14/6--和老公先去九龍城買baby stuff，之後就去公公婆婆的家，那天天氣炎熱，掛一號風球，我在他們家時汗珠不停掉落，老公的媽媽給我煲了熱熱的靚湯，我熱熱地喝下，大汗淋灕，將風扇對住自己，但都係頂唔順，要走落lobby 涼冷氣，大肚婆真係好怕热架！！！
晚上一家人打邊爐，好耐未試過咁飽，回家很晚了，對於已經懷孕三十六週的我，有點透支。
15/6--早上收到健康院的電話，我中了b型鏈球菌=_=，問過私家醫生，著我要去拿報告，因為老公放假，先陪我回娘家，星期一再去健康院搞手續。
當天晚上我的下腹有點痛，是輕微m痛那種，持續了一個多小時，因為之前都試過，所以我不以為意，但後來認真去想，bb的到來，是有先兆的，只是我不夠謹慎，沒有放在心上
這是16/6那天我和友人的對話，現在想來，懷孕後期所有徵兆都不能掉以輕心
16/6--早上去健康院辦理手續，之後去給bb買個床鈴就回家。下午坐地鐵和朋友在地鐵站交收一下就去診所做check up。就个人來說，在孕期中最難受的是便祕的問題，醫生叫我要是真的很困難就去藥房買纖維粉吃，還摸了摸我肚子說bb是隨時都會來了，叮囑我隨時做好準備。
到了晚上，如常地在娘家晚餐，因為便祕問題很困擾我，一整天不斷吃了好多水果，到睡前開始有便意，便去了個大号，之後在床上躺了一會兒，突然feel到下體有股暖流，起初以為自己失禁，因為孕婦漏尿是常有的事
但今次和漏尿不同，我連睡褲都濕埋，即時覺得不妥，馬上和媽媽說：我條褲濕左，但我唔係賴尿啊，我們大家都意會到我穿了羊水，問題來了：一直計劃去私院生的，留位費都付了，但那時是晚上十一點，要飛的過去都要半小時，到時候羊水都流左好多了；去東區醫院是比較保險的做法，但私院的床位費就未必攞得返了
慌亂間叫妹妹幫我打俾老公（我當時驚到手震，下面由水only流流下流左d血絲出來）商量過後，決定先去急症再決定去唔去私院生
我的羊水流到周圍都係，但走佬袋我只帶了几片M巾，其他都在我家，要老公幇我帶來。在急症室等待期間，我媽媽幇我買尿墊，有位姨姨帶我上產前房，我媽咪打俾我問我係邊，我驚到講唔到，淨係大聲問：姑娘我依家係邊呀
姑娘幫我量血壓，我太緊張，血壓去到170（正常是130或以下），心跳去到130幾（正常是80左右）我和姑娘說我中了b鏈，但健康院的報告未send過去，姑娘起初都唔信，後來我不斷強調：係真架，先俾我見醫生，醫生話bb已落盤但宮口未開，我穿羊水要催生，催生前要打抗生素
催生針每半個鐘加一次藥，但我剛入産房已經感覺到m痛了，姑娘話依家只係開始...
到兩點半我開始痛到頂唔順要求聞氣，姑娘話：你剛剛先開始ja wor，你第一胎有排痛啊，起碼十幾廿個鐘，咁快聞氣之後好痛時就無用啦，你諗清楚wor...不如玩下産前波啦
係呢個時候真係咩都要試啦，但转個頭姑娘又話：医生話bb早産又催生唔玩得産前波啦
就咁，我坚持到三點半，陣痛已經兩三分鐘一次，每次兩分鐘，最後我都要闻氣
姑娘可能見到我好痛又唔敢嗌，今次無再阻止我
闻气係有用，但當痛楚加劇作用就會減少
期间老公一直都陪住我
到0520，突然有一下痛楚由闻左气後的五级升到十级，闻气已經無用，我忍唔住大嗌左声救命
之後聽到个姑娘回答我：太太，黎得呢度个个都痛架啦，你嗌完会唔痛咩？
我：唔係呀，我想疴啊
當時我feel到下面有度力擘开左，有股暖流流出黎，我估係血，後來我老公話我知，真係血
幾个姑娘听到我話想疴，都大声叫我唔好疴，但我係痛到控制唔到，有度力一路push
姑娘叫老公出去，之後睇我下面，跟住问我要唔要老公入黎陪我生
我痛到講唔到嘢，只可以點頭
老公入來捉住我隻手，但我咁样用唔到力，就fing开改为捉住産床个handle, push左兩下，姑娘話三分一個頭出左黎，叫我下一个陣痛時再用力，点知下個陣痛过左一陣都未黎，姑娘就不断叫我用力，但無陣痛原來係用唔到力的，但姑娘話bb頭cake 住，禾巧京京，就唯有用我小宇宙，用力push
最後，17/6 0530妹妹出世了
後記：因为妹妹細細粒我大大份的关係，我生妹妹時無剪會陰，但下面裂开左小小，縫針時，姑娘發现我止血方面有小小问题，心跳都仲係一分鈡百幾下，叫我唔好食嘢住，因我有機會要做手术
結果，吊左成日止血針，唔洗开刀，但要到下午五點幾先可落床
後來我想起，孕妇在36w後不能吃DHA，因会影响凝血功能，而我只係停左幾日
所以呢，要平平安安咁生bb真係好多學问架！
好多人話生完會好感動，但我第一個感覺係：搞掂！第二個感覺係：係産房果三個姑娘...好煩，又唔俾人嗌又剩
直到抱住心如出院，我的眼淚才流出來，那種感覺從來未有過，很開心，很激動
最後，俾大家睇下心如bb的近照啦
