Ladies talk 胸部保養與護理

〔真金白銀〕Lightstim for wrinkle 開箱+首次用後感

平野無好？要做個精明消費者

 

上星期消委會做了個research…報章上的標題是這樣的

FB好多人都談論：車！La Mer咁貴效果咪同Nivea一樣！

我第一個感覺都係咁

但再深入一點去想，這次的研究是講「保濕效果」

轉季敏感大出血

話說，我又皮膚敏感了

現在己經退紅，不過紅過的位置現在變得很粗糙
又紅又熱又癢的感覺好難受，今個星期又敗了一些東西，打算把家裡的保養品全部換掉

十月美妝品敗家

中秋小敗家@草莓網

 

本小姐近期大部分時間home office, 基本上沒什麼機會出外shopping, 大部分時間都網購，所以其實無出現少花了錢的情況

［真金白銀］Eminence 潔面，面膜，精華，面霜小品評

本小姐近日愛上了網購，祖國的淘寶，美國的iherb，香港的ztore，草莓網...是但一個都足以消磨一天 關於網購我遲些再分享，今天我想講下我用過的Eminence産品
本文中提及的產品是我由2011年到現在用過的產品，所以好多都無圖啦，我儘量上網搵d圖俾大家參考，都係果句，我的文字比圖片重要


認識Eminence是在我婚前（2011年底），看到袁彌明的介紹   

 於是我入手了 stone crop， eight greens， strawberry這三個面膜15ml

 

 Eight greens和 stone crop 樣貌和氣味都蠻像的， 綠色gel加上碎碎的葉子，帶點腥腥的青草味

Stone crop我用過兩個15 mL ,三盒 60 mL stone crop 面膜用後感--我的去黃淨白工程—Eminence 垂盤草面膜 

*會回購

 至於eight greens，我總共用過兩盒15 mL , 第一次用Eight greens時，那種熱到著火的感覺真你嚇倒我了，質地是黏黏的，加點水薄薄地敷上臉，一分鐘就感覺到熱辣辣，敷10分鐘就差不多乾掉，可以洗掉啦，整塊面紅卜卜像關公，毛孔都張開來，這個狀態通常維持一兩個小時，這段時間裡無論塗什麼敷什麼都會非常吸收 時間一到皮膚會比之前有光澤緊緻，我通常之後會敷一片好一些的面膜，加強吸收

*會回購

Strawberry 面膜我用過一盒15 mL ,一盒60 mL ,面膜是粉紅色 cream狀加點紅色果肉，香味非常香甜，敷完感覺清爽保濕，效果沒有太大 

 後來我也入手過一些東西 

  潔面類 

 

  檸檬潔面乳 

  好香，洗得乾淨又唔乾，而且用完半枝左右就會見到去黃氣的效果好明顯，用來卸妝不夠力，而且成本太高，我只用來潔面，我用完四大枝了。 

*會回購

  Sweet red rose cleanser 我用完一支，冇再買。佢係粉紅色洗面奶，質地比檸檬洗面奶稀身，玫瑰味道好香，不過我用完會發紅敏感。 

  Clear skin probiotic cleanser  我用完一支，呢隻會起泡，使嗰時好清涼，因為有薄荷成份，夏天用好正，冬天用好難受。 

 

面膜類

 

Clam skin mask 當時我額頭鼻翼發紅出暗粒，有時會痕，所以美容師介紹呢個俾我，是菊花茶的味道，敷上面有點涼，幾舒服，但效果不算明顯，也不太保濕

 

Clear skin probiotic masque 鼎鼎大名的益生菌面膜。敷上面個感覺好清涼，好舒服，敷完暗粒會變平滑暗瘡會縮小，我用過一盒15 mL ,兩盒60 mL ，我用過一盒15 mL ,兩盒60 mL  

*會回購

 

  Eminence hibiscus calendula recovery masque 呢個面膜係我大愛，佢可以消炎，舒緩，保濕，滋潤，搽上面有少少涼涼地，唔係薄荷嗰種，而係類似蘆薈個鐘，好舒服，四季都用得。我用過兩盒 60 mL ，會回購。    

 

Blueberry soy repair masque

好香甜的面膜，滋潤保濕，用後皮膚感覺柔軟

*會回購

  精華類 

 

  Couperose-C serum 係一隻抗敏感的精華。我用過一支30 mL。質地清爽，搽上面有小小涼涼地，有少少收斂效果，有少少降紅，效果唔算保濕，其他效果唔明顯 

