談談近況

上班的工作量和壓力還好，每天送女兒上學後自行坐車上班

星期六日不用上班，但「媽媽」這份工是年終無休的

心如Monday to Friday都嚷著I want BIRTHDAY CAKE…為娘也只好出山整餅了（所謂出山，真係幾年無整啦）

我的修身之路--革命尚未成功（多字少圖）

心如兩歲了

加大碼的媽媽生了個細碼的囡囡。。。

真係無眼睇

今次我想講下我呢兩年修身的經驗。

革命尚未成功，只係稍作分享

我身高176cm（生完後疑似高左，但未正式度過），從小有肉地，骨架幼，中央肥胖，四肢幼

結婚時（2012年12月）體重63-65kg（我的體重經常有點上落，原因不明）

減肥日誌（1）開始做返運動

心如就快21個月了

現在對大人說話的理解能力都有85%以上，英文會比中文好少少，對食物興趣不算大，面珠有少少肉地，但身體頗骨感。
說話方面，會叫 Hi, Bye, Yes, No, 好, 謝謝, 些些, 爸爸, 姐姐, 公公, 婆婆, 姨姨, 水水, 車車, Mickey, Peppa, 虎虎
喜歡聽Frozen 裡的歌
還有，最近有個壞習慣，一遇到不滿意的事時就會趴在地上發脾氣

心如每天都給我驚喜，家中有個小天使真的好幸福

可能我太幸福啦，一直到依家都未瘦得返>.<

結婚時65kg，懷孕前68kg, 臨生前85kg，生完78kg，依家75kg

仲有排未返家鄉啊陰公

因為人重了，膝蓋的壓力大了，上落樓梯會痛

整個人都懶懶的，好易攰，體力比以前差左好多，眼見好多媽媽生完小朋友都仲好精神飽滿，又靚又fit，我就成個師奶咁，又肥又殘

剛過31歲的我，確實唔甘心啊

就咁，有日在面書見到

老實講，報名是被「免費」兩個字吸引到

上左幾堂之後先見到「無效免費」

well...如果真係可以逼到自己做運動，等個人健康d，又瘦返d，$不是問題（霸氣）

我3月開始上堂，一星期有3晚十點後才回到家，好掛住阿囡啊

上了一星期，磅數暫時remind unchange

不過體力上覺得有少少改善，放假時咩住心如出街無咁快無電

期待黎緊幾個星期有其他improvement

大家有興趣可以上佢官網睇啊

http://www.vibeplusdance.com.hk/

另外我又去Ecosway買左呢枝酵素液，一日一杯，遲d再review啦！

stay tune!

做個好媽媽--美素佳兒奶米粉COOKING PARTY

五月是屬於媽媽的月份，從來都知道世上只有媽媽好，自己當了媽媽後，才覺得母親節比任何一個節日更值得紀念

為人妻，為人母，照顧家人的胃口，一家人吃得開心又健康是我的使命

心如不是為食寶寶，她的每一餐我都費盡心思

現在她每天都有兩餐粥/粉/面，另加兩餐糊仔

但糊仔要加d咩先好味又有營，就考起我了

早前參加了美素佳兒奶米粉COOKING PARTY，學下點樣配搭baby food

當了blogger這麼久，第一次和家人一起參加活動呢

 

同場遇到了和心如同年同月同日生的buddy

 

 

活動中有營養師教我們做了三個為不同月齡BB而設的baby food

有香蕉紅莓面包布甸，紫薯南瓜菠菜配白汁字母粉，還有甘荀三文魚米糊

 

睇下心如的等食樣^^

美素佳兒奶米粉有奶粉的成粉，而且帶有少少甜味，可以令到BB嘗試新食物時吃得更起勁呢！

 

↑不斷追鏡頭影相的心如^^

心如對美素佳兒奶米粉印象唔錯，誠意推薦給大家^^

更多食譜可以參考以下網址:

http://cereal.friso.com.hk/#solid-food-introduction-tips

（試用文）性價比高的噓噓樂紙尿片

十個月大的心如，見到BB形物體會異常興奮 

由於心如媽媽我身型龐大加上身手不敏捷，從來在BB展我都未拿到過尿片試用T.T 

心如初生時用H牌，因為心如是細粒B，要用零碼片（早產兒的故事，想起淚漣漣），但用感是「藏金量」對初生人奶B餐餐有大大來說有點不足 
後來轉用P牌，白色的甩毛，綠色的和心如的屁股八字不合，爆片爆到變屎撈人是家常便飯 
（H和P的片片我都是在萬寧買的行貨) 

