有驚喜的保濕精華~~Dr Young bamboo blooming booster

因為是glamabox的長期顧客，家中有不少sample仔，最近坐完月身體開始恢復，也開始習慣做全職奶媽的生活模式，嘗試抽空消滅掉一些sample

事關心如bb和我都怕熱，近排屋企開冷氣多過食飯，加上隔幾個個鐘又要喂奶，休息不足，乾紋黑眼圈暗粒全部出曬黎，有時候出汗仲會搞到額頭好似出風難咁，又痕又紅揸左嘢轉頭出汗又痕返

水盈能量提昇精華液晶瑩剔透的精華，質感清爽不黏膩，為肌膚提供能量，密集補濕，淨化肌膚，軟角質層死細胞，促進新陳代謝，增加肌膚彈性及吸收力，均勻並亮澤膚色，兼具抗細菌，抗發炎及抗氧化功效，從而提昇肌膚的狀態，並提高隨後護膚品之功效。

而我拆呢包東東黎用時只係想保下濕，成日開住冷氣真係要隔兩三個鐘補一次skincare，一打開，係水狀，無香味，揸上面有小小啫喱水的質感，開住冷氣揸都唔會即刻抽乾，而且有小小涼浸浸的感覺，好紓緩唔會有凍的感覺，最驚喜係額頭因敏感而紅左一達達都係幾分鐘內退左八成，因為呢個吸收得快唔會有出汗後再痕過呢過問題，好正啊

唔知邊度有得買呢？

用後感…menardBEAUNESS 溫泉礦物健膚精華面膜

呢張mask 是幾個月前glamabox裡的

Menard的東東給我的感覺就是不便宜但是口碑不俗的品牌，尤其她家的綠水，好出名的，但價位不算吸引，一直沒有入手，

上官網一看，這個面膜三百幾五塊，真係要試下啦

這個mask主打是礦物保濕的，敷上面紙質不錯，不會太厚重不用躺著敷，但也不會太薄，包裝上說敷10-15分鐘，我敷了大約半小時也沒有乾掉

剪裁方面不過不失，尚算貼面，但如果可以cover到眼就更好啦，我呢d懶人最想眼面一次過搞掂的

敷後感覺保濕效果不錯，面上的暗粒退掉不少，而且因為皮膚飲飽水，都無咁暗啞，因這個面膜質地比較清爽，所以不用過水，按摩吸收後揸返面霜就ok

本小姐的用感是，效果不俗，但價錢沒有令我有回購的衝動

心如滿月了

我的寶貝，你依家食奶叻左好多，身上面上都多左好多肉肉，已經不是 un un了
一個月大的心如，開始有脾氣，肚餓時見到媽媽會扭計，對住媽媽擘大個口
食奶的時間漸漸變得穩定，爸爸媽媽都開始習慣半夜起身照顧你

你仲識得聲控提示換尿片，仲有多次在媽媽陪同下轉身
你長得越來越似爸爸，尖下巴和頸已經逐漸消失了

你滿月，媽媽解禁，但我卻一步都不想離開你

愛你

心如bb過六磅大關啦

2/7/2014妹妹你破六磅大關了

今次去健康院上磅，2.74kg，六磅多少少

不是什麼驚人數字，卻是媽媽和你一起努力的成果

你出世時2.495kg 連果5kg都不肯給我，出院時收水，五磅都未到

現在醫生說你黃疸退得好好，不用再特別跟進

下次再覆診就是滿月後，要打針呢

你到時仲笑得出嗎

晚上我們沒有再刻意叫醒你食奶，你一點和五點自動叫醒我們

距離戒夜奶似乎近了一步了

望住你熟睡的樣子，實在不忍心叫醒你

愛你

❤