【花嫁‧進度--本小姐大變身了】

今個星期搞掂多兩樣野

租褂：用婚展價去租一件五福褂，唔知點先為之好，不過淨係喜歡金銀線，唔想太多紅色底但又唔想著褂皇

結果就試左呢件五褔褂啦

 

因為唔夠長，要加錢整條lace駁長佢>.<

結果$1260搞掂算啦

 

對於褂呢我要求不高

 

另一樣呢，就係big day新娘妝啦

好耐之前已經打算搵Shirley老師化架啦

之前做過Shirley的化妝model，見識過佢化妝set頭又快又靚

我覺得Big Day化妝真係要夠快先得啊！我唔想匿係新娘房出唔到黎招呼賓客架嘛！！！

因為Shirley已經是老師級啦，所以都有少少out budget架（我budget係$5000左右）

但媽咪同我講：化妝唔好慳啦！呢日好重要架，如果睇arm貴少少都唔緊要啦！

 

哇！呢句說話竟然出自我媽媽口中啊！！我媽媽出名慳儉架！！

 

就咁，決定搵Shirley老師啦，唯有係其它地方拉上補下啦！

 

大家有興趣的話可以去Anderson Workshop 睇下架！

好啦，俾大家睇下妝前妝後相啦

素顏，果日做完facial個頭都未吹就去啦

可能會引起大家情緒不安架…

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

睇真人好濃咁，入鏡後好似正常返d，哈哈！

就這樣。

【花嫁‧媽媽奶奶晚裝】--選擇困難鳥

本小姐的晚裝已經KO，依家要開始張羅四大長老的行頭了

我家媽媽身高都有165，平時著衫要著44-46號的XL身型，

要租的話在款式上會有限制（和我一樣>.<）

同埋呢，租一件都要成千蚊，如果造的話可能要2000-3000

所以呢，近排不斷留意現貨媽媽衫

 

 

皇天不負有心人

在結婚雜誌裡看到這個廣告，

 

 

 

地方很好找，款式都好多，婚紗晚裝走歐美系 A line路線

 

媽咪衫款式都好多啊！有幾個架都係，d款都唔錯架！

 

去到，講真，service麻麻，我和媽媽睇左一陣都無人serve，直到我媽大聲話：「哇好多款！花多眼亂，有無好介紹？」先有人理下我地

 

之但係，媽媽睇中果件（右邊第4條）已經out of stock了（宣傳技倆）

之後，我左幾件俾媽媽試

暗中影左一張

 

 

跟據我目測，大部份款式現貨只有一件，size唔算大，

最平大約18XX，大部份款$2500左右，店員話全部款可以訂造，但要加額外三分一價錢

 

我媽一路試一路話：「哇咁貴架…我到時唔著啦」

我咪話：「下唔好啦，你已經唔著褂啦，我可以用租褂ge錢買一件晚裝比你，唔駛還仲好啦，一件之嘛，你話要換幾件我就唔理你啦！」

 

於是媽媽試左兩件都好喜歡的，而且都幾arm身

 

當我家媽媽試到興高彩烈時，個店員突然話「你地係咪有心買？你地已經試左五件，如果要再試就要落訂架啦！」

 

我同媽媽都呆左，無service都算，我明白呢d衫唔會比人任試（但我媽唔知架嘛）係有quota比人試唔一早講，我無問你都要講明我先會細心揀完再試架嘛，仲要逼人落訂，我無心幫襯唔通pat pat 痕啊！

 

依家唔係我唔願幫襯而係你無心做生意囉！！！

 

呢下真係d衫幾靚都無用啦！本來試左幾件都好中意的

 

本小姐本住「結婚係開心野唔要受氣」呢個原則就走左啦

 

真係煩

就咁，本小姐就要繼續四出張羅啦，

 

之前係百利見到到charming Image都幾多款架，不過全部都係租的

 

 

唔知有無size啦

要搵日帶媽媽去睇下先

如果無的話可能要返北上造啦

呢d都係我媽媽睇中的

 

幫媽咪睇仲煩過幫自己睇，唉

pHion 減重計劃 day 6--15/3/2012

 

首先，利益申報一下

呢set野本小姐係真金白銀買的，亦是第一次光顧袁小姐的店

pHion 減重計劃--day 1

所以呢，本小姐會係樹來一個真人實證

 

