礦物彩妝用後感（妝前霜篇）

近半年發覺自己面色很黃很暗啞，有時又敏感發紅，仲爆油光

就這樣，又要化妝先見得人啦

其實本小姐有點怕化妝。彩妝品大部份都是化學野，長遠對皮膚不好，而且卸妝品用得不對，對皮膚更是二次傷害

所以，我想找一個可以遮紅減油光又不會增加皮膚負擔的產品

剛好看到一個礦物彩妝品牌的廣告標榜不用卸妝（真的嗎？）於是就去爬文啦

【女人必看】過分神化礦物粉底? 你不可不知的事兒！！萬人迷礦物粉的 Pros & Cons

礦物粉底確實捉到女生的心理：想靚但唔想傷皮膚，以我的理解，一般粉底為了要有貼服持久的效果，成份裡會有一些成份令粉底「痴實」皮膚，而且粉質要夠幼細，這樣有機會堵塞毛孔，令到皮膚不能呼吸，引致生粒粒

平野無好？要做個精明消費者

 

上星期消委會做了個research…報章上的標題是這樣的

FB好多人都談論：車！La Mer咁貴效果咪同Nivea一樣！

我第一個感覺都係咁

但再深入一點去想，這次的研究是講「保濕效果」

轉季敏感大出血

話說，我又皮膚敏感了

現在己經退紅，不過紅過的位置現在變得很粗糙
又紅又熱又癢的感覺好難受，今個星期又敗了一些東西，打算把家裡的保養品全部換掉

中秋小敗家@草莓網

 

本小姐近期大部分時間home office, 基本上沒什麼機會出外shopping, 大部分時間都網購，所以其實無出現少花了錢的情況

［真金白銀］Eminence 潔面，面膜，精華，面霜小品評

本小姐近日愛上了網購，祖國的淘寶，美國的iherb，香港的ztore，草莓網...是但一個都足以消磨一天 關於網購我遲些再分享，今天我想講下我用過的Eminence産品
本文中提及的產品是我由2011年到現在用過的產品，所以好多都無圖啦，我儘量上網搵d圖俾大家參考，都係果句，我的文字比圖片重要


認識Eminence是在我婚前（2011年底），看到袁彌明的介紹   

 於是我入手了 stone crop， eight greens， strawberry這三個面膜15ml

 

 Eight greens和 stone crop 樣貌和氣味都蠻像的， 綠色gel加上碎碎的葉子，帶點腥腥的青草味

Stone crop我用過兩個15 mL ,三盒 60 mL stone crop 面膜用後感--我的去黃淨白工程—Eminence 垂盤草面膜 

*會回購

 至於eight greens，我總共用過兩盒15 mL , 第一次用Eight greens時，那種熱到著火的感覺真你嚇倒我了，質地是黏黏的，加點水薄薄地敷上臉，一分鐘就感覺到熱辣辣，敷10分鐘就差不多乾掉，可以洗掉啦，整塊面紅卜卜像關公，毛孔都張開來，這個狀態通常維持一兩個小時，這段時間裡無論塗什麼敷什麼都會非常吸收 時間一到皮膚會比之前有光澤緊緻，我通常之後會敷一片好一些的面膜，加強吸收

*會回購

Strawberry 面膜我用過一盒15 mL ,一盒60 mL ,面膜是粉紅色 cream狀加點紅色果肉，香味非常香甜，敷完感覺清爽保濕，效果沒有太大 

 後來我也入手過一些東西 

  潔面類 

 

  檸檬潔面乳 

  好香，洗得乾淨又唔乾，而且用完半枝左右就會見到去黃氣的效果好明顯，用來卸妝不夠力，而且成本太高，我只用來潔面，我用完四大枝了。 

*會回購

  Sweet red rose cleanser 我用完一支，冇再買。佢係粉紅色洗面奶，質地比檸檬洗面奶稀身，玫瑰味道好香，不過我用完會發紅敏感。 

  Clear skin probiotic cleanser  我用完一支，呢隻會起泡，使嗰時好清涼，因為有薄荷成份，夏天用好正，冬天用好難受。 

 

