我的修身之路--WEEK 7Liposlim 排水瘦背修臂bye bye 肥腫療程

心如越來越重了

身為媽媽的我負荷越來越大，因為心如條頸未夠力，抱的時候仲要托住頭頸pat，揹帶都未用得，但心如又不喜歡打橫抱，所以成日要用我個人去就佢，佢就可以好開心咁四圍望，我就腰酸背痛

上星期去到淨意坊Carmen建議我做

Liposlim排水瘦背修臂bye bye 肥腫療程

原理是這樣的

 

 “西班牙liposlime “負壓吸力 

負壓緊緊吸附在皮膚表面，牽拉神經、肌肉，暢通經絡，有助活血行氣和止痛消腫。疏通經氣，改善氣血循環。如果人體氣血循環好，便有利新陳代謝，繼而排出體內廢物。 水腫成因多，若血氣不足，負壓按摩能疏通經氣，利於排水。

順帶一提，淨意坊有好多種背部療程，針對背部不同問題，今次就針對我背部疲勞水腫去做

和面部護理一樣，做back treatment都會清潔噴蒸氣和針清的，而噴蒸氣前，我仲做了一個綠茶咖啡按摩去角質，加強之後的去水腫效果

負壓吸力就是類似走罐，但痛楚和砂痕都大大降低而且可以調較，更適合大部份人去做

效果好明顯呢，做完有少少紅印，代表我氣血運行的確麻麻，那些紅色的砂痕第二天就退乛⼁

因為餵母乳不宜節食，我的體重到了75kg就到平原，好像沒有再回落的跡象

不過我又唔會揸住個磅做人，線條比較重要

除了做養生修身療程外，我今次一不做二不休，落重本去葆露絲配了束衣束褲腰封

係好貴，但值得！

因為剪裁和用料都很好，穿上身不會cool到抖唔到氣，也不會焗到出熱痱

穿上身後身型馬上改善！

話雖如此，我必須講真係好貴，貴到我付款時要深呼吸呢

就當是獎勵自己十月懷胎的禮物吧

我的修身之路--WEEK 6 漢方腹部穴位外敷温經通脈美腹療程

心如bb最近喜歡擺這個姿勢

但 end pose卻是...兩隻手一齊放入口

生完頭三個月不適宜在腹部做任何機理療程，但仍可以做養生保養，因腹部有好多婦科相關穴位，做下保養，瞓得好，氣息自然好，人都會靚啲

今次在淨意坊做了--漢方腹部穴位外敷溫經通脈美腹療程

呢個療程用了漢灸儀按摩的，暖暖的好舒服

最後的一個step用了一些中草藥貼在肚臍附近的穴位，貼完就可以直接回家，等藥力慢慢吸叫，沖涼時可以洗走

看起來像老泥丸，聞起來是中藥味的，感覺好像做天灸，Carmen說這個比較温和，幾乎所有人都適合

做完回家晚上睡得很好，連老公返左工都唔知，哈哈

個人望落精左好多啊！素顔無有怕啦

至於下半身，仍要努力，不過feel到大脾一舊舊的蜂窩組織收細了，好開心！

有圖有真相，做了一個月 treatment ，精神上和身型上原來有幾明顯的改善！

身為全職奶媽，無時間亦無本錢去行街shopping，唯有依賴團購網一解我的敗家+試新嘢的慾望

最近試呢幾樣，都可以comment下

The history of whoo--秘貼

晚上用，不會太潤，但晚上開一整晚冷氣第二天早上塊面都幾軟熟，一包可以用兩次

Thw histroy of whoo--all in one cream

打開包裝，黃色油膏狀物體，以為會好油，但原來好易吸收，滋潤度比秘貼高，鎖水能力亦較高

The histroy of whoo--真該潤防曬霜

真係好夠潤，秋冬用來妝前打底應該不錯，用完會有少少油光，要上碎粉

The histroy of whoo--奢華 BB cream

太白，太潤，有幼細閃粉，塗後光澤感自然，但有點難推開，個人認為不適用於香港天氣

Fancl的晚安面膜，之前買東西送的，好好用，保濕和滋潤度都剛剛好，不會痴立立，回購機會好高！

我的修身之路--WEEK 5 海藻矽針

心如bb要爸爸哄才能熟睡，試過爸爸OT心如不斷要啜奶，結果大家無得瞓，都說爸爸和女兒上輩子是情人

哼

今個星期我繼續到淨意坊做treatment

今次除了做大腿爆脂外，還做了近大半年興起的海藻矽針

我一聽到有針，就聯想到微針，我做過微針，也做過仿微針，矽針的原理又是什麼呢？

咁即係，沒有微針的痛楚和風險（流血和細菌感染），但效果比仿微針快和明顯，Carmen話對於多油和毛孔大的人效果最明顯

在做海藻矽針前會先做燕窩精華導入，為皮膚增加水分，加強之後矽針的效果

海藻矽針療程是由一樽粉和一樽精華混合而成，淨意坊的海藻矽針療程每次都會用整瓶的矽針混合物去做，不會偷工減料

將矽針混合物塗在面上的過程既像磨沙也像按摩，將矽針的成分按壓到皮膚裡，有點吉吉地，但不難受，比微針好得多