最後轉中碼時轉了日版的M牌，各方面都ok（除了價錢外)一直用到現在，行貨太貴，等樓上舖做promotion時買好幾包放在家，要定期留意各太BB用品小店^^ 
心如吃媽媽奶，慳了不少奶粉錢，但如果尿片都可以慳小小，當然就最好（慳黎買玩具都好嘛）


（仲有玩具玩，多謝曬^^) 

今次收到噓噓樂的片片，之前已經聽聞噓噓樂的性價比高，抵用而且質素一點不輸蝕 好吸引啊，好開心可以試用呢！！

唔講唔知，噓噓樂是來自台灣的^_^

講下噓噓樂的性價比。。。

尺碼	適合	1包備有 (片)	建議零售價
中碼 (M)	6-11kg寶寶	56	$86.2
大碼 (L)	9-14kg寶寶	50	$86
加大碼 (XL)	12-16kg寶寶	44	$90.6
加加大碼 (XXL)	15kg以上寶寶	28	$75

 中碼片$90有找就有56片，比M 牌水貨仲要平30蚊！
正所謂小數怕長計，呢啲消耗品可以慳返啲真係好開心架^_^  

再睇下用家感受^_^

換完片自己係度唱歌，非常陶醉^_^

平時換片要扭令一輪的心如最近換片都乖乖地，用家無投訴，用感應該ok啦！

目測片片不屬厚片類，夏天用應該好舒服，唔怕焗到出粒粒^_^

藍色超快傳導層，迅速分散及吸收尿尿，超薄乾爽 

令我諗起M巾^_^。。。不過心如就算用過夜都無漏片的問題^_^

之但係。。。不論吸濕力如何，到時到候還是要換片的，你也不想BB的靚pat pat 和大小便相處太久吧^_^

值得一提的，大脾位好貼服呢

有圖有真相，大脾位夠大，唔會箍住，但又夠貼服，對無時停的心如是大解放又唔怕漏^_^

心如用了噓噓樂一星期，幾乎每一次換片都好開心，郁來郁去都無移位情況，非常之穩陣^_^

心如呢排中意碌橙。。。仲要同個橙一齊碌。。。哈哈
無時停的BB更加需要舒適又穩陣的片片，當然可以用經濟實惠的價錢做到就very good la^_^
下個月心如要轉size，我可以用平片啦，哇哈哈（灑花。。。）

想登記尿片免費試用的媽媽可以到香港噓噓樂的網頁及Facebook專頁：

http://www.sealer.com.hk/

https://www.facebook.com/sealerhk

心如食乜餸(七個月寶寶餐單)