面膜類

 

Clam skin mask 當時我額頭鼻翼發紅出暗粒，有時會痕，所以美容師介紹呢個俾我，是菊花茶的味道，敷上面有點涼，幾舒服，但效果不算明顯，也不太保濕

 

Clear skin probiotic masque 鼎鼎大名的益生菌面膜。敷上面個感覺好清涼，好舒服，敷完暗粒會變平滑暗瘡會縮小，我用過一盒15 mL ,兩盒60 mL ，我用過一盒15 mL ,兩盒60 mL  

*會回購

 

  Eminence hibiscus calendula recovery masque 呢個面膜係我大愛，佢可以消炎，舒緩，保濕，滋潤，搽上面有少少涼涼地，唔係薄荷嗰種，而係類似蘆薈個鐘，好舒服，四季都用得。我用過兩盒 60 mL ，會回購。    

 

Blueberry soy repair masque

好香甜的面膜，滋潤保濕，用後皮膚感覺柔軟

*會回購

  精華類 

 

  Couperose-C serum 係一隻抗敏感的精華。我用過一支30 mL。質地清爽，搽上面有小小涼涼地，有少少收斂效果，有少少降紅，效果唔算保濕，其他效果唔明顯 

 

  Stone crop serum 我用過一枝30 mL ,保濕，舒緩，均勻膚色，這三樣效果都不錯。。   

*會回購

  面霜類 

 

  Linden calendula treatment 我用過一盒15 mL ,這是晚霜和面膜兩用的，我覺得不保濕，都幾焗身，紓緩的效果也不明顯，用完出油多左 

 

 

Blueberry soy night recovery cream 我用過一盒15 mL ,一盒60 mL。味道好香甜，滋潤保濕，去黃氣，不過早上化妝前使用會起擦膠碎  

*會回購

 

Rosehip whip moisturizer 我用過一盒15 mL。呢個係玫瑰果面霜，咁多隻面霜入面，佢比較薄身，質地比較清爽，有舒緩效果

*會回購

Nasberry treatment cream，現在在用60ml，是個面膜面霜兩用的産品，效果和hibiscus calendula recovery masque 有點似，前者收復強一些，後者紓緩強一些

有時我會加一滴沙棘油混合當按摩膏，按完唔過水敷過夜，第二朝毛孔收細，膚色亦明亮

*會回購

 

Tropical vanilla suncream 我用過兩盒15 mL。好香雲呢拿味，質地滋潤保濕，有 SPF32,用來做日霜效果唔錯。夏天用我覺得不夠清爽      

*會回購

 

