FB 直播 淘寶開箱快閃 April 2017

Ladies talk 胸部保養與護理

〔真金白銀〕Lightstim for wrinkle 開箱+首次用後感

平野無好？要做個精明消費者

 

上星期消委會做了個research…報章上的標題是這樣的

FB好多人都談論：車！La Mer咁貴效果咪同Nivea一樣！

我第一個感覺都係咁

但再深入一點去想，這次的研究是講「保濕效果」

談談近況

上班的工作量和壓力還好，每天送女兒上學後自行坐車上班

星期六日不用上班，但「媽媽」這份工是年終無休的

心如Monday to Friday都嚷著I want BIRTHDAY CAKE…為娘也只好出山整餅了（所謂出山，真係幾年無整啦）

轉季敏感大出血

話說，我又皮膚敏感了

現在己經退紅，不過紅過的位置現在變得很粗糙
又紅又熱又癢的感覺好難受，今個星期又敗了一些東西，打算把家裡的保養品全部換掉

十月美妝品敗家

我最喜愛的睫毛液

2016年9月淘寶開箱

中秋小敗家@草莓網

 

本小姐近期大部分時間home office, 基本上沒什麼機會出外shopping, 大部分時間都網購，所以其實無出現少花了錢的情況

［真金白銀］Eminence 潔面，面膜，精華，面霜小品評

本小姐近日愛上了網購，祖國的淘寶，美國的iherb，香港的ztore，草莓網...是但一個都足以消磨一天 關於網購我遲些再分享，今天我想講下我用過的Eminence産品
本文中提及的產品是我由2011年到現在用過的產品，所以好多都無圖啦，我儘量上網搵d圖俾大家參考，都係果句，我的文字比圖片重要


認識Eminence是在我婚前（2011年底），看到袁彌明的介紹   

 於是我入手了 stone crop， eight greens， strawberry這三個面膜15ml

 

 Eight greens和 stone crop 樣貌和氣味都蠻像的， 綠色gel加上碎碎的葉子，帶點腥腥的青草味

Stone crop我用過兩個15 mL ,三盒 60 mL stone crop 面膜用後感--我的去黃淨白工程—Eminence 垂盤草面膜 

*會回購

 至於eight greens，我總共用過兩盒15 mL , 第一次用Eight greens時，那種熱到著火的感覺真你嚇倒我了，質地是黏黏的，加點水薄薄地敷上臉，一分鐘就感覺到熱辣辣，敷10分鐘就差不多乾掉，可以洗掉啦，整塊面紅卜卜像關公，毛孔都張開來，這個狀態通常維持一兩個小時，這段時間裡無論塗什麼敷什麼都會非常吸收 時間一到皮膚會比之前有光澤緊緻，我通常之後會敷一片好一些的面膜，加強吸收

*會回購

Strawberry 面膜我用過一盒15 mL ,一盒60 mL ,面膜是粉紅色 cream狀加點紅色果肉，香味非常香甜，敷完感覺清爽保濕，效果沒有太大 

 後來我也入手過一些東西 

  潔面類 

 

  檸檬潔面乳 

  好香，洗得乾淨又唔乾，而且用完半枝左右就會見到去黃氣的效果好明顯，用來卸妝不夠力，而且成本太高，我只用來潔面，我用完四大枝了。 

*會回購

  Sweet red rose cleanser 我用完一支，冇再買。佢係粉紅色洗面奶，質地比檸檬洗面奶稀身，玫瑰味道好香，不過我用完會發紅敏感。 

  Clear skin probiotic cleanser  我用完一支，呢隻會起泡，使嗰時好清涼，因為有薄荷成份，夏天用好正，冬天用好難受。 

 

面膜類

 

Clam skin mask 當時我額頭鼻翼發紅出暗粒，有時會痕，所以美容師介紹呢個俾我，是菊花茶的味道，敷上面有點涼，幾舒服，但效果不算明顯，也不太保濕

 

