友仔叫的，大大碟，好多牛腩，好抵食！

蝦餃($32)

正宗的蝦餃應是一啖一粒的size，咁先可以同一時間食到皮和餡
兩樣東西在口腔裡的感覺實在太美好啦~~~

 

 

蝦子撈面($50)

個人出外吃東西時的怪習慣--要知道間餐廳堅唔堅，就要看最basic的東東做得好唔好

蝦子撈個人認為係簡單的，前題蝦子要靚，清湯要鮮
送到上來有驚喜，好多蝦子啊！！蝦子咸香唔腥，面彈牙又唔un清湯我飲完都無口喝
唯獨是果兩條青菜好似太熟

飄爽檳城海踅皮(50)

個汁少少辣，畫龍點睛

叉燒包($28)

 

叉燒包好香，飽到飛起都食左成個

古法馬拉糕($26)

每次飲茶我都會叫，呢個夠鬆夠香又唔太甜，好味！

灑家的出品睇單價不算超平，但份量不少，適合好傳統風味的一家大少去擦一餐！

 

地址：屯門屯門鄉事會路83號V City商場1樓L1-2號舖

空瓶記～2015/06

今個月是心如的生日月，話咁快一歲了^_^

暫時只有下排門牙兩隻，可以扶住企和行

今個月的空瓶記，開始了^_^

SKIN RELIEF CREAM

我不常用body cream，因為懶^_^

呢隻味道麻麻，吸收力也麻麻，不過用來做hand cream 是很好的

我加十幾滴香薰落去遮住本身的味道繼續用^_^

終於用完啦

廣源良的菜瓜水，無色無味，主要是皮膚好敏感咩都唔用得時用，無咩效但不會get worst

印象中係好平的

RENE FURTERER 的防脫髮SHAMPOO

SASA買行貨要二百幾蚊，都幾貴，青黃色的shampoo裡有好多細細粒的精華珠珠，氣味是柑橘類再加少少草味，好fresh好好聞，用後脫髮情況有減少，不頭皮有少少乾

LOCCITANE 豐盈護髮素

印象中不便宜，用後感覺不明顯，光澤感和順滑度都不明顯，只是用時幫助梳開打結的地方，用後不會令髮型扁榻

FANCL skin renewal pack

這是很久以前屯的舊版貨，新版大枝一倍以上，舊版幾下手勢用完了，搽完去沖涼，沖完涼洗走就得，用完皮膚會滑溜一點，有尚澤一點，柔軟一點，之後無論敷面膜和搽精華都吸收一點，不過重點要用得夠量，每次全面用一個五蚊銀的份量，而且最少一星期用兩三次，屬於好用但性價比不高類的skincare

IN 的護髮素

這是salon 裝，是我一再回購的好物，可以揸上頭皮按摩，滋潤度足又不會令頭髮變立變扁，salon 裝抵用啲^_^

做個好媽媽--美素佳兒奶米粉COOKING PARTY

五月是屬於媽媽的月份，從來都知道世上只有媽媽好，自己當了媽媽後，才覺得母親節比任何一個節日更值得紀念

為人妻，為人母，照顧家人的胃口，一家人吃得開心又健康是我的使命

心如不是為食寶寶，她的每一餐我都費盡心思

現在她每天都有兩餐粥/粉/面，另加兩餐糊仔

但糊仔要加d咩先好味又有營，就考起我了

早前參加了美素佳兒奶米粉COOKING PARTY，學下點樣配搭baby food

當了blogger這麼久，第一次和家人一起參加活動呢

 

同場遇到了和心如同年同月同日生的buddy

 

 

活動中有營養師教我們做了三個為不同月齡BB而設的baby food

有香蕉紅莓面包布甸，紫薯南瓜菠菜配白汁字母粉，還有甘荀三文魚米糊

 

睇下心如的等食樣^^

美素佳兒奶米粉有奶粉的成粉，而且帶有少少甜味，可以令到BB嘗試新食物時吃得更起勁呢！

 

↑不斷追鏡頭影相的心如^^

心如對美素佳兒奶米粉印象唔錯，誠意推薦給大家^^

更多食譜可以參考以下網址:

http://cereal.friso.com.hk/#solid-food-introduction-tips