Bright skin moisturiser ，我用過一盒15ml

味道和垂盤草有點似，不過是輕量版，質地比雲呢拿輕身，不過皮膚乾時用用覺得有點拮和發紅

呼~~又打完一篇啦，Eminence 的東西就係有種魔力令到人想試曬咁多嘢^_^

依家見到草莓網咁多嘢買，我又手痕痕啦^_^

〔用後感〕水感肌塗抹式水光針

這東東好像熱賣了一陣子
一直沒有入手因為知道是made in China的產品
https://youtu.be/ZplfFd-PlqI

我不歧視國貨，不過選護膚品我的優先次序是

1. 歐美（醫美）
2. 日本（醫美/防敏）
3. 歐美（有機）
4. 韓國（韓/漢古方)
5. 專櫃
6. 國貨/開架（有口碑）

就咁，家裡中國製的護膚品少之又少

不過在youtube又見到blogger Isadora 大讚，就入手一盒試下啦

入手價：$270，和朋友團購搭單買的，卓悅上網都買到，好似仲平d呢，如怕麻煩我在優品360都見過$330一盒，其實大部份水貨店都是這個價位

一盒有十枝，我通常晚上用，一枝用三次，一盒用一個月

質地和fancl的sleeping pack好相似，不過fancl的細枝（無記錯300幾一枝)，絕對唔捨得厚敷過夜

水感肌呢，有人教一枝用兩次，亦有人教一枝用一星期，我就覺得呢，我已經係中女，生過BB，皮膚和後生女無得比，無謂慳住用，但一枝兩次又多得滯，我就用三次啦

質地水潤，易吸收，但唔會搽完好似無搽咁，最大作用係令皮膚變飽滿

近期工人放假，我無時間敷mask，就晚晚用佢，第皮膚so far都keep到，無點出粒粒
如果懶敷mask，呢個係好好的選擇

搽完精華用佢，之後睡前塗面霜就ok啦

用了一星期，皮膚最大分別係上妝貼服度高左，笑起上來眼週不會猛猛緊

回購度：80%

〔用後感〕INUF CREAM MASK: Geisha Whitening

呢篇其實好耐之前已經想出，不過忘記左
正所謂，生一個傻三年

INUF= I Never Use Foundation 大約一年前本小姐係FB知道呢個品牌的
http://www.inufskincare.com/

是香港品牌，走high-end路線（個人認為，定價唔算親民）

一直都好想入手，但之前只可以上網買（不包運費）或者要過海（本小姐是港島人），所以一直得個睇字

依家係金鐘廊開左counter，實在太方便放血啦

之前仲有很八達通嘟機買trial pack，幾十蚊買一包試下
CREAM MASK: Geisha Whitening



呢個Cream Mask主打美白的，倒出來是咁的
主要成份：有機仙人掌萃取物，圓葉當歸提取物，清酒酵素，蘆薈精華，青瓜精華，透明質酸，維他命E

所有成份都不刺激，敏感皮膚都無問題（本小姐係易紅的皮膚）

 

因為已經倒左出黎，就撈勻照敷上面啦，不過係撈唔勻的
一包的份量只足夠敷一次，係唔夠敷埋頸的，如果份量多返少少就好lu，我prefer敷埋頸，唔會兩截色嘛

敷20分鐘後洗走，確實係白左，而且唔乾，效果keep 到三日左右
不過因為唔夠搽埋頸，所以成日型住條頸好黑，哈哈

但佢倒出黎個樣真係令我難以忘懷，於是第二日就去FB留言問啦
得到的答案係：佢地無加到對皮膚有害的乳化劑，所以有少少水油分離但不會影響使用

本小姐護膚資歷都超過十年，亦曾經有段日子自己DIY護膚品，絕對明白市售的護膚品有幾咁多係無效什至有害

有d香料表面上令人覺得感覺良好，但其實致敏；有d乳化劑or增稠劑令到產品睇落濃郁d，但對效果係無作用；防腐劑更加唔係可以隨便用

而INUF堅持唔會用對皮膚唔好的成份，個人應為真係無咩牌子可以做得到

$350有10包，有效果，唔貴亦唔平（廢話）
都係果句
平但無用 VS 少少貴但有用，我會揀後者

2016/03 空瓶記

今個月用完一堆東西，不過因為一星期有三晚要去 梵博家 做運動，回到家已經無電了，所以自家拍的產品照就欠奉啦，產品照都在google找回來，不過文字是我真心分享^^

LJ的化妝水，婚後一直在用，因為salon裝，性價比非常高，香味討好，清爽保濕，沒有不愛它的理由，家中還有一枝四月底到期，要每日濕敷爭取在過期前用完

回購度：很值得買，不過已經用了好幾瓶，想試下其他牌子

ILCSI甜紅玫瑰洗面奶
我買淘寶分裝的，別問我怕不怕假貨，我買的那家在微博裡賣就個牌子算是始祖了，好多代購都抄佢COMMENT
價位唔算平，玫瑰味都幾好聞，唔俗得黎有少少lady，用來卸防曬無問題，和我用過的洗面奶有點不同，呢隻打圈按面過水後係爽身的，滋潤感不重，效果算係無功無過
回購度：20%