Clear skin probiotic masque 鼎鼎大名的益生菌面膜。敷上面個感覺好清涼，好舒服，敷完暗粒會變平滑暗瘡會縮小，我用過一盒15 mL ,兩盒60 mL ，我用過一盒15 mL ,兩盒60 mL  

*會回購

 

  Eminence hibiscus calendula recovery masque 呢個面膜係我大愛，佢可以消炎，舒緩，保濕，滋潤，搽上面有少少涼涼地，唔係薄荷嗰種，而係類似蘆薈個鐘，好舒服，四季都用得。我用過兩盒 60 mL ，會回購。    

 

Blueberry soy repair masque

好香甜的面膜，滋潤保濕，用後皮膚感覺柔軟

*會回購

  精華類 

 

  Couperose-C serum 係一隻抗敏感的精華。我用過一支30 mL。質地清爽，搽上面有小小涼涼地，有少少收斂效果，有少少降紅，效果唔算保濕，其他效果唔明顯 

 

  Stone crop serum 我用過一枝30 mL ,保濕，舒緩，均勻膚色，這三樣效果都不錯。。   

*會回購

  面霜類 

 

  Linden calendula treatment 我用過一盒15 mL ,這是晚霜和面膜兩用的，我覺得不保濕，都幾焗身，紓緩的效果也不明顯，用完出油多左 

 

 

Blueberry soy night recovery cream 我用過一盒15 mL ,一盒60 mL。味道好香甜，滋潤保濕，去黃氣，不過早上化妝前使用會起擦膠碎  

*會回購

 

Rosehip whip moisturizer 我用過一盒15 mL。呢個係玫瑰果面霜，咁多隻面霜入面，佢比較薄身，質地比較清爽，有舒緩效果

*會回購

Nasberry treatment cream，現在在用60ml，是個面膜面霜兩用的産品，效果和hibiscus calendula recovery masque 有點似，前者收復強一些，後者紓緩強一些

有時我會加一滴沙棘油混合當按摩膏，按完唔過水敷過夜，第二朝毛孔收細，膚色亦明亮

*會回購

 

Tropical vanilla suncream 我用過兩盒15 mL。好香雲呢拿味，質地滋潤保濕，有 SPF32,用來做日霜效果唔錯。夏天用我覺得不夠清爽      

*會回購

 

Bright skin moisturiser ，我用過一盒15ml

味道和垂盤草有點似，不過是輕量版，質地比雲呢拿輕身，不過皮膚乾時用用覺得有點拮和發紅

呼~~又打完一篇啦，Eminence 的東西就係有種魔力令到人想試曬咁多嘢^_^

依家見到草莓網咁多嘢買，我又手痕痕啦^_^

香水分享--Jo Malone

呢堆香水仔係我1月份生日時買的，枝枝都用過下，可以分享下啦



話說我以前一直都無點鑽研有香味的東西，不過懷孕時對氣味的敏感度提高了，加上youtuber的介紹，就令我對香水呢樣野的興趣急速升溫了

在網絡上知道Jo Malone是專用做香味的品牌，說得出的香味都會有，而且可以混合來使用，我就上網買了一堆味道來試啦

（以下的分享排名不分先後，拎到邊隻就講邊隻）

試了一堆後，覺得香味的喜好真的很個人，vlogger覺得好聞的，我也覺得一般般而已

我覺得氣味和你的衣著、年紀、性格等等係有關的

讓我自己分析一下自己再分享，大家會對我對香味的分享會有更深了解

我是一個高個子女生，喜歡短髮，個人認為自己是走傻大姐路線，外表成熟內裡低B，個性算是比較girly，喜歡碎花和lace但拼上身並不適合，年紀30頭，已婚有小朋友，平時衣著簡單舒服為主，大部份時間是只偽素顏示人，膚色是亞洲人偏白