 

  Stone crop serum 我用過一枝30 mL ,保濕，舒緩，均勻膚色，這三樣效果都不錯。。   

*會回購

  面霜類 

 

  Linden calendula treatment 我用過一盒15 mL ,這是晚霜和面膜兩用的，我覺得不保濕，都幾焗身，紓緩的效果也不明顯，用完出油多左 

 

 

Blueberry soy night recovery cream 我用過一盒15 mL ,一盒60 mL。味道好香甜，滋潤保濕，去黃氣，不過早上化妝前使用會起擦膠碎  

*會回購

 

Rosehip whip moisturizer 我用過一盒15 mL。呢個係玫瑰果面霜，咁多隻面霜入面，佢比較薄身，質地比較清爽，有舒緩效果

*會回購

Nasberry treatment cream，現在在用60ml，是個面膜面霜兩用的産品，效果和hibiscus calendula recovery masque 有點似，前者收復強一些，後者紓緩強一些

有時我會加一滴沙棘油混合當按摩膏，按完唔過水敷過夜，第二朝毛孔收細，膚色亦明亮

*會回購

 

Tropical vanilla suncream 我用過兩盒15 mL。好香雲呢拿味，質地滋潤保濕，有 SPF32,用來做日霜效果唔錯。夏天用我覺得不夠清爽      

*會回購

 

Bright skin moisturiser ，我用過一盒15ml

味道和垂盤草有點似，不過是輕量版，質地比雲呢拿輕身，不過皮膚乾時用用覺得有點拮和發紅

呼~~又打完一篇啦，Eminence 的東西就係有種魔力令到人想試曬咁多嘢^_^

依家見到草莓網咁多嘢買，我又手痕痕啦^_^

Ilsci 面膜品評

呢排天氣凍返，我敷面膜的頻率又慢返落黎，不過都想整合一下我手頭上的面膜，講下我的用後感

其實我用過Eminence的不少產品，大部份感覺都唔錯，我知道ilsci 和eminence是走類似路線，人生教練Winnie都有推介過，於是上網search，原來ilsci和Eminence 有一段恩怨情仇（笑）Anyway, 依家ilsci仍是匈牙利製，而eminence 就美加都有，thats it...

因為ilsci 的產品有好多，我就搵左個賣家分裝幾樣試下啦

（好幾樣已經用完，唯有上網搵圖俾大家，其實我的文字才是重點）

1. Ilsci甜红椒粉草本排毒面膜

呢個係個辣辣的面膜，未用過類似的面膜的話會嚇親，我N年前用過eminence 8 green面膜，我覺得個感覺幾類似。呢個甜紅椒粉聞落去無咩味的，薄薄地搽一層hold 20 分鐘，期間我會噴toner保持濕潤，否則5分鐘就會乾左猛住猛住。

敷佢一陣就會感覺到熱辣辣，塊面會紅到好似關公咁，我覺得有兩個效果：一，張開毛孔，之後敷清潔mask就會再乾淨d，本來已經生左的瘡仔會快d熟和謝；二，activate你面部皮膚，我覺得敷完有少少似做完RF或其他醫美療程咁，皮膚有少少緊，敷完會覺得皮膚好饑渴，之後敷咩野搽咩野都會超吸收。

敷完呢個之後我會敷eminence益生菌面膜+ilsci 玫瑰花瓣面膜，前者清潔+鎮靜，後者補水美白

每次敷好薄就夠，所以回購的話應該會買50ml就ok

2. ilsci 玫瑰花瓣面膜

佢係似藕粉果種質地，有少少黏，入面好多醉玫瑰花瓣，香味好清新，有少少酸澀味，用呢個要加少少水，面膜：水=2：1就ok，用完塊面飲飽水咁通透，膚色都均勻返，美中不足佢無咩滋潤感，敷完洗左要加面霜

呢個mask我好中意，感覺比fresh的rose mask真材實料，所以我買左125ml慢慢歎。

3. ilsci 景天草面膜

因為之前用完eminence stone crop mask覺得效果好好，於是就去ilsci添食，因為聽聞ilsci的景天草面膜仲正，我一買就買左125ml。暫時用左幾次，入面d果肉/葉比emience的多和粗粒好多，而且杰好多，要加多d水開稀少少。我用左幾次都有少少刺激，同完T字位會吉吉地和發紅，唔知係我太乾定八字不合，我會用多幾次先。