ILCSI rose petal gel mask

呢個都係用分裝的，我會溝少少蘆薈gel用

之前想入手fresh的玫瑰面膜，但評價有點兩極，結果忍手

呢個分裝，我用完好中意，因為玫瑰味好香，用完好水嫩，又白淨了

就買了個salon size 125ml回家

因為之前分裝沒有成份標籤，salon裝就有了，卻看到好多對皮膚不太好的成份（例如pafum在成份表裡中間的位置，香葉醇會致敏等）

如果以一個salon牌子的話，有呢d成份我覺得正常（不過最好無啦），但身為一個有機牌子，又要另外落香料，我覺得佢畫蛇添足囉

anyway，印象中Eminence 則沒有此等情況出現

回購度：50%本身不排斥添加劑，不過最好不要在太前的位置

Olecule Revivial Serum

用掉一枝sample 就馬上入手，算係果酸類的精華

去粒粒效果明顯，試過下巴生了粒大痘，塗了第二天變小小痘

要晚上用，在眾精華前用，幫皮膚清底

因為近期不想再做果酸或矽針之類療程，用daily product感覺上會比較溫和，皮膚不會太依賴果酸

回購度:100%，已入手30ml

Selveskin Copper Peptide

用掉5枝sample size，好易吸收，我通常是夜晚用

用了一兩個星期會feel到皮膚緊實了一些

五六年前我在BB laboratories買過它家的藍銅原液用來碌微針，效果很好的，不過當年好似要$200/5ml之後無再入手，後來想回購時卻停產了

現在有出藍銅產品的品牌好似不是太多，也不知哪家比較好，無從比較

回購度：90%

Olecule Nu-concentrate

用掉三枝 sample, 質地有d似蜜糖和膠水，是杰身的，b5是保濕，Nu-concentrate便是滋潤，近期成日都覺得乾到出油，但搽多多保濕精華都不夠，油可以鎖水但只停留在表層，總是覺得差了什麼，用了這個就知道之前爭咁d「滋潤」

