2016/04空瓶記

四月有2/3時間皮膚敏感，少用新野，不過都有清貨^^

2016/03 空瓶記

今個月用完一堆東西，不過因為一星期有三晚要去 梵博家 做運動，回到家已經無電了，所以自家拍的產品照就欠奉啦，產品照都在google找回來，不過文字是我真心分享^^

LJ的化妝水，婚後一直在用，因為salon裝，性價比非常高，香味討好，清爽保濕，沒有不愛它的理由，家中還有一枝四月底到期，要每日濕敷爭取在過期前用完

回購度：很值得買，不過已經用了好幾瓶，想試下其他牌子

ILCSI甜紅玫瑰洗面奶
我買淘寶分裝的，別問我怕不怕假貨，我買的那家在微博裡賣就個牌子算是始祖了，好多代購都抄佢COMMENT
價位唔算平，玫瑰味都幾好聞，唔俗得黎有少少lady，用來卸防曬無問題，和我用過的洗面奶有點不同，呢隻打圈按面過水後係爽身的，滋潤感不重，效果算係無功無過
回購度：20%

ILCSI rose petal gel mask

呢個都係用分裝的，我會溝少少蘆薈gel用

之前想入手fresh的玫瑰面膜，但評價有點兩極，結果忍手

呢個分裝，我用完好中意，因為玫瑰味好香，用完好水嫩，又白淨了

就買了個salon size 125ml回家

因為之前分裝沒有成份標籤，salon裝就有了，卻看到好多對皮膚不太好的成份（例如pafum在成份表裡中間的位置，香葉醇會致敏等）

如果以一個salon牌子的話，有呢d成份我覺得正常（不過最好無啦），但身為一個有機牌子，又要另外落香料，我覺得佢畫蛇添足囉

anyway，印象中Eminence 則沒有此等情況出現

回購度：50%本身不排斥添加劑，不過最好不要在太前的位置

Olecule Revivial Serum

用掉一枝sample 就馬上入手，算係果酸類的精華

去粒粒效果明顯，試過下巴生了粒大痘，塗了第二天變小小痘

要晚上用，在眾精華前用，幫皮膚清底

因為近期不想再做果酸或矽針之類療程，用daily product感覺上會比較溫和，皮膚不會太依賴果酸

回購度:100%，已入手30ml

Selveskin Copper Peptide

用掉5枝sample size，好易吸收，我通常是夜晚用

用了一兩個星期會feel到皮膚緊實了一些

五六年前我在BB laboratories買過它家的藍銅原液用來碌微針，效果很好的，不過當年好似要$200/5ml之後無再入手，後來想回購時卻停產了

現在有出藍銅產品的品牌好似不是太多，也不知哪家比較好，無從比較

回購度：90%

Olecule Nu-concentrate

用掉三枝 sample, 質地有d似蜜糖和膠水，是杰身的，b5是保濕，Nu-concentrate便是滋潤，近期成日都覺得乾到出油，但搽多多保濕精華都不夠，油可以鎖水但只停留在表層，總是覺得差了什麼，用了這個就知道之前爭咁d「滋潤」

佢剛上面有點立，好快就吸收到，乾紋都退了一些

回購度：100%，已入手30ml

Dr Athena 水光針面膜

無可否認佢補濕滋潤的效果係幾強

夏天用會覺得太潤

係我呢排又乾又鞋，但又出油爆粒粒的境況下，能令d粒粒clam down，塊面無咁紅

真係幫到手

回購度：100%

密密清project--LJ玫瑰爽膚水

這枝應該是我第四、五枝500ml的爽膚水了吧

同一個牌子，salon 裝，幾年來，用掉幾枝，除了因為我好長情，就是因為佢好用得來性價比超高

夠保濕得來不會潤，而且香味淡淡的不誇張

家裡有枝存貨，下個月底到期，我決定日日濕敷，係過期前用曬佢！然後。。。

新目標是kielhs 的金盞花爽膚水^_^

正所謂合久必分，用耐左就想試下其他東東

希望四月底我可以話俾大家知今次成唔成功啦！

2016/02空瓶記

2月得29日，過年期間工人姐姐放假，加上本小姐下巴生庖疹，今個月清貨清得比較慢

手頭上只清左呢幾樣

韓國馬油霜，是朋友去韓國帶俾我的，我覺得搽面有點太rich，所以我當它是body cream，無香味，易吸收，滋潤度恰到好處，而且夠持久，不過在香港的韓妝水貨店見到的價位都比較浮動，不太敢在香港買呢，但短期內又唔會去韓國，所以暫不回購了

fancl膠原更新精華

是之前套裝的版本，比貨size小一半，貨size都係得18ml，無記錯貨size大約$5XX，唔平，但減淡細紋效果唔錯，個人覺得值得買，去日本入手會抵d

selveskin copper peptide

因為之前下巴生野，未睇醫生時就買呢個急救，雖然救唔到庖疹，但去印收復的效果好正，用左覺得皮膚抵抗力好左，仲有幾枝sample在手，用完應該會回購，我買的小店是$5xx/30ml, $8xx/60ml