本小姐五月會拍婚照，近大半年縱食無度，返工成日坐，搞到體重不斷上升，下半身肥腫難分，真係惡夢

所以，減重修身係當務之急啦

有人同我講，做多d運動咪得囉

鬼唔知咩，但本小姐缺乏運動細胞，而且有傷患，所以，運動會做，但唔可以期望單憑做運動減磅囉

 

而且節食個樣會好殘而且好辛苦，所以今次月$1250買呢set野試下啦

 

本小姐屬於高頭大馬型，身高五尺九，體重142磅—>呢個係我11/3/2012早上得出的數字

真係嚇死人

 

本小姐目標磅數係125磅

哇成十幾磅啊

盡力啦，唉。

 

因為太肥，所以決定先減重後修身。

 

話咁快，本小姐食左呢set野第六日啦

本小姐無特別節食，不過由平時食到「好鬼飽」減到依家「剛剛飽」，而且食得清左，少肉多菜，飯係照食ge

我會餐前就沖一杯，飲完都飽左1/3啦，之後食正餐食量有少到

之前我講過好似飲沙石，係因為綠粉和火山土係唔唔會溶曬架

 

不過味道係ok架！甜甜地有少少辣，係好輕微的辣

 

本小姐好乖每日都有飲架

放假就早午晚三餐都飲

返工就只係午晚

 

頭兩日除左飲完飽飽地之外無感覺。無便意（本小姐平時腸胃唔算好，間中會無便便的）

 

第三日和家人飲茶後不久就出現萬馬奔騰的感覺，可能飲茶比平時食得油膩

 

自此之後，每餐飯後一兩小時內都有便便，即係每日都可以去到兩三次

而且便便係非常軟身的，帶深綠色的

而且小便都多左

感覺上個人輕左，無咁多廢物

 

重點係，今朝食完早餐後上磅—>139磅！！！

輕左三磅！！！

好鼓舞的成績

要繼續努力

等減到五磅之時，就開始我的「修身」計劃啦！

 

加油！

【花嫁‧減肥】pHion 減重計劃 Day 1，希望趕得切

pHion 減重計劃

 

9/3/2012 去了婚展，

搞掂了好幾件大事

1. 酒席二訂$30000

2. 租褂$380 hold住婚展offer

3. 柏芝婚攝（$6000hk pachage俾左一半訂）

 

第三樣係三月頭醒起臨時有變的

事關本小姐一直覺得9月影prewedding實在太趕，

若然只此一次的確會怕不太穩妥

於是，就想影一攝pre-pre wedding

預習一下先

上網見到【柏芝】評價唔錯，雜誌又有promotion，就決定呢間啦

去到發現雜志上的package不夠看，結果買了$4999的package

又送相架&提名banner之類的

都算ok啦

 

因為計劃有變，原本諗住9月影pre wedding

依家5月頭會影啦

要加快修身步伐啦

哇！好趕好趕

 

希望呢set野可以幫到我啦

今日第一日飲，味道ok，但口感好怪>.<

己經飲左第二杯，覺得有飽肚感，但暫時未有排毒意欲

唔知同我今日M come有無關呢

希望可以減到磅啦

做左呢份工後肥左10磅，依家140磅啦

依家目標體重係125磅

希望5月可以達標啦！！

【花嫁‧心情】呻呻呻，大大大出血

由決定結婚到呢一刻，足足三個月啦，

距離我們的婚期，尚餘9個月

所有野都keep going進行緊

係一次hea遊yahoo拍賣的途中，

找到一間快將結業的婚紗舖

放假無心插柳的登門造訪，

隨後陸續購入晚裝，婚紗，首飾

買到戶口的銀碼幾乎歸零

 

二月份花的錢太多

先是到dermes join了手臂脫毛，因為用EPS計起上黎最抵，Dermes的療程一筆過地付清，

比後唔駛心掛掛，覺得自己好有型

然後怕被dermes 的人再sell自己索性自己走去Musses做背部彩光脫毛….

