anyway, 依家本小姐是個新手OL，請大家多多指教
做OL，穿衣要斯文，化妝是禮貌，本小姐自從生完BB後都好少化妝，但依家就一星期有五天要化妝…因為很久沒化妝，本小姐還未添置秋冬用的base呢！大家有咩提議？請集思廣益！
化妝的確係傷皮膚的>.<尤其沒有找對妝前底霜…
本小姐生完BB後長期睡眠不足，雖然是膚色算白，但面黃一直是問題
化妝時品在皮膚時間多了，感覺好像令暗啞情況變嚴重了…
想起家中有Eminence的垂盤草面膜，之前都用過一罐，當時因為覺得好貴所以慳住用，用後覺得效果不大
就咁，身為倉底貨，有機的東東不能放太久，趁搬家前清貨吧
就咁，今次就豪用，睇下係我之前用量太少，定係佢本身廢
呢一盒mask…我由11月頭開始用，到今日4/12，終於用曬啦。豪用的話60ml的份量天天用可以用一個月
其實我無日日用，但今個月有起碼20日有敷mask，次次都用佢
stone crop mask帶有好fresh 的青草味，有人中意亦有人好怕，我就覺得幾好聞，質地是鼻涕狀，with一些碎葉物體
eminence 的要膜好濃縮，所以要加少少水，我個人比較懶，通常apply左上去再加水按…我試過唔加水，就出事，會吉吉地兼發紅
佢比較快乾，所以你一係每五分鐘噴一次水，一係敷10分鐘加水按下，再敷多5-10分鐘
15-20分鐘就洗得
gel狀的mask偏向清爽，呢隻都係，滋潤感不足，所以要on top 加精華and 面霜
呢隻mask去黃和淨白的效果明顯而且long lasting，我用完呢一個月感覺皮膚好似化左妝咁
而佢用一次係唔會太明顯，我係用左10次左右照鏡先有哇一聲的效果
不過薄皮膚的人就要注意，用之前溝少少水先上面
當我開始寫呢篇文時盒mask用淨兩次，關於佢好快變乾和單用會刺激呢兩個問題我嘗試諗d計仔去解決
方法一：溝gel mask
我手上有derma medream的蘆薈mask…兩個1:1咁溝埋，會無咁黏和無咁快乾，蘆薈mask少少涼涼地又可以降紅，加埋就very good啦
秋冬敷面膜好凍，我就會用12蚊店買的矽膠mask，搽左mask之後達上去可以加強吸收，用完塊面真係好透亮架！
希望大家中意我分享^^
沒有留言:
發佈留言