補充：我問過賣家：佢話呢隻面膜比較濃縮，要加多少少水會好d....anyway，我試多幾次再review

用完一罐再review...兩者效果個人認為差不多，乖乖地一星期堅持用個四五天，美白提亮的效果好明顯，明顯到用開的粉底都唔啱色

至於刺激的問題，我用呢個mask係唔會溝水，而係會溝蘆薈gel（我用ecosway)，咁樣問題就會解決

佢本身無咩滋潤性，油性、痘肌用好好

而我呢，會先用HABA鯊烯透白美肌清油先做按摩+打底，再用呢個mask，就可以補水又保油，效果very good

4. ilsci葡萄軒細胞面膜

主打抗衰老，可能用一罐都未必見到效，抗老是打持久戰的。因為呢個比較貴，我會加少少透明質酸原液做導入，做完毛孔有收細，皮膚明顯彈手。

不過值得一提，手頭上有玫瑰和景天草面膜的salon size，見到兩者都有parfum（香料），對我黎講有少少震驚，因為我覺得以有機和天然做賣點有香料好似有點畫蛇添足。我印象中eminence係無香料的

另外，Ilsci在香港比較難買到，行貨的價錢mark up得比較高，相對來說回購Eminence的機會還是比較高的

就這樣。

〔用後感〕INUF CREAM MASK: Geisha Whitening

呢篇其實好耐之前已經想出，不過忘記左
正所謂，生一個傻三年

INUF= I Never Use Foundation 大約一年前本小姐係FB知道呢個品牌的
http://www.inufskincare.com/

是香港品牌，走high-end路線（個人認為，定價唔算親民）

一直都好想入手，但之前只可以上網買（不包運費）或者要過海（本小姐是港島人），所以一直得個睇字

依家係金鐘廊開左counter，實在太方便放血啦

之前仲有很八達通嘟機買trial pack，幾十蚊買一包試下
CREAM MASK: Geisha Whitening



呢個Cream Mask主打美白的，倒出來是咁的
主要成份：有機仙人掌萃取物，圓葉當歸提取物，清酒酵素，蘆薈精華，青瓜精華，透明質酸，維他命E

所有成份都不刺激，敏感皮膚都無問題（本小姐係易紅的皮膚）

 

因為已經倒左出黎，就撈勻照敷上面啦，不過係撈唔勻的
一包的份量只足夠敷一次，係唔夠敷埋頸的，如果份量多返少少就好lu，我prefer敷埋頸，唔會兩截色嘛

敷20分鐘後洗走，確實係白左，而且唔乾，效果keep 到三日左右
不過因為唔夠搽埋頸，所以成日型住條頸好黑，哈哈

但佢倒出黎個樣真係令我難以忘懷，於是第二日就去FB留言問啦
得到的答案係：佢地無加到對皮膚有害的乳化劑，所以有少少水油分離但不會影響使用

本小姐護膚資歷都超過十年，亦曾經有段日子自己DIY護膚品，絕對明白市售的護膚品有幾咁多係無效什至有害

有d香料表面上令人覺得感覺良好，但其實致敏；有d乳化劑or增稠劑令到產品睇落濃郁d，但對效果係無作用；防腐劑更加唔係可以隨便用

而INUF堅持唔會用對皮膚唔好的成份，個人應為真係無咩牌子可以做得到

$350有10包，有效果，唔貴亦唔平（廢話）
都係果句
平但無用 VS 少少貴但有用，我會揀後者

敏感好左七七八八了

敏感了差不多一個月，終於都好左七七八八

講下我點解會敏感先：

遠因--過年前做過矽針，因為磨得太勁皮膚比之前脆弱
（澄清：在家做矽針唔好想話效果好就起勢磨，唔需要的）

近因：一個月前的某日假期我用handybio做導出，順便用HABA white lady做導入，

想美白下
點知，做到半邊面就又痕又紅到一達達
我估係white lady d美白成功比較刺激唔適合咁用
（澄清：white lady是好東西，不過white lady+handybio好像不是好朋友)
anway我全面導入曬，好痕又一達達，於是我就洗左佢（平時導入我唔會洗走），然後敷

Bioderma的抗敏面膜
之後就無乜野
但過左幾日兩邊面有好多粒粒，無膿頭，但會變大發紅痕癢

因為素顏唔見得人，所以係有化妝，落妝用卸妝水，然後用洗面奶洗兩次
去角質就無特別做，因為又痕又紅都係唔好搞咁多野

基本上晚晚都有敷面膜

最近敷面膜都是一層gel/cream mask再加LJ玫瑰toner濕敷，咁樣我覺得會吸收得好d，不星期會用兩次深層清潔mask

最近比較常用的是

ilsci 的景天草淡斑紓緩面膜（就黎用完，下篇review)
sothys 保濕mask

敷完之後d粒粒和紅會退左一半，不過一兩個鐘之後又故態復萌啊OMG....