係平好多啊而且可以分幾期碌卡

但同一個月join兩大part的脫毛療程

咪就係大出血囉

 

二月中經前皮膚大災難，又紅乾又癢又喪爆粒粒，d粒粒係有膿的，野火燒不盡

與是對有機品牌多左興趣，

買了Eminence的幾樣東東試

老實說，不是醫美品牌那仲速效的product

抗敏的mask用了幾天也見不到效果

也許是太大災難，神仙難救

於是鼓起勇氣，到Kos試做 Eminence的facial….

效果不是即日見到，但隨後幾日粒粒逐漸減退…沒有「春風吹又生」

皮膚的防禦能力真係好左

而且用了它家的洗面奶，之後面紅的情況少左（平時在公司，未到三點三面珠紅曬，依家如果夜返屋企先會紅）

比較驚喜的是，去黃氣的效果真的幾明顯。

它家的藍莓面霜，真係好香好香

可以順手high一點在眼上，連眼霜都唔駛搽啦！

看上去很小一罐的travel size，早晚用了三星期只用了半瓶，其實是貴買平用啊

總好過買了一大罐萬年用一完吧

 

它家的產品不便宜，但facial的價位相對合理（買五送一大約340就有一次保濕facial）

所以呢

單是二月，我join了兩個脫毛療程和一個facial療程

然而，仲未止血架

 

有日和豬先生去抽血做婚前檢查後，走進一間快將結業的婚紗店

就這樣，big day, prewedding, 和姊妹裙全部KO

你可以話我狼死，

但真係超級抵

這些東東，我都是用比租還漂亮的價位KO掉的

 

重點係，我銀行戶口裡的錢，只剩下今個月的薪水了

呢d，就叫做化整為零啦

---

 

這些天都在為晚裝奔走

豬先生好像無動於衷，四點半收工自己回家了

我收工要去試裙，等改裙，回到家都差不多十點啦

「咁我要返工嘛？」

乜全世界得你要返工咩？

「你又無叫我去…我唔知嘛…」

你又無問！！！你成個過程無參與過啊！！！唔知唔知！！你連我著乜都唔知！！！

「係啊，我唔知加，你影比我睇咪知囉」

唔好意思，呢d不勞而獲掠奪人辛勞成果ge野我唔、會、做！！

「咁你想我點？我咪話同你去婚展囉」

哇！真係多謝曬

 

場係我睇，衫又係我睇，不如你到時就咁現下身簽個字算啦！

 

哼！

激死我啦！

【花嫁‧嫁衣】好康推介！本小姐買曬所有晚裝和婚紗啦！

呢件事講起都興奮

本小姐的pre wedding和bday穿著終於有著落啦！

事緣本小姐有天在網上四處張羅晚裝禮服，

正在為要租定買頭痕，

本小姐找到這家店

這家店本來是租禮服的，現在老闆娘快要做媽媽，要做結業清貨

所有晚裝和婚紗都有好驚人的價格啊！

真係買走平過租架！

$1500可以買到1件婚紗，兩件晚裝啊！

係二手架，不過保存得好好的，而且款式超多！

不過衛生起見，我都會洗下ge

 

因為要保持神秘感，暫時無得睇本小姐的戰利品啦！不過大家有興趣的話好快d上去啦！

做到8/3 咋！

不過建議大家打個電話上去book時間，事關老闆娘個肚好大啦，太多人上去可能應接不暇呢！

就這樣

 

---

另外，豬先生正在製作我們的成長片段，

這些天我都忙著整理相片，

我細細個時真係好得意呢！

面書都轉左profile picture了

還有

我的仔仔囡囡

都是豬先生咁多年來唔同紀念日買給我的

遲下帶佢地出街，影多d相俾咁多位哥哥姐姐睇！

big project的進度

己落實項目

1. banquet place—Jade Hall @文化中心映月樓（己付一訂）
2. bay day—6.12.2012
3. pre-wedding--大石爸爸掌鏡，九月去澳門影
4. big day photo and video: 大石爸爸
5. 姊妹團--二小姐，flora, jenny, 瑩, mavis, 嬌, josephine, joanna
6. big day styling—shirley@ anderson workshop
7. pre wedding styling--技安@技寨

 

