2016年1月28日星期四

生日,食好東西


今天,是本小姐的生日。
昨天,難得和老公二人世界,去碗屋吃放題
魚生依然新鮮,不過有好多野都降左grade,但價錢就升左幾個grade...
可能長期唔夠訓,加上陀BB長期禁食生冷野,望住魚生都無以前咁熱愛
串燒...大推BB蕃薯,好好味呢...
海膽手卷都好好味...
其他野呢....確實都無咩印象,亦唔覺得特別好食
加左一要成600幾的放題。無。下。次。
不過,聽聞佢地午市定食質素ok,就俾多次機會佢啦

正日生日想去排下毒,朋友又介紹我去做中藥薰蒸,趁lunch就上去試啦,點知一坐上去,因為對腳太長,坐唔落個桶>.<
一場黎到,又lunchtime,一條友,唯有食返碗一蘭先
要排一陣隊,入到去,個seat真係好逼,坐得好唔舒服,不過呢個好似係特色黎,哈哈
剔左佢地的點心紙,因為第一次食,所有野都要normal/medium
味道幾濃下,同埋佢地個辣椒粉真係有畫龍點睛的作用,加左好食d,我好似係要1/2辣,剛剛好
叉燒有兩塊,無肥膏,紙咁薄
佢地個廁所值得一去,個人認為係景點黎
我唔覺得有人serve過我,但就要俾加一
整體黎講係好味ge,不過真係坐得好逼,迫使我要減肥>.<
加左一之後一碗面要$98,係貴ge,不過作為生日午餐,ok啦

晚上,有我最愛的蟹炒年糕,真係好好味,好味到我唔記得影相,哈哈

之後我家豬先生就買左我最愛的Italian Tomato 士多啤梨蛋糕,好開心,好好味^^



大愛唇部用品

本小姐覺得嘴保養理好重要,重要程度和面上其他部位一樣。
唇部色素不均,無唇色,唇紋多,都會顯得不精神和衰老

一個無唇紋,色澤粉嫩的嘴仔係我所追求的。

本小姐是咀唇比較薄,大部份時間無咩血色,秋冬時容易脫皮

年紀輕時我比較喜歡用唇彩,現在韓妝當道,唇膏是必備妝物。

但唇妝始終持久力有限,飲下水就無了,一天要補個兩三次是基本

唇膏塗得多又怕色素沉澱。。。

我承認,女人是麻煩的動物(笑),因為咁,我好認真地考慮去做飄唇。。。

不過,實在怕痛和知道復原期不短,就暫時將呢個計劃放埋一邊先

依家就講下我平時點樣保養我咀仔啦

坊間好多人教用油+沙糖做唇部磨沙,我唔建議咁做,嘴唇好薄,就咁磨好易磨損,而且過多的磨擦會引致色素沉澱

我每晚都會厚搽Fancl Lip Treatment

空瓶記12/2015

之前搬屋漏左無寫,剛剛執相時搵返

(左上)Olecule soothing moist
呢枝可以話係我的all time favorite,清爽保濕,佢一d都唔立,但你用左佢皮膚會好穩定,好易吸收,如果天氣乾淨係用佢係唔夠,而我通常on top會 再搽其他精華,佢就有少少肌底液咁的效果,如果做完果酸或矽針或其他醫美療程之後,其本上要搽好多好多好多補濕,呢個時候佢就好重要啦,呢枝60ml salon裝,我日日早晚用,大約4.5月就用到一滴不剩啦

(左下)Creme de La Mer
係佢最經典的面霜,呈硬膏狀。
個人認為用呢個面霜要有以下條件,否貼可以考慮用soft cream
1. 體溫要夠高(乳化得好效果先出到)
2. 係dry skin(否則會覺得立)
3. 有耐性去乳化(有時天氣又凍又乾,隻手凍捽萬年都乳化唔到)
同埋,唔好諗住用貴野就可以慳返護膚程序,如果無做去角質,又或者面霜前無用精華打底,絕對係唔用好過用
所以呢個cream係for一d對尋膚質有追求的人用,而不是想懶要快靚正的人用的