好啦，講咁多，我逐個味講啦

Lime Basil & Mandarin 青檸、羅勒與柑橘
睇名會覺得羅勒和柑桔類的香味拉不上關係，我第一下是聞到青檸味，之後是柑橘皮苦澀味，幾分鐘後就會聞到香草味比青檸和柑橘突出，感覺幾得意，很清新的味道，很討好，因為味道有少少層次，基本上不用混噴，聽聞是Jo Malone最暢銷的味道，應該沒有人不喜歡它
男生如果Mix一點木味應該都會好好聞

Grapefriut 葡萄柚
剛噴時最出的時柚皮的苦味，之後是好輕好輕的薄荷味，要好仔細聞先覺，再之後就係西柚汁酸酸的味道，個人認為氣味比較單一，不過潮濕天用我很喜歡

Earl grey and cucumber 伯爵茶+小黃瓜
第一下聞到的是柑橘味加茶味after taste，之後柑橘的甜味消減青瓜味就出現，不過要仔細聞先聞到，有茶和青瓜出現在一隻香水裡面我覺得好特別這個味道黑咪大推，我個人覺得man左少少，男仔用我好中意，我自己用就會溝Grapefruit/Red Rose用，可以減掉一點甜味，加多一點層次，我會叫呢隻味做「耐人尋味」

Pomegrante Noir 黑石榴
我未吃過黑色的石榴，只吃過紅色的，石榴酸酸甜甜，我中意食，但變成香水，噴上身將自己變成石榴味，我覺得怪
btw, 果味消減d後就有少少胡椒味+木味+少少花香，比較女性化，唔難聞，不過不喜歡

English Pear & Freesia英國梨與小蒼蘭
好清甜的梨味，對我來說，我完全一見鐘情，有少少木味令佢唔會甜到溜，春天用好正，夏天我就會嫌佢唔夠爽

Blackberry & Bay  黑莓與月桂
第一印象是酸酸的黑莓味，之後有點木味，月桂是大力索才有，酸味比較突出，我冬天時比較喜歡用，味道比較有個性，想不到可以如何混搭

Nectarine Blossom & Honey杏桃花與蜂蜜
就是杏桃和蜂蜜，成件事就係，好甜。20歲的妹妹應該會很喜歡，我覺得甜到溜，溜到有點頭痛

Red Rose 紅玫瑰
是我聞過最唔lady的玫瑰味，是玫瑰味無誤，有輕微帶少少果味，感覺比較young，沒有粉味，如著裙就單用，比較casual就溝Earl grey and cucumber 把girlish的感覺壓下一點點

Orange Blossom 橙花
原來這是橙花味啊.....本小姐長知識了....甜甜地的花味，幾好聞，味道比較單一，本小姐不討厭但沒有很喜歡，感覺沒有什麼個性，香味不太持久

Peony & Blush Suede 牡丹與紅麂絨
好女人的味道，比較濃烈，有粉味，索一索暈得一陣陣，呢隻味令我諗起宮雪花...well我唔係話呢隻味騎呢，我一直都覺得正正常常的宮雪花係幾有女人味的（佢有正常過嗎？）
呢個味令我諗到的人是...藍心湄...em...呢個好似比較貼切

Dark Amber & Ginger Lily 黑琥珀與野薑花
呢隻味我比較少用...因為寫呢篇我再噴一次呢個味，突然好中意...這個味道是黑色瓶子的，是因為屬於男生的味道嗎？
它的味道....檀香扇打開來的味道，加一點街邊阿婆賣的薑花味，是木味為主但一d都唔嗆，好舒服的味道，會令人relax但又不會昏昏欲睡

肉豆蔻與薑
是Jo Malone第一款產品。味道好乾爽好溫暖，好聖誕的感覺。帶點木味，暖男用應該幾好

鼠尾草與海鹽
海水味，冬天用會令人好嚮往夏天，好想放假，但春天用又會覺個痴立立，有少少鼠尾草的味道。鼠尾草我會歸類為同茶樹油同類的味道，感覺好抗菌，哈哈，不過在這裡只是好輕好輕的味道