最後是VO5的一分鐘焗油

VO5好像在香港都絕跡了

完全找不到

唯有去偉大的淘寶入手

絕對是快靚正之選，用完頭髮會比較柔軟，光澤也增加不少^^

空瓶記—11/2015

 

 

 

10月份沒有出空瓶記，因有點懶，加上準備搬家和全面復工，護膚品的消耗量有點慢^^

11月了，開始加快腳步，努力把手頭上的東西用完

空瓶記(9/2015)

LUSH奶黃深層護髮

用掉N罐的好物～結婚前正好碰上撤櫃，後來回歸了，開心死^_^

市面上少有的，在洗頭前乾髮使用，一罐用在及肩髮可以用到四次左右，效果keep 到一星期以上，效果拍得住去salon 焗油，而且更方便

呢隻滋潤度幾高，下次我會試下同牌子其他的深層焗油

回購度:80%,心水推介

 

Avenue soothing moisture mask

購自水貨店，沒記錯好像$140左右…好多blogger讚好用，對我來說各方面都不夠突出…保濕不及sothys，抗敏降紅不及bioderma…滋潤度不及guinot，性價比又比derma medream低…是不錯用，效果不錯，用完兩枝，但好像沒有回購的理由了

回購度：30%，效果ok，但不突出，手上存貨有表現更出色的

Origin Drink Up Intensive Overnight Mask

得為overnight mask , 它實在太黏立，於是我會當它時保濕面膜，敷半小時再過好，補濕效果不錯，皮膚柔軟度增加，印象中好像三百多元，不算很驚艷，性價比也不算高

回購度:30%，效果ok，但不突出，手上存貨有表現更出色的

愛滴氏洗眼水

眼乾或落妝後對眼濛查查時用，一定要有枝看門口，不過用得太頻密對眼會變得敏感

回購度100%

Alqvimia 去紋油

效果不錯，但好貴，無香味，大肚婆專用，呢啲油用量要多，用呢枝太傷本啦

回購度0%

Dr. Athena水光針面膜

759減價時入手，折後$86一盒有五片

拆開後分開上下兩片，好墜手，一片可敷30分鐘，用後感覺滋潤，秋冬用後good，759售貨員話一星期連續敷四片，要用四盒為一個療程，平時返工加湊B我真係無咁嘅心機咁做啦，不過一星期敷幾次mask 我諗用咩牌子皮膚都會好

回購度60%，減價時可入手^_^

 

 

 

 

 

 

空瓶記-08/2015

你連瞓覺個樣都得意過人(^з^)-☆

今個月收到消息，不久的將來我會搬家，現階段要儘量少敗家，多清貨，唔想搬咁多嘢啊！

睇下今個月空瓶先~~

Ppc 神纖油

$280, 購自萬寧

得50ml, 都幾貴。

空瓶記(07/2015)

我家小心如，媽媽每天愛你多一些 本小姐開始半職生涯，一半返工一半湊女，時間好充實，加上前陣子感冒，用清速度減慢，不過都照記啦，一個月記一次唔過份啦 Olecule Soothing Moist防敏水潤精華 現在用的是sample size

空瓶記～2015/06

今個月是心如的生日月，話咁快一歲了^_^

暫時只有下排門牙兩隻，可以扶住企和行

今個月的空瓶記，開始了^_^

SKIN RELIEF CREAM

我不常用body cream，因為懶^_^

呢隻味道麻麻，吸收力也麻麻，不過用來做hand cream 是很好的

我加十幾滴香薰落去遮住本身的味道繼續用^_^

終於用完啦

廣源良的菜瓜水，無色無味，主要是皮膚好敏感咩都唔用得時用，無咩效但不會get worst

印象中係好平的

RENE FURTERER 的防脫髮SHAMPOO

SASA買行貨要二百幾蚊，都幾貴，青黃色的shampoo裡有好多細細粒的精華珠珠，氣味是柑橘類再加少少草味，好fresh好好聞，用後脫髮情況有減少，不頭皮有少少乾

LOCCITANE 豐盈護髮素

印象中不便宜，用後感覺不明顯，光澤感和順滑度都不明顯，只是用時幫助梳開打結的地方，用後不會令髮型扁榻

FANCL skin renewal pack

這是很久以前屯的舊版貨，新版大枝一倍以上，舊版幾下手勢用完了，搽完去沖涼，沖完涼洗走就得，用完皮膚會滑溜一點，有尚澤一點，柔軟一點，之後無論敷面膜和搽精華都吸收一點，不過重點要用得夠量，每次全面用一個五蚊銀的份量，而且最少一星期用兩三次，屬於好用但性價比不高類的skincare