前幾天病住生日，進入三字頭，有女萬事足^_^

病的時候最擔心係無人奶俾心如

好彩可以藥照食，奶照餵^_^

時間嘅關係，list out 返心如近呢一個星期的餐單

如無意外，呢個餐單可以recycle 幾次

心如食乜餸 25/1/2015

心如差不多七個半月了

開始進食固體都差不多兩個月

也開始見到她對食物的喜惡，

暫時她不太喜歡的食物有：紅蘿蔔，粟米

喜歡的食物：節瓜，南瓜，BB椰菜，豆腐，魚，雞，紅豆水，菜心，湯

大人晚飯時會給她吃菜梗，試過菜心，芥蘭，豆苗，皇帝菜，一律無任歡迎，主要給她當食用牙膠，一頓飯可以摧毀四五條菜梗

因為要記錄下心如的食量以作為之後的菜單設計

我會在這裡做個心如food diary

每天都要想心如吃什麼好像有點煩

我想為她設計一星期餐單

今天星期天，心如會吃

紅衫魚豆苗BB椰菜白蘿蔔薯茸米糊

希望她喜歡吧

空瓶記～Kose白澄

這枝白澄。。。終於都用完了啊

白澄，個名好聽呀

幾年前在SOGO thankful week 買的，終於用完

必須說，這是我用過的美白精華中，效果最不明顯的

乳液質地，感覺滲透度麻麻無特殊氣味，我是混合性偏乾膚質，用完出油多左

不過，夏天用白澄就不用加面霜，滋潤度足夠，而且以美白精華來說，温和不刺激

價位屬中價，效果不明顯，純粹被名字和包裝迷惑。

不。會。回。購

泡泡面膜～Domohorn Wrinkle vs Too Cool For School

常愛起飛腳的心如，看來表演食腳趾是遲早的事+_+

最近早上會敷泡泡面膜

五、六年前我在台灣買過一枝orbis 的泡泡面膜，大約港幣$200左右，用過大約十次，沒有過敏但也不見效果，所以之後一直沒有再入手泡泡面膜

兩年前試用Domohorn wrinkle 時用過泡泡面膜，對這種質感的面膜改觀，於是再次入手

相關文章：http://datshelen.blogspot.hk/2013/09/domohorn-wrinkle.html?m=1

DW這個泡泡面膜和我慣用的cream mask 和paper mask 在用法和用後感都有分別

用後感--GLAMOUR signature regenerating mask

心如的bb樣開始無啦

已經唔捨得佢大個=_=

繼續skincare密密用^_^

今次呢個GLAMOUR signature regeneratin

是在glamabox 裡的

Make in Korea

韓國品牌的東東實在何其多^_^

五個月的心如bb

五個月的心如BB

見到爸爸，媽咪，工人姐姐，婆婆，會開心笑

見到爸爸以外男性（公公，爺爺，其他陌生男人）會扁咀，三秒內爆喊

安靜時似媽媽，發脾氣時似爸爸

最中意Minnie 

中意趴底

只要可以望到鏡就可以靜下來^_^

空瓶記-LOCCITANE 馬鞭草body gel

看來本小姐用保養品的速度還不夠快，不能像有些blogger 般一次過出一篇用清文，空瓶留下來阻訂又礙眼，決定用完，評完，就讓它塵歸塵，土歸土

我的産後營養補充品

心如是天賜給我的禮物

為了她，身材走樣都可以不理，只要她飲媽媽奶飲得好好的

不過我的人奶只夠心如埋身吃，吃完後再泵的話。。。兩邊加埋一安都唔夠-_-#

心如百日宴那天好多友好都話我面色好左，我想我吃的補充品應該有幫助

坐月時我用補益坊的産後廿八方加雞酒補身

坐完月後我一直在吃這幾種supplement，為自己和心如的糧食補充營養

其實還有DHA，不過剛食完未買返^_^

左起：

白蘭氏蟲草雞精——感覺無原味咁燥和味道比較甘甜，由白蘭氏熱線買平啲又有送貨，本來想買滴雞精但香港不易買到，而且貴好多

日間一天一瓶，感覺元氣比沒喝時好

補益坊蟲草cs4——購自健怡坊。正價$398/90粒，不時會有promotion，會抵好多，無病痛時一天兩粒，我懷孕初期患重感冒，一直唔斷尾，直到開始食蟲草補充品就一直無病過

GNC鈣片——購自萬寧，因為餵人奶需要補鈣，沒有特別挑牌子，純粹容易購得，有人會到iherbs買，的確選擇多又平，但吃的東西在大型商户買比較安心

即食阿膠條——購自c竇，一天一條，我覺得幾好味，試過一天吃兩條，隔天喉嚨痛，吃了睡眠質素有改善

閒時敷mask--The History of Whoo clay mask+驢奶面膜

話說，心如bb越來越有性格

我和爸爸出去四個鐘，返到屋企工人話佢唔肯食唔肯瞓-_-#

扭眼瞓時會好似醉酒佬咁講嘢，有時食食下奶又吐返nipple出黎四圍望，再扭下計，又越來越重，我開始明白點解抱b都會抱到筋膜炎

依家幾乎要趁心如瞓時先可以敷mask 打blog,我想像唔到如果我要返工我的狀態會如何

有工人幫忙家務，又不用上班，只是餵下奶，湊下女，每日到九點我都已無電

真心佩服在職人奶媽媽

好，入正題，我想講就算我無返工我都無咩時間打理自己=_=

趁老公在家，心如又睡了，我先可清下貨

我的修身之路-- WEEK 8 INTRAGEN電波拉皮

心如過左100日啦

見住佢由出院時五磅唔到，到依家抱耐d會攰，原來呢三個幾月心如大個左好多，而我亦不經不覺餵左三個幾月人奶了，諗起佢剛出院時要三個人捉住佢食奶（一人捉手，一人㩒住個頭，加埋我手抱，因咀細食唔到發脾氣 fing頭），我試過兩邊乳頭被啜到損曬，之後又試過出白點，依家肚餓時只要抱埋身自己就會啜，食完又會用bb話同你講嘢，成件事真係好amazing

同時間亦會提醒到我已經為人妻為人母，唔再年輕，老公亦不下一次咁「提醒」我：「老婆你依家個雙下巴好現，望落好富泰。」

其實我一直都有雙下巴，不過生完心如後係雙下巴+鬆弛一齊黎囉

真係.....忍唔住都要唱「我的青春小鳥一去不、回、來」

就咁，趁住心如百日宴前，去淨意坊做一次電波拉皮療程