呼，終於打完，我花左600幾買左呢堆sample，最終現在我家有一枝100ml的earl grey and cucumber，grapefruit 和rose各一枝30ml，暫時都好夠用了
如果用曬是但一枝，我會想試french lime blossom, white jasmine & Mint, wild fig and cassis^^

給面皮來一杯夏日特飲~Envus 水晶魚子激活療程

才六月，我家就開始晚晚開冷氣的生活了

生左BB後，我係明顯比較怕熱的（話說我以前係anytime心靜自然涼）

出汗多左，面油又多左，毛孔又顯眼左，因為熱辣辣的關係，塊面成日紅卜卜，好易敏感

今次去 Envus瘦身專家 ，美容師幫我洗完面後就建議我做 一個可以補濕、紓緩、滋潤、提升的facial啦
呢個facial叫做魚子水晶激活療程

洗完面就做去角質，美容師話呢個去角質的產品成份係全天然的，主要成份為粉紅水晶末、西瓜籽等等

塊面腫腫地又敏感>.<

美容師會大力少少按，幫助activate 皮膚等一陣的導入按摩等皮膚可以加強吸收
我覺得感覺有點似矽針但唔痛的

去完角質即時feel到塊面涼涼地

磨了一會抹面後feel到皮膚柔軟左，而且感覺清涼，d紅減淡左60%

之後就到藍光冷凍導入魚子精華，是瑞士製造的產品，導入時凍凍地的，非常醒神又舒服，藍光可以鎮靜皮膚，暗瘡皮膚用都好好架。

凍凍地好刺激，好舒服！

之後美容師幫我按幾下面，面型即刻提升返！效果好驚喜呢！

面型提升返，係好大的bonus!

最後敷個抗敏的藍水晶凍膜，又係冰冰涼涼的

呢個facial真係啱曬夏天做啊！


特別鳴謝 Envus瘦身專家
地址：九龍旺角彌敦道611-615號飛達商業中心1401室
What's app 64684544

Ilsci 面膜品評

呢排天氣凍返，我敷面膜的頻率又慢返落黎，不過都想整合一下我手頭上的面膜，講下我的用後感

其實我用過Eminence的不少產品，大部份感覺都唔錯，我知道ilsci 和eminence是走類似路線，人生教練Winnie都有推介過，於是上網search，原來ilsci和Eminence 有一段恩怨情仇（笑）Anyway, 依家ilsci仍是匈牙利製，而eminence 就美加都有，thats it...

因為ilsci 的產品有好多，我就搵左個賣家分裝幾樣試下啦

（好幾樣已經用完，唯有上網搵圖俾大家，其實我的文字才是重點）

1. Ilsci甜红椒粉草本排毒面膜

呢個係個辣辣的面膜，未用過類似的面膜的話會嚇親，我N年前用過eminence 8 green面膜，我覺得個感覺幾類似。呢個甜紅椒粉聞落去無咩味的，薄薄地搽一層hold 20 分鐘，期間我會噴toner保持濕潤，否則5分鐘就會乾左猛住猛住。

敷佢一陣就會感覺到熱辣辣，塊面會紅到好似關公咁，我覺得有兩個效果：一，張開毛孔，之後敷清潔mask就會再乾淨d，本來已經生左的瘡仔會快d熟和謝；二，activate你面部皮膚，我覺得敷完有少少似做完RF或其他醫美療程咁，皮膚有少少緊，敷完會覺得皮膚好饑渴，之後敷咩野搽咩野都會超吸收。

敷完呢個之後我會敷eminence益生菌面膜+ilsci 玫瑰花瓣面膜，前者清潔+鎮靜，後者補水美白

每次敷好薄就夠，所以回購的話應該會買50ml就ok

2. ilsci 玫瑰花瓣面膜

佢係似藕粉果種質地，有少少黏，入面好多醉玫瑰花瓣，香味好清新，有少少酸澀味，用呢個要加少少水，面膜：水=2：1就ok，用完塊面飲飽水咁通透，膚色都均勻返，美中不足佢無咩滋潤感，敷完洗左要加面霜