(右)Nubian Heritage Raw Shea Butter body wash
幾好用,好起泡,洗完係爽身粉味,唔算平但都用到幾耐下



2016年1月27日星期三

空瓶記01/2016

今個月是我的生日月,唔覺唔覺又買左好多無謂野...anyway買咁多點都要用返d,哈哈




由左至右講起--

IN Harmonic Conditioner
用完第三枝salon裝了,是我的all time favorite...我實在太愛它了,滋潤度剛剛好,無d對頭皮唔好的成份,不會假滑,可以用來按摩頭皮,已經買多一枝補倉了


Lush啤啤洗髮露
之前用有海鹽果隻shampoo,但秋冬用實在太乾,於是就買左佢。呢枝啤啤洗髮露打開就會好似我汽水咁有少少gas走出來,香味絕對唔可以用香黎形容(啤酒味)但洗完頭皮好乾淨和頭髮有光澤,效果唔錯的,都用過好幾枝了

Alblanc 美白按摩面膜
呢枝我會叫佢做懶人面膜,佢係白色凝膠狀,唔油唔立,油性皮膚都用得,洗完面擠一粒車厘子的量按面3-5分鐘,然後去沖涼,等d蒸汽幫助吸收美容成份,做完皮膚會明亮一點,而且光澤度有提升,我一星期用兩三次,不過按摩產品我比較喜歡滋潤型和油潤型的

Eternus D Pure White Serum
因為黑咪介紹而去買,以美白精華來說,可以說是我用過的最保濕和不刺激的,夏天有時用佢連保濕精華都可以唔用。

雖然溫和,但效果都明顯見到的,對均勻膚色效果不錯,起碼夏天都無點黑到,不過對斑點幫助不大







2016年1月26日星期二

〔觀後感〕自梳(1997年電影)


看了一套想看很久的電影,不出所料的喜歡。
真的很喜歡。
整容不普及,沒有假睫毛,沒有大眼仔。
楊采妮真係好靚

〔藍宇〕裡的愛是sex行先。
〔自梳〕的愛是一點一滴累積而來。

想也沒想到,戲裡楊采妮的心上人(兼搞大佢個肚的經手人)
是錢嘉樂。

反正這部戲是兩個女人的友情-->姊妹情-->愛情,男性角色不重要啦

我對愛情的想法是。。。嗯,為什麼一定是一男一女,才是愛情呢?

只是剛好遇上了,愛上了,被愛上了的人,和自己不同性別吧

真的愛了,其實性別不重要。

為什麼那時候的港產片,比現在的好看這麼多?

2016年1月25日星期一

生日買咩俾自己?Domohorn Wrinkle, Ilsci, Ecco

今個月是本小姐的生日月^^
生日月是個大出血的月份^^

有些東西,是本小姐是很早就打算在生日月買的,例如Domohorn Wrinkle
有一些是在當月突然好想買的,例如Ilsci, Jo Malone
還有一些是天時地利人和,如Ecco

總之,本小姐今個月確實大出血啦!

好,等我講下我點解會敗呢幾樣先

命中注定型--Domohorn Wrinkle
幾年前都介紹過domohorn wrinkle
真係好中意好中意,依家跟日元定價絕對一大福音!!!
個人認為比la mer好用,因為我未試過用完有任何不良反應,而且價位可愛一點
生日月買因為會有雙倍積分,可以換唔同ge產品配合本身的東西使用
我買了它家最重要的基礎四點,乘惠$33000yen
身為blogger,定價不可愛,但幾年以來不斷回購,因為是真愛^^

心血來潮型--ILSCI
因為之前整個月密密用Eminence Stone Crop Mask,感覺效果好好,上網見到有人話Ilsci比Eminence好,於是12月入手了一些分裝,到一月就直接入手一些salon 裝
會用耐少少先再分享