佢剛上面有點立，好快就吸收到，乾紋都退了一些

回購度：100%，已入手30ml

Dr Athena 水光針面膜

無可否認佢補濕滋潤的效果係幾強

夏天用會覺得太潤

係我呢排又乾又鞋，但又出油爆粒粒的境況下，能令d粒粒clam down，塊面無咁紅

真係幫到手

回購度：100%

最近起敏感

其實都持續了多過兩星期了

今次敏感同之前都有點唔同。之前係面珠位紅，熱，然後搽野會「拿」

今次，顴骨位生了好多好細粒，無膿頭，但又痕痕地的粒粒

有d似我懷孕後期生在頸上的肉粒，唔會傳染，但會越來越多，有礙觀瞻，化妝後d粒粒好似仲明顯左>.<

好擔心啊

呢排連peeling都唔敢做，怕會刺激到

而一日一面膜和一個月KO toner計劃仍然進行中

這兩個星期主要在用以下幾個面膜

（最近心如病了，回家實在無空間拍照，產品相片都來自google，請見諒）

ILSCI 甜紅玫瑰保濕修護面膜

ILSCI景天草紓緩淡斑面膜

SOTHYS 智能水份面膜

EMINENCE 人參果面膜霜

ILSCI和EMINENCE的面膜我都有MIX 蘆薈GEL用，然後再加一粒加了爽膚水的壓縮面膜

敷大約15分鐘

敷完皮膚都算水嫩，會ON TOP 加面霜鎖住效果

不過有時D粒粒敷完仲痕左>.<

日間返到公司就感覺到塊面好乾，猛住猛住咁，但又出油wo...又有乾紋啊

總之就難搞

結果我琴日開左塊Dr Athena水光針面膜來敷

敷足半個鐘，塊mask薄曬，睇黎我真係好乾，full完真係覺得猛緊同乾的感覺無曬，d粒粒都平返好多

呢個mask敷完都好夠潤唔洗再搽野，今朝起身都仲feel到好水潤

其實呢個水光針面膜我今個冬天都用完3盒，跟佢療程用真係崤有改善ge，加上佢性價比和其他水光針面膜相比都算高（阿信屋熱賣價$78/5片）

老實講呢個價位我唔會預佢幫到我依家呢個情況，唔惡化已經好好（呢期純粹想清貨有mask密密敷）

但今次俾到驚喜我

睇黎要補下貨啦

仲有，我想講下Olecule nu-concentrate

我買的是sample size，本來無諗住買，只係湊埋其他野買夠金額免速遞

話說我塊面生左好多粒粒，但塊面又好乾好鞋

我搽完soothing moist和B5+之後就搽佢

佢的質地頗杰身，搽上面有少少好似搽蜜糖咁

滋潤感好重，不過隔幾分鐘就吸收

會feel到皮膚滋潤左好多，額頭的乾紋都淡左

面頰的粒粒都好似有層野保護住，無痕lu

會再買多枝keep住用啊

我仲未好返，今次真係有d cake手啊

遲下會再分享

密密清project--LJ玫瑰爽膚水

這枝應該是我第四、五枝500ml的爽膚水了吧

同一個牌子，salon 裝，幾年來，用掉幾枝，除了因為我好長情，就是因為佢好用得來性價比超高

夠保濕得來不會潤，而且香味淡淡的不誇張

家裡有枝存貨，下個月底到期，我決定日日濕敷，係過期前用曬佢！然後。。。

新目標是kielhs 的金盞花爽膚水^_^

正所謂合久必分，用耐左就想試下其他東東

希望四月底我可以話俾大家知今次成唔成功啦！

小project大想頭：舊mask換新mask

本小姐最近被貴婦品牌搞到火燒心
之前入手了creme de La Mer....sample...算係完左我小小心願，叫做試過下

不過最近wish list裡又多左一樣...
Valmont renewing pack



上網睇到好似萬能咁，保濕滋潤亮白控油乜都得
不過專櫃價都真係嚇死人...$1900/50ml...
水貨店有salon 裝，賣2千幾200ml

都仲係好貴>.<

為左入手，家陣我有個小project...
屋企有幾枝gel/cream mask，我會好勤力咁用曬佢地，用曬佢地就會入手啦
Guinot
Fresh Black tea instant mask
Sothys
ilsci stone crop mask
Annie's ways 金盞花+熊果素凍膜

呢幾樣野加加埋埋應該就等於一罐salon 裝的valmont renewing pack啦！
用曬先入手！等我！

HIFU 眼面頸拉皮@Belle Stage

心如一歲，帶她去影相，我決定要一洗頹樣!!

生完BB已一年了，樣貌身型還未回到孕前，雖然比起這些，寶貝女的健康比較重要，所以我到現在都沒有節食的計劃，也許這就是全埋身媽媽的悲哀吧

我不介意肥，但生完BB之後面上的鬆弛狀態，令我感覺自己憔悴了很多

有圖有真想，本來我都幾中意我個下巴的，依家完全鬆到無線條可言

就算就角度，效果都強差人意

近半年，知道有種技術叫HIFU，痛楚比之前的電波拉皮技術輕，而且沒有復原期，令我非常心動，今次剛好有朋友話我知BELLE STAGE 有部韓國HIFU 機，幾乎零痛楚而且效果佳，本小姐就去試下啦

BELLE STAGE 位於旺角富時中心，就在信和對面，交通非常便利。

第一次去fresh 會員event

陀B時開始接觸fresh的護膚品，上年仲買夠4500做vip ，我都覺得自己癲

Vip 的福利除左可以做facial 外，仲可以參加定期舉行的會員活動。。。

之前的活動我都去唔到，非常遺憾，今次終於去到啦。。。

有得玩，有得食，好開心呀

今日學畫糖霜曲奇，原來好難架。。。

不過我畫完唔記得帶走呢，嗚。。。

好彩，品牌送的小禮物，我有拎到返屋企。。。

因為家中尚有存貨，是次我沒有敗家。。。不過聖誕出box set 時我一定會失守的。。。

現在還是乖乖儲定彈藥啦^_^

好驚豔的醫美療程！我塊面firm左好多！（附blogger優惠）

本小姐自開始籌備婚事起，對皮膚護理著緊了好多

定期出外做facial, 隔日在家敷mask…

真是從未試過咁勤力

之前童顏媽媽Blogger Heidi 介紹過快靚正的神奇瘦面

本小姐好榮幸有得參與其中

 