呢個mask我好中意，感覺比fresh的rose mask真材實料，所以我買左125ml慢慢歎。

3. ilsci 景天草面膜

因為之前用完eminence stone crop mask覺得效果好好，於是就去ilsci添食，因為聽聞ilsci的景天草面膜仲正，我一買就買左125ml。暫時用左幾次，入面d果肉/葉比emience的多和粗粒好多，而且杰好多，要加多d水開稀少少。我用左幾次都有少少刺激，同完T字位會吉吉地和發紅，唔知係我太乾定八字不合，我會用多幾次先。

補充：我問過賣家：佢話呢隻面膜比較濃縮，要加多少少水會好d....anyway，我試多幾次再review

用完一罐再review...兩者效果個人認為差不多，乖乖地一星期堅持用個四五天，美白提亮的效果好明顯，明顯到用開的粉底都唔啱色

至於刺激的問題，我用呢個mask係唔會溝水，而係會溝蘆薈gel（我用ecosway)，咁樣問題就會解決

佢本身無咩滋潤性，油性、痘肌用好好

而我呢，會先用HABA鯊烯透白美肌清油先做按摩+打底，再用呢個mask，就可以補水又保油，效果very good

4. ilsci葡萄軒細胞面膜

主打抗衰老，可能用一罐都未必見到效，抗老是打持久戰的。因為呢個比較貴，我會加少少透明質酸原液做導入，做完毛孔有收細，皮膚明顯彈手。

不過值得一提，手頭上有玫瑰和景天草面膜的salon size，見到兩者都有parfum（香料），對我黎講有少少震驚，因為我覺得以有機和天然做賣點有香料好似有點畫蛇添足。我印象中eminence係無香料的

另外，Ilsci在香港比較難買到，行貨的價錢mark up得比較高，相對來說回購Eminence的機會還是比較高的

就這樣。

〔用後感〕水感肌塗抹式水光針

這東東好像熱賣了一陣子
一直沒有入手因為知道是made in China的產品
https://youtu.be/ZplfFd-PlqI

我不歧視國貨，不過選護膚品我的優先次序是

1. 歐美（醫美）
2. 日本（醫美/防敏）
3. 歐美（有機）
4. 韓國（韓/漢古方)
5. 專櫃
6. 國貨/開架（有口碑）

就咁，家裡中國製的護膚品少之又少

不過在youtube又見到blogger Isadora 大讚，就入手一盒試下啦

入手價：$270，和朋友團購搭單買的，卓悅上網都買到，好似仲平d呢，如怕麻煩我在優品360都見過$330一盒，其實大部份水貨店都是這個價位

一盒有十枝，我通常晚上用，一枝用三次，一盒用一個月

質地和fancl的sleeping pack好相似，不過fancl的細枝（無記錯300幾一枝)，絕對唔捨得厚敷過夜

水感肌呢，有人教一枝用兩次，亦有人教一枝用一星期，我就覺得呢，我已經係中女，生過BB，皮膚和後生女無得比，無謂慳住用，但一枝兩次又多得滯，我就用三次啦

質地水潤，易吸收，但唔會搽完好似無搽咁，最大作用係令皮膚變飽滿

近期工人放假，我無時間敷mask，就晚晚用佢，第皮膚so far都keep到，無點出粒粒
如果懶敷mask，呢個係好好的選擇

搽完精華用佢，之後睡前塗面霜就ok啦

用了一星期，皮膚最大分別係上妝貼服度高左，笑起上來眼週不會猛猛緊

回購度：80%

2016/04空瓶記

四月有2/3時間皮膚敏感，少用新野，不過都有清貨^^

敏感好左七七八八了

敏感了差不多一個月，終於都好左七七八八

講下我點解會敏感先：

遠因--過年前做過矽針，因為磨得太勁皮膚比之前脆弱
（澄清：在家做矽針唔好想話效果好就起勢磨，唔需要的）

近因：一個月前的某日假期我用handybio做導出，順便用HABA white lady做導入，

想美白下
點知，做到半邊面就又痕又紅到一達達
我估係white lady d美白成功比較刺激唔適合咁用
（澄清：white lady是好東西，不過white lady+handybio好像不是好朋友)
anway我全面導入曬，好痕又一達達，於是我就洗左佢（平時導入我唔會洗走），然後敷

