在Fresh 的東東中，我用過的有這些
話多唔多，話少唔少吧...
其實好耐之前已經「長草」，但真正「拔草」應該在心如出世之前
現在我以購入和使用的先後次序來品評下吧
第一樣試的，是黃糖面膜
話說懷孕時皮膚不算差，沒有長豆豆的問題，但因為無得做facial，果酸和儀器通通都唔做得，所以黑頭有點多，膚色亦唔太均勻。
有一天在執拾sample時，見到好耐之前換過的黃糖mask sample，就拎出來做下去角質，捽了幾分鐘，再等五分鐘，然後過水，你會發現面上有層油，過極水都沖唔走，然後用毛巾抹乾，摸下塊面，哇，好柔軟啊！！！
老實講，用之前我不停諗，點解一罐糖和油的混合物可以賣成五百幾蚊，用完我就明啦
未完架，當我抬起頭照鏡時，真係wow一聲，塊面明亮左好多啊！老公聽到我大叫係房走出黎睇，都問我用左咩做咩白左
最神奇係，老公竟然主動話去買俾我！！！
呢樽黃糖面膜算是滋潤型的去角質，如果當日累得緊要只用佢不再敷補濕mask都ok的，不過用就更好啦，我通常沖涼前搽上面，洗完頭準備洗身時洗走佢，十分之方便，而且好襟用，絕對會回購！
第二樣是大豆潔面，
佢同時可以做到卸妝，因為不是油質，不怕用完出粒粒。我試過用來落mascara的，都無問題，不過用量要多點，有點肉痛。
雖然個名有大豆，但完全唔覺有豆類的痕跡，我反而覺得有青瓜feel。
春夏天用好good，洗得乾淨又不會乾，冬天如果你本身太乾用佢會覺得少少吉，因佢本身帶少少涼感。
如果你係返工有化妝之後接住要去做運動的話，帶住佢就非常方便啦
下個月我要開始收工做運動減肥，考慮緊回購一枝depot落muji 牙膏管度用呢！$360/100ml真係有d貴啊！
玫瑰保濕精華
呢枝精華同我平時用開的精華有點分別，呢隻擠出來帶點米黃色而且企身的，好好聞的玫瑰味，我用開b5 gel之類的水質一點的精華，這個我個人認為慘透度一般，用完佢化妝會有擦膠碎，用完一枝看不到任何成效，$510/30ml，價位和效果都吸引不到我回購
這個我買的時候是eye gel，真空泵裝的，唔立，味道有少少涼茶的味，去水腫效果唔錯，但用完化妝會起擦膠碎，結果我大部份時間用來做導入和eye mask。用完效果不算驚豔，也不會回購了
黃糖潤色唇膏--Cherry
因為大肚時幾乎零化妝，我面色又倉白，整個人看上去非常不精神，需要一枝顏色鮮豔的唇膏，要找一枝夠色夠潤成份又不能太化學的，我只想到fresh...呢枝顯色度真係好高，用完個人即刻精神曬，而且好顯白，而且一點也不乾，好好用！後來有天媽媽說：我的唇膏用完了，你有好介紹嗎？我給她拿回家試幾天，她非常喜歡，就沒再拿回來了！確實，所有女生都應該有一枝紅色的唇膏的，呢枝絕對適合那些怕唇膏乾的女生
紅茶面膜
買了以上這些東東後，我就成了會員，會員禮物是紅茶facial一次，呢個行銷方式真係無得頂，唔hardsell，但做完就乖乖地帶佢返屋企
$840/100ml，暫時是我用過最貴的面膜。雖然叫紅茶mask，不過都無紅茶的味道，我又feel到涼涼地和青瓜的味道。收復效果好好，用完會覺得皮膚飽滿和漲卜卜，因為都幾貴我通常會敷耐少少，大約半個鐘啦！薄敷就ok所以都算襟用。效果都唔錯，會回購^^
玫瑰保濕噴霧
這枝我不是買貨裝，只是買了若干東西後送了一小枝，必須說fresh的大sample都包裝得好精美，這枝就算sample都是玻璃樽，非常有質感。
fresh家的玫瑰系列好香好好聞，它標榜不含酒精，但我用它弄濕棉花抹面，感覺涼涼的，而且面紅紅，可能我和它八字不合吧，對我來說因了解而分開的東東
黃糖潤色唇膏--Passion
之前那枝cherry被媽媽拿去用，我又不想買回同一枝，就買了passion了，無cherry咁深紅，都好易carry的，我通常出去晚飯或去影樓影相會用到佢，氣色會變得好好，都係果句，紅色的唇膏每個女生都要一枝架，而且fresh的潤色唇膏不需要用潤唇膏打底，滋潤度和顏色飽和度都好好架
黃糖亮彩修護唇蜜--Rose
帶小小粉紅色，令身，我覺得好癡立立，還是唇膏的比較適合我
黃糖潤色唇膏--Rose
少少粉紅色，素顏時用好good!
牡丹煥白夜間修復面膜
$540/50ml都幾貴，點解我果時會買？上星期剛剛開黎用，以overnight mask來說都幾易吸收，味道係花香味，暫時感覺良好
老實講fresh呢個品牌我都幾鐘意，價錢算係略貴，但某d產品係幾好用，人大了情願花多點錢買好用的，多過買平而廢的，加上fresh的幾次購物經驗都唔錯，所以我都會再幫襯架！
黎緊我想試的產品有它家好出名的玫瑰面膜、有blogger讚的白泥面膜、還有新出的紅茶過夜面膜。。。
不過等我手頭上的東西清掉一些再入手啦
分享完畢，希望大家喜歡^^
沒有留言:
發佈留言