生日，食好東西

今天，是本小姐的生日。

昨天，難得和老公二人世界，去碗屋吃放題
魚生依然新鮮，不過有好多野都降左grade，但價錢就升左幾個grade...
可能長期唔夠訓，加上陀BB長期禁食生冷野，望住魚生都無以前咁熱愛
串燒...大推BB蕃薯，好好味呢...
海膽手卷都好好味...
其他野呢....確實都無咩印象，亦唔覺得特別好食
加左一要成600幾的放題。無。下。次。
不過，聽聞佢地午市定食質素ok，就俾多次機會佢啦

正日生日想去排下毒，朋友又介紹我去做中藥薰蒸，趁lunch就上去試啦，點知一坐上去，因為對腳太長，坐唔落個桶>.<
一場黎到，又lunchtime，一條友，唯有食返碗一蘭先
要排一陣隊，入到去，個seat真係好逼，坐得好唔舒服，不過呢個好似係特色黎，哈哈
剔左佢地的點心紙，因為第一次食，所有野都要normal/medium
味道幾濃下，同埋佢地個辣椒粉真係有畫龍點睛的作用，加左好食d，我好似係要1/2辣，剛剛好

叉燒有兩塊，無肥膏，紙咁薄
佢地個廁所值得一去，個人認為係景點黎
我唔覺得有人serve過我，但就要俾加一
整體黎講係好味ge，不過真係坐得好逼，迫使我要減肥>.<
加左一之後一碗面要$98，係貴ge，不過作為生日午餐，ok啦

晚上，有我最愛的蟹炒年糕，真係好好味，好味到我唔記得影相，哈哈

之後我家豬先生就買左我最愛的Italian Tomato 士多啤梨蛋糕，好開心，好好味^^

父親節晚餐

嫁人後第一個父親節，加上爸爸病癒，今個父親節對我一家來說別具意義。
離家生活後，深深體會到爸爸一個人賺錢養家是多麼的不容易，現在我是養得起自己都很吃力>.<
所以呢，我爸爸雖然不會做家務，有時又口水多過浪花，
但我爸爸真是一個好爸爸。

爸爸今年罕有地主動提出外出用餐，吃的是位于銅鑼灣的泰簡單。
兩年前媽媽生日吃過一次，今次是舊地重遊

估估樂中獎通知+本小姐私家廚房--健康版薯蓉

 

估估樂中獎通知

多謝大家踴躍參加本小姐十年唔逢一膶的估估樂

<h4>影影相，敷敷mask+估估樂</h4>

再一次證明本小姐的年齡真係可以係一個謎

舊文：迷

各位sis估我當年拍照的年齡....個range確實幾大下

由10歲到30歲都有人估=.=

好啦！我係樹開估....

當年影呢輯沙龍相的年齡

係13歲

大家唔駛驚訝，我個樣真係比實際年紀大

但我心智絕對不老，什至可以話係童心未泯

唔信的話可以私會我

不過呢個星期超忙，

點解我咁忙呢

媽媽不在家

日子變得好忙好忙，part time....讀書....partime.....做家務.......

捽之明白家務通真係好有market

我諗第時若然搬出黎住都好有需要幫襯下

鬼叫我地係都市人

呵

一星期有好幾天不能在家吃飯

偶然在家就好想吃住家飯

可是媽媽不在家又不能坐低等食

呵

咁放假呢，就要動手煮點，慰勞下爸爸供書教學的辛勞和妹妹身為準末代高考生的勤勞啦

重點，係將雪櫃裡的食材盡量清空

找到煙肉，洋蔥，番茄，薯仔幾大包

在腦中呈現的recipe就是：薯蓉囉

然後，腦中好快又出現三個字—肥-鬼-死

不過，若然怕肥而乜都唔食，咁我真係諗唔到人生有咩意義啦

係怕肥同為食之間，取個平衡點

1. 煙肉+多洋蔥+多番茄--自小媽媽話洋蔥可以殺菌防流感，而且日本呢期流行吃番茄減肥

2. 少油少鹽--煙肉本身有油份，先落煙肉炒等d油出黎再落洋蔥，真係香到震…而且煙肉有味，唔放鹽都ok，食少d鹽，水腫都少d

不過呢，番茄入面有油溶性維生素，炒果時要落少少油架！我家用葡萄籽油，健康d

所以呢，procedure就是

炒煙肉，落洋蔥，畢起煙肉and 洋蔥，落油炒番茄，之後放曬所有野兜勻

至於薯蓉呢，放係燜燒煲，好快就林，之後隔水壓成蓉就得

覺得寡可以落olive oil+鹽，我見雪櫃有d不知名ge herbs，就放左d

好香好惹味呢，就連olive oil+鹽都可以唔駛落

yeah

 

好好味呀！間唔中少吃多滋味啦！

呢篇文打左好耐啦！

喜歡的話推一個吧！

低糖香蕉戚風

小女子破地獄第N擊--香蕉戚風

<h1> </h1>2009-05-14 16:05

趁豬先生回來前把熟透的蕉KO了 又是蕉蕉戚風呢 嗯！好味 外圓脫模已經拿捏到技巧 不過中間個loan都仲係整得唔夠靚 可能未擺涼就搞佢........本小姐太心急啦 且蛋糕模中間位有個狐度 好難整得靚呢！

寄件者 2009_04

睇下蛋糕ge texture先

寄件者 2009_04

係咪好鬆呢！！

寄件者 2009_04

揀相揀得好辛苦呢.........家裡的光線和本小姐的攝影技巧同樣不濟呢

突然，好想買部專業機

不過........乜我識用咩？

而且........我依家銀根短絀........

本小姐依家極度需要一份parttime呢.......

昨晚去了勞工處、Jump等的地方看過

現在工作真的不太好找呢

哈哈，又係戚風呀

<h1> </h1>2009-05-14 16:08

 

趁老細唔係屋企，整多次戚風...... 今次係香蕉味的

寄件者 2009_04

就黎夠鐘都唔夠顏色.........於是本小姐將火力調高....

結果.....

就咁燒蕉

 

寄件者 2009_04

不過吃不出燶味的

今次用了一隻熟蕉，一個模子放不下，要用多兩個紙杯

是日脫模失敗

寄件者 2009_04

呢個故事教訓大家中間個loan要好溫柔咁對待佢......唔好用刀刮

好香香蕉味呢......姚太都話好味！

本小姐越來越得心應手了

風和日麗的下午，和姚太去赤柱逛

尋寶，買衫......好平呢！

赤柱好多人........仲有好多狗仔

寄件者 2009_04

佢隻腳好短呢！！