Bioderma的抗敏面膜
之後就無乜野
但過左幾日兩邊面有好多粒粒，無膿頭，但會變大發紅痕癢

因為素顏唔見得人，所以係有化妝，落妝用卸妝水，然後用洗面奶洗兩次
去角質就無特別做，因為又痕又紅都係唔好搞咁多野

基本上晚晚都有敷面膜

最近敷面膜都是一層gel/cream mask再加LJ玫瑰toner濕敷，咁樣我覺得會吸收得好d，不星期會用兩次深層清潔mask

最近比較常用的是

ilsci 的景天草淡斑紓緩面膜（就黎用完，下篇review)
sothys 保濕mask

敷完之後d粒粒和紅會退左一半，不過一兩個鐘之後又故態復萌啊OMG....

我有點灰心，同埋個人經驗話我知皮膚敏感最好唔好去做facial，唔可以針清（其實我d粒粒係無野針到）又唔可以按要，咁做咩仲要去做呢
於是，繼續有mask密密敷

skin care我用olecule 的精華

成個月都無起色

當我隻眼開隻眼閉，前幾日我趁心如訓著我就拎返Nu skin Spa機黎玩下

利申：我不是會員，只係好耐之前試過一次，效果幾明顯，於是去入手

Nu skin需要配合佢地出的gel黎用，有pre-treatment gel和treatment gel，每次都用曬一枝，佢咁設計就唔好慳住用啦，除開$60幾蚊一次，唔平但值得，效果絕對不比出去做facial 差

ok....做完spa機導入通常皮膚仲有少少乾，跟手再敷個mask，我通常會敷有firming效果的
今次敷

Guinot lift firming face mask+LJ 玫瑰toner on top 濕敷

15分鐘後洗面搽面

今次搽Excuviance Vespera+ Olecule nu-concentrate+Bicelle B5 cream


第二日望鏡，塊面平滑左好多！

一晚就有效果真係好開心呢！

其實部spa 機買左年幾了，因後來有入手其他機加上我好懶而放埋一邊，一直都覺得有效果但唔係好明顯果隻，要密密做先keep到，同埋個效果係firming方面，可能果時無粒粒問題
今次的效果真係好驚喜，可能我底層皮膚真係好污糟呢！

2016/03 空瓶記

今個月用完一堆東西，不過因為一星期有三晚要去 梵博家 做運動，回到家已經無電了，所以自家拍的產品照就欠奉啦，產品照都在google找回來，不過文字是我真心分享^^

LJ的化妝水，婚後一直在用，因為salon裝，性價比非常高，香味討好，清爽保濕，沒有不愛它的理由，家中還有一枝四月底到期，要每日濕敷爭取在過期前用完

回購度：很值得買，不過已經用了好幾瓶，想試下其他牌子

ILCSI甜紅玫瑰洗面奶
我買淘寶分裝的，別問我怕不怕假貨，我買的那家在微博裡賣就個牌子算是始祖了，好多代購都抄佢COMMENT
價位唔算平，玫瑰味都幾好聞，唔俗得黎有少少lady，用來卸防曬無問題，和我用過的洗面奶有點不同，呢隻打圈按面過水後係爽身的，滋潤感不重，效果算係無功無過
回購度：20%