小試牛刀型--Jo Malone
本小姐之前無咩涉獵香香的東西,不過睇Youtube黑咪有一集講Jo Malone,就馬上生火了
Jo Malone的香味有好多,於是我買了一些sample試真d,揀定再入手
因為味道有好多,買買埋埋都差不多六七百了^^



天時地利人和-- Ecco
兩三年前本小姐趁減價入手了一對Ecco就穿不回別家的鞋了
本小姐是玻璃腳,容易夾腳磨損著痛腳,Ecco實在太啱我腳型啦,不過好貴^^
不月份的某幾天Ecco在Sogo做開倉,斷碼鞋賣$1000/3對,靴賣$1000/2對...實在對我好大福音
話咁易就買到三對鞋兩對boots,乘惠$2000


真係血流不止呀,過完年就要勒緊褲頭啦


2016年1月13日星期三

〔我手寫我心〕亂up一通

曾經,我的blog都有d人睇
收視率還是有的,起碼我家豬先生是我的忠實觀眾。
拍拖時晚晚間我打左日記未
後來專注打美妝文,不是他的菜,又後來,兩個人住在一起了,好像也沒有追看的必要了。

其他人呢?
有收視,不過不出名,個別文章會特別多人看,但近十篇八篇收視得。個。位。數


我不以我的blog來搵食,比起好多人,我不夠進取
我總是不夠進取。

沒人看,也不會做箭靶吧

那麼,就這樣吧

前幾日,facebook被那個分獎典禮洗了板。我返工收工湊女,竟然錯過了沒看。
不過看洗板內容略知一二吧。
就是將好多歌改編成好啜核又反映時弊的節目吧,因為要夠真夠到肉,所以粗言猥語少不免。
應該屬於要家長指引的節目吧。我覺得。

讀書時家人勸我出國讀書,我沒去,因為覺得香港很好,有我愛的人、事、物,我無必要走

佔中第一天,我哭了,很心痛,點解香港會咁ge

物價貴了,人工跟不上通脹,看到能上車買樓的人,好羨慕

社會有好多問題不是一日之寒,那時沒發現,現在發現時,就怪政府沒好好處理

成個節目,都是笑著罵人吧

很無奈,我們只能這樣表達不滿。

又,見到好多人多謝shell,我又諗,其實身邊有好多事都值得感恩ge,點解平時唔見咁多人感謝父母、感謝老師,感謝身邊美好的事物,而成千上萬的人多謝一個破壞環境的贊助商,多謝佢贊助節目令你得到一晚歡樂?人的感恩之心只有這些嗎?

我不解。

又,當晚有小朋友合唱團表演,歌詞中有「老母」一詞,我當時就諗到謝金燕首「必必必」
(笑)
有人話:「老母係粗口黎架,你地教壞細路啦」
又有人話:「台語叫媽媽真係叫『老母』架!古語都係咁叫架!」
首先,香港人講ge係廣東話,唔係台語,唔好同台語黎講,大家口語文法唔同。
其次,文言文中「老母」係年邁的母親。你家陣現代人,唔好同我講文言文啦,況且你媽媽又唔老。
廣東話講「老母」係有貶義ge,好似路姆西咁,係鬧人先會用ge。我相信做媽媽的,唔會中意俾人叫「老母」
例如同媽媽講:媽咪,我想買玩具呀/老母,我想買玩具呀!
得出的結果一定係唔同的。
呢樣要搞清楚。

「老母」呢個terms不是粗口,不過好粗鄙。我覺得,小朋友唔好學住,唔係,當和同輩背地裡談論父母時,「我老母乜乜乜」無論仔定女好,做媽媽的都希望小朋友斯斯文文吧

我估有人會問「咁老豆呢?又粗鄙啊!」

你問我的話,我會答,少少啦,最好就叫爸爸或Daddy

呢d就係廣東話精妙之處。

亂up 一論,希望唔好俾人插啦。
講完。

2016年1月5日星期二

2015愛用品真心share

話咁快,2015年過完了
上半年本小姐是師奶,下半年開始做part time,到11月開始全面復工,當了媽媽的人,發覺要上班才能有私人時間(在上班時間擠出來),出文的速度也比之前快了