我有點灰心，同埋個人經驗話我知皮膚敏感最好唔好去做facial，唔可以針清（其實我d粒粒係無野針到）又唔可以按要，咁做咩仲要去做呢
於是，繼續有mask密密敷

skin care我用olecule 的精華

成個月都無起色

當我隻眼開隻眼閉，前幾日我趁心如訓著我就拎返Nu skin Spa機黎玩下

利申：我不是會員，只係好耐之前試過一次，效果幾明顯，於是去入手

Nu skin需要配合佢地出的gel黎用，有pre-treatment gel和treatment gel，每次都用曬一枝，佢咁設計就唔好慳住用啦，除開$60幾蚊一次，唔平但值得，效果絕對不比出去做facial 差

ok....做完spa機導入通常皮膚仲有少少乾，跟手再敷個mask，我通常會敷有firming效果的
今次敷

Guinot lift firming face mask+LJ 玫瑰toner on top 濕敷

15分鐘後洗面搽面

今次搽Excuviance Vespera+ Olecule nu-concentrate+Bicelle B5 cream


第二日望鏡，塊面平滑左好多！

一晚就有效果真係好開心呢！

其實部spa 機買左年幾了，因後來有入手其他機加上我好懶而放埋一邊，一直都覺得有效果但唔係好明顯果隻，要密密做先keep到，同埋個效果係firming方面，可能果時無粒粒問題
今次的效果真係好驚喜，可能我底層皮膚真係好污糟呢！

密密清project--LJ玫瑰爽膚水

這枝應該是我第四、五枝500ml的爽膚水了吧

同一個牌子，salon 裝，幾年來，用掉幾枝，除了因為我好長情，就是因為佢好用得來性價比超高

夠保濕得來不會潤，而且香味淡淡的不誇張

家裡有枝存貨，下個月底到期，我決定日日濕敷，係過期前用曬佢！然後。。。

新目標是kielhs 的金盞花爽膚水^_^

正所謂合久必分，用耐左就想試下其他東東

希望四月底我可以話俾大家知今次成唔成功啦！

小project大想頭：舊mask換新mask

本小姐最近被貴婦品牌搞到火燒心
之前入手了creme de La Mer....sample...算係完左我小小心願，叫做試過下

不過最近wish list裡又多左一樣...
Valmont renewing pack



上網睇到好似萬能咁，保濕滋潤亮白控油乜都得
不過專櫃價都真係嚇死人...$1900/50ml...
水貨店有salon 裝，賣2千幾200ml

都仲係好貴>.<

為左入手，家陣我有個小project...
屋企有幾枝gel/cream mask，我會好勤力咁用曬佢地，用曬佢地就會入手啦
Guinot
Fresh Black tea instant mask
Sothys
ilsci stone crop mask
Annie's ways 金盞花+熊果素凍膜

呢幾樣野加加埋埋應該就等於一罐salon 裝的valmont renewing pack啦！
用曬先入手！等我！

2016/02空瓶記

2月得29日，過年期間工人姐姐放假，加上本小姐下巴生庖疹，今個月清貨清得比較慢

手頭上只清左呢幾樣

韓國馬油霜，是朋友去韓國帶俾我的，我覺得搽面有點太rich，所以我當它是body cream，無香味，易吸收，滋潤度恰到好處，而且夠持久，不過在香港的韓妝水貨店見到的價位都比較浮動，不太敢在香港買呢，但短期內又唔會去韓國，所以暫不回購了

fancl膠原更新精華

是之前套裝的版本，比貨size小一半，貨size都係得18ml，無記錯貨size大約$5XX，唔平，但減淡細紋效果唔錯，個人覺得值得買，去日本入手會抵d

selveskin copper peptide

因為之前下巴生野，未睇醫生時就買呢個急救，雖然救唔到庖疹，但去印收復的效果好正，用左覺得皮膚抵抗力好左，仲有幾枝sample在手，用完應該會回購，我買的小店是$5xx/30ml, $8xx/60ml

最後是VO5的一分鐘焗油

VO5好像在香港都絕跡了

完全找不到

唯有去偉大的淘寶入手

絕對是快靚正之選，用完頭髮會比較柔軟，光澤也增加不少^^

自費品牌小分享-- Fresh

在Fresh 的東東中，我用過的有這些

話多唔多，話少唔少吧...