IN 的護髮素

這是salon 裝，是我一再回購的好物，可以揸上頭皮按摩，滋潤度足又不會令頭髮變立變扁，salon 裝抵用啲^_^

空瓶記(2015/05)

我的瓶瓶罐罐消耗得好慢，明明都已經密密用了+_+

唯有一個月記一次，希望無遺漏啦

RENE FURTERER soothing shampoo

這是50ml的贈品，精油香味，屬於醒神中性類，也帶點花香，都幾討好

擠出來是薄荷綠，易起泡，清潔力夠但不會乾到頭皮痕，用後頭油有減少，行貨幾貴，好用但未致於要囤貨，用完手頭上的洗頭水會考慮入手

Fancl 的修護肌底液和乳液

因為年齡關係，跳過比較清爽的系列，直接用有抗老功效的系列^_^

用後感覺非常良好，夠滋潤保濕度都合格。晚上開冷氣的話乳液要多塗一層才夠，所以乳液用得快一點

用後皮膚狀態回復穩定，這個我幾驚喜

已經每樣各回購兩支

細細枝都幾貴，去日本的話可以入貨

Fancl 的洗面粉，由大學時期開始保養到現在，用了四五枝，期間當然有用過別的，我的習慣是，春夏用有泡的，秋冬用無泡，所以還是會回購啊，用起泡球起泡好有滿足感，而且洗得改淨又唔乾，去日本買更化算呢，因為粉狀不怕它會像洗面膏易變壞^_^