ILCSI rose petal gel mask

呢個都係用分裝的，我會溝少少蘆薈gel用

之前想入手fresh的玫瑰面膜，但評價有點兩極，結果忍手

呢個分裝，我用完好中意，因為玫瑰味好香，用完好水嫩，又白淨了

就買了個salon size 125ml回家

因為之前分裝沒有成份標籤，salon裝就有了，卻看到好多對皮膚不太好的成份（例如pafum在成份表裡中間的位置，香葉醇會致敏等）

如果以一個salon牌子的話，有呢d成份我覺得正常（不過最好無啦），但身為一個有機牌子，又要另外落香料，我覺得佢畫蛇添足囉

anyway，印象中Eminence 則沒有此等情況出現

回購度：50%本身不排斥添加劑，不過最好不要在太前的位置

Olecule Revivial Serum

用掉一枝sample 就馬上入手，算係果酸類的精華

去粒粒效果明顯，試過下巴生了粒大痘，塗了第二天變小小痘

要晚上用，在眾精華前用，幫皮膚清底

因為近期不想再做果酸或矽針之類療程，用daily product感覺上會比較溫和，皮膚不會太依賴果酸

回購度:100%，已入手30ml

Selveskin Copper Peptide

用掉5枝sample size，好易吸收，我通常是夜晚用

用了一兩個星期會feel到皮膚緊實了一些

五六年前我在BB laboratories買過它家的藍銅原液用來碌微針，效果很好的，不過當年好似要$200/5ml之後無再入手，後來想回購時卻停產了

現在有出藍銅產品的品牌好似不是太多，也不知哪家比較好，無從比較

回購度：90%

Olecule Nu-concentrate

用掉三枝 sample, 質地有d似蜜糖和膠水，是杰身的，b5是保濕，Nu-concentrate便是滋潤，近期成日都覺得乾到出油，但搽多多保濕精華都不夠，油可以鎖水但只停留在表層，總是覺得差了什麼，用了這個就知道之前爭咁d「滋潤」

佢剛上面有點立，好快就吸收到，乾紋都退了一些

回購度：100%，已入手30ml

Dr Athena 水光針面膜

無可否認佢補濕滋潤的效果係幾強

夏天用會覺得太潤

係我呢排又乾又鞋，但又出油爆粒粒的境況下，能令d粒粒clam down，塊面無咁紅

真係幫到手

回購度：100%

小project大想頭：舊mask換新mask

本小姐最近被貴婦品牌搞到火燒心
之前入手了creme de La Mer....sample...算係完左我小小心願，叫做試過下

不過最近wish list裡又多左一樣...
Valmont renewing pack



上網睇到好似萬能咁，保濕滋潤亮白控油乜都得
不過專櫃價都真係嚇死人...$1900/50ml...
水貨店有salon 裝，賣2千幾200ml

都仲係好貴>.<

為左入手，家陣我有個小project...
屋企有幾枝gel/cream mask，我會好勤力咁用曬佢地，用曬佢地就會入手啦
Guinot
Fresh Black tea instant mask
Sothys
ilsci stone crop mask
Annie's ways 金盞花+熊果素凍膜

呢幾樣野加加埋埋應該就等於一罐salon 裝的valmont renewing pack啦！
用曬先入手！等我！

減肥日誌（2）--上左兩星期sliming 333

本小姐由1/3每星期二、三、五都有上堂，由week 2 開始，星期三上一堂gentle yoga+一堂slimming 333

因為隔天要上班，半夜又要照顧心如，加上我的體能本來就比較弱，課程上Nicole老師教的我都沒有出盡十成力（但都有七八成了）

上了這幾堂，都幾密集，但未至於攰到起唔到身，返唔到工。

只係昨晚連踩兩堂，都真係幾金啊

不過無可否認上完gentle yoga個人訓覺會熟睡d relax d

我d筋真係好硬，要拉返多d先得

Nicole老師教得好仔細，不harsh....所以上課還蠻開心的....

下課前五分鐘左右老師會教detox breathing，做完第二日去廁所會順暢左，量都會多dd

不過，因為一星期三晚上堂，回到家心如已經睡了>.<

體重方面，基本上remain unchange...浮遊在75.3-75.8左右

不過睡眠質素和體力都有改善

^^