其實好耐之前已經「長草」，但真正「拔草」應該在心如出世之前

現在我以購入和使用的先後次序來品評下吧

敏感第二天

昨天敏感的地方，一整天又痕又腫，我把家裡所有降紅防敏的東西搬出來，都搞唔掂...

為左消腫，我仲貼左成晚退熱貼...都唔work

於是...我唯有找我的家庭醫生啦>.<

醫生一見到我，就話：乜係你呀，好似無幾耐前見到你咋wor
我：係啊，我女病，帶佢黎睇你嘛

呢個醫生，我由細睇到大，就是親切^^他還深造過皮膚科，所以我對佢絕對信任^^
醫生用佢副放大鏡照一照...淡淡然地說：呢個係庖疹，要密密搽藥膏啦

就咁，尾指咁大枝藥膏，乘惠$270

btw... 醫生話大部份人體內都會有庖疹，主要因為個人攰、抵抗力低，佢就會出黎同你打招呼，而且唔會剩係生係個口，基本上有傷口就會誘發出黎

所以呢，一D好激的peeling，唔好亂咁做啊

>.<

想靚住過年，點知生粒粒，點算好T.T

是咁的，本小姐間唔中都會做下矽針的
我做過的矽針牌，有Neville, Lipodermis,和Ronas
有興趣關於矽針的可以參考下其他人的矽針分享

因為臨近新年，想皮膚變白滑，於是星期日做了矽針
今次用Ronas
Ronas的矽針係呢三個牌子裡面最幼細，同埋呢隻的海水味都幾明顯
按完面就敷蠶絲面膜，做完無點紅
第二朝就紅到關公咁
到第三日開始甩皮，因為T zone我比較重點按，我下巴和額頭都有甩皮，下巴甩得勁d

甩皮有d痕，我就輕力捽左幾下
第三日夜晚，我feel到咀唇對落有粒石頭瘡，於是我睡前搽左fancl的暗瘡精華

第四日朝早，心如起身就摸我下巴，然後呵左我一陣
我照鏡時就見到咁了

從未試過局部地區爆發粒粒爆成咁，而且係痕的
呢一刻的我，有d肴底
似乎不是一般的爆粒粒
馬上入手消炎的東東
不過要聽日先到
跟據我的認知，係做矽針時按得太耐，加上該處多暗粒，甩皮期間有搞過佢，晚上要湊心如無敷面膜
令到慘劇發生
希望快d好返啦，過年啦
嗚

大愛唇部用品

本小姐覺得嘴保養理好重要，重要程度和面上其他部位一樣。

唇部色素不均，無唇色，唇紋多，都會顯得不精神和衰老

一個無唇紋，色澤粉嫩的嘴仔係我所追求的。

本小姐是咀唇比較薄，大部份時間無咩血色，秋冬時容易脫皮

年紀輕時我比較喜歡用唇彩，現在韓妝當道，唇膏是必備妝物。

但唇妝始終持久力有限，飲下水就無了，一天要補個兩三次是基本

唇膏塗得多又怕色素沉澱。。。

我承認，女人是麻煩的動物（笑），因為咁，我好認真地考慮去做飄唇。。。

不過，實在怕痛和知道復原期不短，就暫時將呢個計劃放埋一邊先

依家就講下我平時點樣保養我咀仔啦

坊間好多人教用油+沙糖做唇部磨沙，我唔建議咁做，嘴唇好薄，就咁磨好易磨損，而且過多的磨擦會引致色素沉澱

我每晚都會厚搽Fancl Lip Treatment

空瓶記12/2015

之前搬屋漏左無寫，剛剛執相時搵返

（左上）Olecule soothing moist

呢枝可以話係我的all time favorite，清爽保濕，佢一d都唔立，但你用左佢皮膚會好穩定，好易吸收，如果天氣乾淨係用佢係唔夠，而我通常on top會 再搽其他精華，佢就有少少肌底液咁的效果，如果做完果酸或矽針或其他醫美療程之後，其本上要搽好多好多好多補濕，呢個時候佢就好重要啦，呢枝60ml salon裝，我日日早晚用，大約4.5月就用到一滴不剩啦