Bicelle b5 gel

曾經無左佢唔得，依家係可有可無，以前是透明滴管狀的，beauty box 裡出現的東東，敷面膜前打底，話咁快用曬。。。對我來說，一枝單純的保濕精華是不能滿足我的

Domohorn Wrinkle Cream 20

DW家的基礎四點是我的大愛，四點是保濕，美白，抗皺，乳液，每一位都非常稱職

身為抗皺的cream 20，細細枝，用得快，看似好滋潤但好易吸收^_^

舊的被我剪開用光丢掉，連遺照都沒拍+_+

之前生日優惠囤貨，已經再開新的來用了^_^

Sothys 中性洗面奶

對我來說，這是用來代替Eminence lemon cleanser的，氣味很近似，我很喜歡，質地比Eminence濃厚，但清潔力更佳，性價比更高^_^

己入手同品牌的抗敏洗面奶，用耐啲再介紹

空瓶記--HABA WHITE LADY

用光第五枝了

最得我心的美白精華^_^

（空瓶掉了，cap了官網的圖，大家湊合看吧

質地水水的，但又帶點滋潤感，感覺到皮膚有吸收，不是只停留在表面 

美白效果見得到，不用補塗補濕精華

雖然帶點滋潤感，但又不會潤到生痘痘

價位上，好像$400左右30ml，算是中價，但質素絕對是上品

維他命c是主要美白成份，因為維c會氧化，我suggest買30ml就好，早晚用兩三個月無問題，除非你全身都要美白，否則不用買60ml，雖然看起來比較化算

比較起fancl的美白精華，haba的比較滋潤，美白效果在我身上差不多，haba的價位比較可愛

近來yen幾抵，去日本入手都唔錯吖

用清文～covermark 兩用粉餅

好有動感好中意同影子玩的心如

真心感覺這裡快要長草了

前陣子我的2way cake突然在我的化妝包內解體，成個袋都是粉-_-#

雖則用到見底，但我都想用到連四邊都用埋架，因為真的不便宜，嗚

好彩之前promote時買多個粉芯

呢個粉雖然乾濕都得，但我90%都乾用，顔色非常貼近膚色，失手上得厚都不會變粉人，質地好滑，薄貼得來遮瑕度算中等，乾濕粉來說算不乾

敗筆是粉樸又粗又硬又不耐用，我另外到IPSA配乾濕粉樸的，IPSA的粉樸超好，粉底質地都幾好，但顔色選擇沒有covermark 多

這個算是暫時最愛的兩用粉餅了

空瓶記～Kose白澄

這枝白澄。。。終於都用完了啊

白澄，個名好聽呀

幾年前在SOGO thankful week 買的，終於用完

必須說，這是我用過的美白精華中，效果最不明顯的

乳液質地，感覺滲透度麻麻無特殊氣味，我是混合性偏乾膚質，用完出油多左

不過，夏天用白澄就不用加面霜，滋潤度足夠，而且以美白精華來說，温和不刺激

價位屬中價，效果不明顯，純粹被名字和包裝迷惑。

不。會。回。購

泡泡面膜～Domohorn Wrinkle vs Too Cool For School

常愛起飛腳的心如，看來表演食腳趾是遲早的事+_+

最近早上會敷泡泡面膜

五、六年前我在台灣買過一枝orbis 的泡泡面膜，大約港幣$200左右，用過大約十次，沒有過敏但也不見效果，所以之後一直沒有再入手泡泡面膜

兩年前試用Domohorn wrinkle 時用過泡泡面膜，對這種質感的面膜改觀，於是再次入手

相關文章：http://datshelen.blogspot.hk/2013/09/domohorn-wrinkle.html?m=1

DW這個泡泡面膜和我慣用的cream mask 和paper mask 在用法和用後感都有分別

用後感--GLAMOUR signature regenerating mask

心如的bb樣開始無啦

已經唔捨得佢大個=_=

繼續skincare密密用^_^

今次呢個GLAMOUR signature regeneratin

是在glamabox 裡的

Make in Korea

韓國品牌的東東實在何其多^_^

空瓶記-LOCCITANE 馬鞭草body gel

看來本小姐用保養品的速度還不夠快，不能像有些blogger 般一次過出一篇用清文，空瓶留下來阻訂又礙眼，決定用完，評完，就讓它塵歸塵，土歸土

油漱法（oil pulling）小分享

本小姐曾對嚴浩在專欄裡推介的養生方法很感興趣，不過好多時材料不易買到而且不便宜，一直沒有入手

一直有聽聞油漱法，起初覺得匪夷所思，但後來見到有blogger分享效果，剛好有次在百貨公司見到椰子油特價，就買來試下，如果沒效果/沒恆心，用來擦身體也可以

剛開始時試了幾天，都是利用飯後如廁的時間進行，試了幾天，

用後感--SNAIL WHITE 面膜紙

這個面膜紙是在GLAMABOX裡的，SNAIL WHITE是泰國品牌，呢排skincare界除了日韓台外，還吹了一股泰風，它家的蝸牛霜好出名，今次有同系列的面膜，可以試下

面膜的紙質都幾硬，上面不夠貼服，但精華是很不錯的，滋潤度適中，無特殊氣味，不用過水

其實剪裁都ok，不過真的不夠貼服，而且敷完後精華都留在紙上(~_~;)而塊面是乾的

有點恨鐵不成鋼的感覺

用後感~~it skin snail sheet mask

呢張mask純粹為左湊夠錢換印花而買的，無記錯大約$22一塊，我發覺韓國牌子只要和snail 有關都會貴啲，呢張我買的時候覺得幾貴，因為innersfree的paper mask都只要$10，

心如呢排日間作息好唔定時，我通常只能在她瞓著而又安頓好的時間做我的保養，不用過水的paper mask依家最適合我

前兩日在家做了個 milk peel，皮膚會特別乾，就開黎試下

不過敷上面不久心如開始扭計，我就影唔到相了，只可以以文字描述啦

面膜質地屬於不織布那一類，有點厚度，但係無cover到眼瞼，精華液算是水潤型，唔算輕盈但亦唔會痴立立，無色無味，我呢類混合性偏油皮膚用都無問題

我堅持敷左20分鐘，塊mask 都仲好濕，我就用黎揸手腳，面上的精華按下就揸面霜瞓啦，第二朝照鏡見鼻頭的毛孔有收細，而且無點出面油，效果唔錯吖

$22一塊唔算抵用，但間中用下都ok

回購度：50%

有驚喜的保濕精華~~Dr Young bamboo blooming booster

因為是glamabox的長期顧客，家中有不少sample仔，最近坐完月身體開始恢復，也開始習慣做全職奶媽的生活模式，嘗試抽空消滅掉一些sample

事關心如bb和我都怕熱，近排屋企開冷氣多過食飯，加上隔幾個個鐘又要喂奶，休息不足，乾紋黑眼圈暗粒全部出曬黎，有時候出汗仲會搞到額頭好似出風難咁，又痕又紅揸左嘢轉頭出汗又痕返

水盈能量提昇精華液晶瑩剔透的精華，質感清爽不黏膩，為肌膚提供能量，密集補濕，淨化肌膚，軟角質層死細胞，促進新陳代謝，增加肌膚彈性及吸收力，均勻並亮澤膚色，兼具抗細菌，抗發炎及抗氧化功效，從而提昇肌膚的狀態，並提高隨後護膚品之功效。

而我拆呢包東東黎用時只係想保下濕，成日開住冷氣真係要隔兩三個鐘補一次skincare，一打開，係水狀，無香味，揸上面有小小啫喱水的質感，開住冷氣揸都唔會即刻抽乾，而且有小小涼浸浸的感覺，好紓緩唔會有凍的感覺，最驚喜係額頭因敏感而紅左一達達都係幾分鐘內退左八成，因為呢個吸收得快唔會有出汗後再痕過呢過問題，好正啊

唔知邊度有得買呢？