今年用過的好物都不少,超過90%以上都是自購的,本小姐不再十八廿二,沒有青春也沒有野心,想試的就只有自己買,所以下面的好物,好多都已經用光光,又或者已回購幾次,我今次會綜合曬出黎講下

不過,當呢篇文打完的時候,我部電話d相唔見曬
所以大家唯有睇住文字先啦
我打左好耐架

有時間就補返d圖,上網搵的,方便大家了解產品,不過都係果句,我的文章是字比圖重要

潔面類

Sothys敏感洗面奶--已用完一枝salon 裝500ml

之前用過一枝同牌子的中性洗面奶,兩個都好用,敏感呢隻無味,而且比較易推,洗感比較清爽少少,早上用來潔面,晚上用來落淡妝,洗完塊面好舒服柔軟,500ml大約$200幾,日日用都可以用大半年抵用好用

Toner類
我用過幾隻都唔錯


LJ玫瑰爽膚水,之前都用過幾枝,今年用了一枝,有少少香味,少少保濕力,而且夠平,性價比贏曬,之前成日用來濕敷,今年多左敷mask,屋企的mask多到用唔曬,所以今年LJ玫瑰toner我主要用來加在棉片上抹,用來做二次清潔



Thayers 玫瑰爽膚水
氣味和LJ的相比,香味會lady D和濃d,同樣性價比高,同樣可以濕敷,無酒精,無paraben,無塑化劑,我通常裝入噴瓶內,敷cream時同來保持濕潤



Fancl肌底保濕液
一年間用了三小瓶,保濕同時可以當做肌底液,咁計的話,$180/30ml唔算貴,用後再用保濕精華感覺明顯加強吸收

精華類


Domohorn Wrinkle Intensive Hydrator
今年Domohorn Wrinkle 在香港的美肌中心close左,令到我有d傷心,因為係佢地度上workshop係我和我媽媽的親子活動,有得食有得玩,真係好正架!Domohorn Wrinkle係唯一一個brand可以令我媽媽注重左保養,所以我定期都會回購
雖然香港唔會再有domohorn wrinkle的workshop,但佢的產品售價變成跟返日元售價,咁就真係開心好多啦,事關以呢枝intensive hydrator為例,之前香港訂價$500,日元定價5000yen,相對抵買
呢枝intensive hydrator好大枝,貨size 120ml,非常抵用,初初用會覺得好潤,用多幾次皮膚就會吸收得好d,就會覺得皮膚好柔軟,唔會猛猛緊,對於30歲以上的皮膚補濕力非常到位


absolute care 細胞再生眼部緊緻精華
部精華,係我第一次感覺到有效果的眼部產品,用完一定回購
想睇返之前介紹請按此

Olecule soothing moist
由7月用到11月,一枝salon size 60ml的精華被我用光光,日日早晚都用,水油平衡和因缺水敏感的情況減少了很多,夏天多汗多油的日子用沒有負擔,吸收得好快的,不過秋冬單用佢就唔夠啦,不過如果你用佢打底,然後on top會加不同功能的精華(例如美白、抗老之類)咁就無問題啦


Olecule barrier repair
10枝sample size已被我用完,佢用量唔洗多,因為用幾多都會吸得曬^^,我會用曬所有水狀精華之後,搽面霜之前,用來lock住底層水份,用完保濕度會明顯比較持久,是我用過最易吸收的面部油類產品



