大愛唇部用品

本小姐覺得嘴保養理好重要，重要程度和面上其他部位一樣。

唇部色素不均，無唇色，唇紋多，都會顯得不精神和衰老

一個無唇紋，色澤粉嫩的嘴仔係我所追求的。

本小姐是咀唇比較薄，大部份時間無咩血色，秋冬時容易脫皮

年紀輕時我比較喜歡用唇彩，現在韓妝當道，唇膏是必備妝物。

但唇妝始終持久力有限，飲下水就無了，一天要補個兩三次是基本

唇膏塗得多又怕色素沉澱。。。

我承認，女人是麻煩的動物（笑），因為咁，我好認真地考慮去做飄唇。。。

不過，實在怕痛和知道復原期不短，就暫時將呢個計劃放埋一邊先

依家就講下我平時點樣保養我咀仔啦

坊間好多人教用油+沙糖做唇部磨沙，我唔建議咁做，嘴唇好薄，就咁磨好易磨損，而且過多的磨擦會引致色素沉澱

我每晚都會厚搽Fancl Lip Treatment

佢gel gel地的質感，都算立，如果日間單用有lip gloss的效果，我通常臨瞓時用，第二朝個水好水潤，如果本身有死皮，個嘴會有一層白色膜，擦牙時濕一濕個嘴，輕輕力就可以捽走d死皮，個嘴就滑返曬。

厚敷時會覺得少少暖暖地，好似血液循環好左，個嘴會自然地嫩紅左，而且佢無礦物油、防腐劑、香料，用成晚都好放心呢

DHC橄欖潤唇膏

N年前我愛過佢，用感係唔錯的，但果次用耐左枝野就有異味，未用完就俾我掉左lu...

到依家日元紙水低左，見到萬寧$90有兩枝，就入手啦

用感一如以往咁良好，尤其搽唇膏前打底，真係非常good

佢夠潤之餘，又可以令到枝唇膏的顯色度可以maintain，

至於味道的問題，依然係有的，不過只要記住「慳住用不如唔好用」，係佢變味之前用左佢咁就無問題啦

Fresh 潤色潤唇膏(Passion)

好sharp的顏色，冬天用顯得氣色好好！好滋潤，搽之前唔洗打底！如果要去影樓影相或者出夜街用就very good啦

Bobbi Brown sheer lip color#28 pink buff

返工好啱用的顏色，nude得來帶點pink，又顯得面色好，不過我覺得乾左少少，要用DHC潤唇膏打底

Jane Iredale lip stain #forever pink

因為唇膏一係就乾一係就唔持久，成日要補我覺得好煩，咁啱見到佢，有機又天然，搽上去會跟隨你體溫變成你獨特的唇色，簡直正中下懷呀！！！
個咀有色成個人精神曬，就算飲水甩左個咀都keep到嫩紅，真係very good，不過乾燥天on top都要搽一層潤唇膏
就係因為有佢，我可以暫時唔做飄唇住，呢枝真係懶人恩物啊！

分享完畢，謝謝收看^^