未落實項目

1. 晚裝（迎賓，祝酒，送客）
2. 婚紗（一件定兩件？）
3. 媽媽奶奶衫（本來的奶奶衫因未來62話太暴露，要再搵過）
4. 男人西裝
5. 褂
6. 花球
7. 手花
8. wedding logo
9. 簽名冊
10. 好多lum sum 野

【花嫁‧進度】--一訂已落，訂造婚紗（一）

17/1和豬先生到映月樓睇場+落訂

明明電話留位25/1/2013有位，點知去到時話晨早己有人book了，只剩樓下那個有點殘舊間格又奇特的地方>.<

 

還好我和豬先生每人都找人擇了兩天好日，先不致於騎虎難下

就咁，我們的婚期提早了，今年年底我就做豬太鳥

 

個女部長叫豬生三月婚展時拿飛入去俾二訂，拎返d婚展優惠啊

 

日子訂下了，要全速前進搞期他濕碎野lu

仲要落足馬力留長頭髮+減肥啦！！！

 

---

同一日到Any Idea睇婚紗

 

因size關係（五尺九，140磅，目標—big day前要減10kg），所有婚紗晚裝要訂造

而家人仔高企，為免因改衫而舟車勞頓，已打消北上辦貨的念頭。

 

Any Idea地方細細但款式唔少，最貴3000左右可成交

budget ok，釘工一般，店主Kelly人好好，有好多建議俾到，成個過程好casual舒服，

 

本小姐試過三條，因為唔俾影相，只能言傳啦！

 

第一條—low cut 閃石小拖尾款

$3000但著左個人好肥，out!

 

第二條，有帶露膊大花邊長拖尾款

$3000收身，elegant，拖尾好長好靚！唯獨怕PK

 

第三條，low cut收身款

呢條$2000，著得我最瘦！！！後面小拖尾但無野睇>.<

下星期放假再望下其它訂造婚紗的地方，

到時再話俾大家知

【花嫁‧進度】--睇場記

場地未落實，0進度啊！

嗚……

 

昨晚和豬先生鬧別扭，睡不好，到三點之後就失眠，依家個人浮浮地

好在今天是無政府狀態ja

 

---

昨天day off，和媽媽開尾我的睇場記

 

補充一下，本小姐諗住細細地搞一場好睇婚禮，所以budget大約13圍左右，希望包到場，所以其實選擇唔算多

而且想避免西式自助餐出現賓客自動流失的情況，所以打算搞中式婚宴，己排除酒店場地

 

之前去過八月芳，男人都覺得唔錯，
細細地包到場，樓底夠高，間隔四正，
地鐵上黎好方便
缺點係唔算典型高級地段，唔熟太古會覺得無地方行，同埋酒樓出面無咩影相位

 

 

場地一：尖沙咀海港城八月居

睇中它有無敵海景證婚禮堂

入到去呢，樓底低，光線唔夠，內部三尖八角，好快被out了

不過出面個平台又真係幾吸引ge

因為正值lunch hour，食少少先走

兩個人$16X，都幾貴呀，

 

場地二：北京道一號帝廷

入到去己經好中意，好靚啊！成個場無柱架！

新娘房好企理，仲可以放到一圍tim ar!!!

係呢度搞一定好開心

不過包場的話要3X圍先得啦，間場會好肉酸，所以，就咁，可以收皮

 

場地三：文化中心映月樓

相比起帝廷和八月芳，感覺較舊，但樓底算過關，有水晶燈閃令令，仲有維港view….正正

映月樓有兩個禮堂，其中一個剛剛好可以包場，出要有空地可以搞室外證婚，整體黎講都唔錯

缺點：一字排開個場好長，而且餐具，桌椅都有點舊

 

之後，我地仲睇左銅鑼灣利舞台

譽宴：好大好浮誇，重點係…無期

月滿緣：是跳茶舞的地方，只可包場，但最低消八萬八

 

仲有皇室堡

景逸軒—有outdoor area…但境觀一般

彩福皇宴--大場太大，細場太細，不過LED燈deco效果不俗

帝延--無北京道一號果種氣勢，同一般酒樓無大分別

 

 

總結：

雖然喜歡北京道一號帝廷，但地方太太唯有割愛

八月芳交通方便，但無影相位

映月樓地段靚景正，但場好長，環境有d舊

 

李氏力場今次真係考起小女子是也！