Domohorn 美活肌精華
呢枝精華係可以美白、抗老、淡斑,和我用開的美白產品唔同,不會去掉表面角質,唔會令皮膚變薄變乾,無化學成份,孕婦都可以用,不過唔代表佢係好溫和,溫和到無效果,佢淡斑的效果係幾好的,堅持用完一枝就會見到效果,皮膚亦均勻有光澤


Exuviance Vespera Bionic Serum
是我的秋冬大愛,滋潤,令皮膚均勻有光澤,有時懶用完toner淨係搽佢就訓,第一朝皮膚都脹卜卜,佢比較潤和有果酸成份,我通常夜晚用

面霜類


fancl膠原修護乳液
護膚年資長了就會知道,保持皮膚穩定才是皇道,當皮膚出問題是我們可以做的就是什麼都不要做,保持最基本保養就ok,fancl對我來說就是這樣的一種形式存在,大學時期斷斷續續用它家的卸妝潔面面膜和營養補充品,今年才開始用它家的補濕液和乳液,感覺不錯,會一直用


Bicelle B5 面霜
保濕力、滋潤感都剛剛好,是neo derm beauty box裡的東西
話時話,beauty box每個月都有一件貨裝的東西,$120一個月非常化算
按此訂購
F1606438是我的referral number,訂的時候入埋就得啦

面膜類


Fresh 黃糖面膜
去角質同時滋潤,用完皮膚變滑變明亮,感覺非常好,以前以為$500多買一罐黃糖+油很不值,護膚年資長了就會知道有效果但貴少少,總好過價錢平但無效果,而且它一罐有100ml,用量也不多。這罐我會歸類為「買得過」的產品


Derma Medream   CDM蘆薈防敏降紅水份凝膠
呢個真心好用而且性價比高



Bioderma 深層再生防敏面膜
是我用過的第一枝cream mask,也是我最喜歡之一,搽上去無咩感覺亦無氣味,但洗面果時就會覺得塊面好潤好滑,d發紅敏感唔見曬,早兩年試其他品牌的抗敏mask,用黎用去,都係返轉頭用返佢


BB補濕mask
要買日版、要買日版、要買日版,很重要所以要講三次
春夏用藍色,秋冬用紅色
貼面、效果好、性價比高


Dr. Althea水光針面膜
夠潤夠保濕,試過一星期連續敷5日,皮膚水嫩,透明感上升,優品360和阿信屋做promotion時入手比較抵,秋冬用好好


Eminence Stone Crop Masque

一個月KO一盒,美白不是夢^^

我的去黃淨白工程—Eminence 垂盤草面膜


美容器具
因為心如家陣識行識走,其實生完佢之後已經好少用插電式的美容儀器,因為set 機收機都要花時間開壇,所以今年用的美容儀器全部都無須插電的

Yaman

之前是試機,後來心如爸爸買左俾我,佢功率都幾強,導出效果唔明顯,但導入效果唔錯,而且導頭暖暖地幾舒服,行貨$2000幾,如果你無hitachi的導入機,又唔太介意呢部睇唔到導出效果(有種說法肌底內的重金屬或其他物質就算導出來都無色),呢部都唔錯,因為佢有離子+超聲波導入,導入會深入d而且有提拉的效果

Nuskin Spa 機
我不是直銷商,我係搵人幫我買的
提拉效果不錯,又係可以導出導入,有專用精華配返,但都幾貴,為返$100一次,我有時用gel mask代替,效果爭少少

磁叉
購自淘寶,無記錯要$800幾
因為之前在美容院有做開Rejeune Cream叉面,提升緊緻效果好明顯,發現磁叉是個好東西,就買枝自己叉下,發現要加Rejeune Cream先明顯,但Rejeune Cream成千蚊一瓶,太貴啦,依家磁叉用來叉身叉頭,好舒服架

刮沙板
街邊買,幾十蚊,用左幾年
用facial oil打底,可以減眼圈和瘦面去水腫

淘寶Foreo
可以用來洗面,又可以用來去水腫,非常之方便的產品,可能有一日我良心發現買個行貨返黎,哈哈