可以試做Reaction這個醫美療程

今次地點是銅鑼灣Derma cos-medic

 

店面不算大，給人的感覺是乾淨明亮

 

本小姐出外做treatment，從來都不太在意裝潢，羊毛出自羊身上，乾淨企理就ok

 

進去Catherine向我介紹今次會用到的儀器

 

這個treatment的名字叫「Reaction」

運用的是RF的原理…和Themage的原理一樣，

但痛感和創傷程度都少好多，不需要復原期

作用是加熱皮膚底層，促進膠原自己增生，從而達到瘦面提升的功效

看到上圖亮燈的格仔，就看到本小姐用在臉上的度數啦！！

 

或許你會問：本小姐你塊面已經好細啦

唉，細還細，自己知自己事啦

素顏登場！！！

 

 

•   左右兩邊眼尾有不同程度的下垂，一邊高一邊低

  上下眼皮浮腫，黑眼圈清晰可見

  咀邊肉明顯，蘋果肌下移

還有法令紋令人覺得我強顏歡笑

 

一個字！

 

殘！

 

 

 

 

 

 

 

 

 

 

 

 

 

 

 

 

 

有兩個機頭架！！

好似巴斯光年打怪獸枝槍咁！

 

 

 

 

 

 

 

 

 

 

 

機頭每次用完都會拆出黎清潔，安心又放心

 

 

 

 

 

 

 

 

 

 

 

 

 

 

 

 

 

 

今次的效果，絕對稱得上令我驚豔！！

Part 1機頭會吸啜皮膚然後再打RF，務求令能量打到更深層，

有少少吸啜拉扯的感覺，但本小姐覺得暖暖的好舒服

效果很明顯吧！做完一邊另一邊的腫漲更型突出，像含了一粒糖似的，質感很「泡」

做了的一邊firm了很多，瓜子面出來了

 

是part 2，用gel，機頭一下下地把能量打進皮膚，沒有吸啜的感覺，只是感覺到少許溫熱，印象中是促進膠原增生

眼都會打埋架！！靈魂之窗少不了啊！

題外話：街外好多facial是眼還眼面還面分開計的，我覺得好怪…

乜眼唔係生係面度咩？？

呢個treatment是眼和面一起做的，感覺更抵做^^（未嫁人己變C9，汗）

 

整個過程是不痛的，本小姐做到後期都昏昏欲睡了
（發呆中…無表情但咀角都明顯上揚了^^）

 

做完後….

 

真的好驚喜啊！！！

眼角向上，面珠都變緊實了！！

最明顯是法令紋減了好多啊！

 

不要說本小姐執相啊！！

全程用艾瘋影，無執過相的，最後一張找個光線好的地方影的

做完機敷了個CO2 mask，再塗上Olecule的精華

覺得自己塊要飽滿左好多啊！！！

 

剛做完效果己經好滿意

Catherine話只需做6次，1個月一次就keep到一年啦！

好吸引！

即刻問價錢！

 

聽聞依家有優惠，原價$2XXX一次

$580可以試做一次Reaction瘦面療程，仲會送一枝15ml的Olecule精華！！！

另外，試做Laser$480就可以，同樣會送精華！！！

上網搵Olecule的資料，原來都唔平架！試得過啊！

 

至於package，有blogger優惠，$4000/4次 reaction，另加送一次Laser

即是$4000有5次 treatment！！

論價位和效果本小姐都好心動呢！！！

 

 

 

大家有興趣的話可以致電28084260 Derma Cos-medic查詢