（左下）Creme de La Mer

係佢最經典的面霜，呈硬膏狀。

個人認為用呢個面霜要有以下條件，否貼可以考慮用soft cream

1. 體溫要夠高（乳化得好效果先出到）

2. 係dry skin（否則會覺得立）

3. 有耐性去乳化（有時天氣又凍又乾，隻手凍捽萬年都乳化唔到）

同埋，唔好諗住用貴野就可以慳返護膚程序，如果無做去角質，又或者面霜前無用精華打底，絕對係唔用好過用

所以呢個cream係for一d對尋膚質有追求的人用，而不是想懶要快靚正的人用的

（右）Nubian Heritage Raw Shea Butter body wash

幾好用，好起泡，洗完係爽身粉味，唔算平但都用到幾耐下

空瓶記01/2016

今個月是我的生日月，唔覺唔覺又買左好多無謂野...anyway買咁多點都要用返d，哈哈

由左至右講起--

IN Harmonic Conditioner
用完第三枝salon裝了，是我的all time favorite...我實在太愛它了，滋潤度剛剛好，無d對頭皮唔好的成份，不會假滑，可以用來按摩頭皮，已經買多一枝補倉了


Lush啤啤洗髮露
之前用有海鹽果隻shampoo，但秋冬用實在太乾，於是就買左佢。呢枝啤啤洗髮露打開就會好似我汽水咁有少少gas走出來，香味絕對唔可以用香黎形容（啤酒味）但洗完頭皮好乾淨和頭髮有光澤，效果唔錯的，都用過好幾枝了

Alblanc 美白按摩面膜
呢枝我會叫佢做懶人面膜，佢係白色凝膠狀，唔油唔立，油性皮膚都用得，洗完面擠一粒車厘子的量按面3-5分鐘，然後去沖涼，等d蒸汽幫助吸收美容成份，做完皮膚會明亮一點，而且光澤度有提升，我一星期用兩三次，不過按摩產品我比較喜歡滋潤型和油潤型的

Eternus D Pure White Serum

因為黑咪介紹而去買，以美白精華來說，可以說是我用過的最保濕和不刺激的，夏天有時用佢連保濕精華都可以唔用。

雖然溫和，但效果都明顯見到的，對均勻膚色效果不錯，起碼夏天都無點黑到，不過對斑點幫助不大

生日買咩俾自己？Domohorn Wrinkle, Ilsci, Ecco

今個月是本小姐的生日月^^

生日月是個大出血的月份^^

有些東西，是本小姐是很早就打算在生日月買的，例如Domohorn Wrinkle
有一些是在當月突然好想買的，例如Ilsci, Jo Malone
還有一些是天時地利人和，如Ecco

總之，本小姐今個月確實大出血啦！

好，等我講下我點解會敗呢幾樣先

命中注定型--Domohorn Wrinkle
幾年前都介紹過domohorn wrinkle
真係好中意好中意，依家跟日元定價絕對一大福音！！！
個人認為比la mer好用，因為我未試過用完有任何不良反應，而且價位可愛一點
生日月買因為會有雙倍積分，可以換唔同ge產品配合本身的東西使用
我買了它家最重要的基礎四點，乘惠$33000yen
身為blogger，定價不可愛，但幾年以來不斷回購，因為是真愛^^

心血來潮型--ILSCI
因為之前整個月密密用Eminence Stone Crop Mask，感覺效果好好，上網見到有人話Ilsci比Eminence好，於是12月入手了一些分裝，到一月就直接入手一些salon 裝
會用耐少少先再分享

小試牛刀型--Jo Malone
本小姐之前無咩涉獵香香的東西，不過睇Youtube黑咪有一集講Jo Malone，就馬上生火了
Jo Malone的香味有好多，於是我買了一些sample試真d，揀定再入手
因為味道有好多，買買埋埋都差不多六七百了^^

天時地利人和-- Ecco
兩三年前本小姐趁減價入手了一對Ecco就穿不回別家的鞋了
本小姐是玻璃腳，容易夾腳磨損著痛腳，Ecco實在太啱我腳型啦，不過好貴^^
不月份的某幾天Ecco在Sogo做開倉，斷碼鞋賣$1000/3對，靴賣$1000/2對...實在對我好大福音
話咁易就買到三對鞋兩對boots，乘惠$2000


真係血流不止呀，過完年就要勒緊褲頭啦