矽針在面上停留一會就會抹掉，之後用Jet Spay 去降紅，涼涼的，紓緩效果很好，就連我一掂就紅的膚質做完都無點紅！呢個步驟原來好重要！

最後，照住綠光去敷蠶絲面膜，綠光可以抗敏紓緩，面膜精華好多，做完矽針，敷mask會非常吸收

做完後，皮膚不再油光滿面，黑頭毛孔也變得不明顯

下顎線條仲firm左好多

這個療程還包五塊蠶絲面膜，回家繼續補充營養，不用怕回家用錯東西

頭一兩日皮膚底層污垢浮出，我忍唔住吱出黎搞到紅左但明顯見到皮膚明亮了，毛孔收細了，最驚喜是暗粒不見了！

之前腫腫地的面頰都收細了不少

做完矽針皮膚會比平時乾，搽嘢和面膜都會好吸收

剛好可以試真d上個月NOOS beauty box裡的精華--bicelle cell repair essence

有SCA40，幫助收復，一枝4ml，剛好用到一星期

質地比ENDOCARE的玻璃精華易吸收，儲存也比較容易

是值得回購的産品，醫美療程後用非常好

只用這個不夠潤，之前買了THE HISTROY OF WHOO的還幼面霜sample

$26一粒，大概用到三次，頗滋潤，開冷氣的晚上用就very good，第二天皮膚手感變得軟滑，膚色仲均勻左！真係貴得有道理！貨size要幾千蚊，買sample 比較化算

用後感--SNAIL WHITE 面膜紙

這個面膜紙是在GLAMABOX裡的，SNAIL WHITE是泰國品牌，呢排skincare界除了日韓台外，還吹了一股泰風，它家的蝸牛霜好出名，今次有同系列的面膜，可以試下

面膜的紙質都幾硬，上面不夠貼服，但精華是很不錯的，滋潤度適中，無特殊氣味，不用過水

其實剪裁都ok，不過真的不夠貼服，而且敷完後精華都留在紙上(~_~;)而塊面是乾的

有點恨鐵不成鋼的感覺

我的修身之路--week 4

黎到第四個星期

今個星期繼續到SENSE OF PURE 淨意坊做treatment

本小姐在大學時期就開始有自費出去做保養，大大小小的美容院都去過，當中亦試過一些不快經驗，也有一些經驗是很好的，淨意坊算是後者

不會hardsell，只會以優質的服務去留住客人

今次同樣地用咖啡綠泥做背部磨沙，配合按摩和steam，幫助消除疲勞和去水腫

之後就做超聲波爆脂負壓力纖瘦美腳療程

一個treatemt做三種機，超聲波，負壓，RM

頭二者感覺較大，過程中你會知道「做緊嘢」，而RM，是一種生物電流，我之前做過沒什麼感覺，當和Carmen反映時，Carmen指出RM能幫助肌肉運動，無感覺唔代表無用架，我即時諗起「潤物細無聲」呢句說話

今次治療師用多d時間我的call機位肥肉去做，返到屋企洗白白時摸到call 機位收細，令我不禁在浴室歡呼

開心屎我了

呢排我常常都感到頭痕，難道是産後脫髮的先兆？

本小姐髮量本來不多，但近年我已不用開架的洗護産品，髮質有所改善，加上找對了髮型師，頭毛都沒有以前那麼稀疏扁榻，懷孕期間可能因為荷爾蒙轉變的關係，髮量有增加，我相信是心如bb給我的禮物

我當然不想此情此境成追憶，要諗計搞搞佢

之前在youtube見過羽翹介紹過家居head spa，對complex 5有好高評價

在sasa買$4xx，內裡有 bar code入會，好像只有行貨才有的

開口是尖咀的，滴在頭皮上非常方便

滴在頭皮上，加以按摩，20分鐘後照常洗頭，洗感非常清爽，感覺頭皮好似識呼吸仲會有一陣陣citus清香

我一星期用兩次，用了五次，感覺良好

推薦給各位有脫髮問題的媽媽

哺乳媽媽的用品推介--MAMAWAY

心如而家2個半大，蓮藕手都初具規模，人奶真係好處多多，方便，衛生，而且易吸收

因為喂人奶要拿高件衫，走光事少，打出個肚腩冷親事大啦，我坐月時就係因為咁試過肚痛

所以呢，喂人奶除左一般人話要準備奶泵奶樽之類外，哺乳衣和乳墊都是必需的

產前已經有留意相關產品，也買了一些布乳墊，但哺乳衣在香港似乎未成氣候，又貴又唔靚

到心如BB要餵人奶，就覺得哺乳衣好有用，而且布乳墊也有個大缺點，就是會漏奶，而且會冼唔切

但生左BB要出街唔係咁易，上網睇有詳細資料就買得安心又放心啦

上網搜尋「哺乳衣」就見到MAMAWAY

http://www.mamaway.com.tw

MAMAWAY 是台灣牌子，主要賣孕媽媽和人奶媽媽的東東

老實說，本小姐真係有相逢恨晚的感覺，因為身高的關係，我整個孕期都買唔到褲，連LEGGING 都買唔到，但呢度就大把，

MAMAWAY 主打歐美style，對於我呢類高頭大馬的媽媽就最啱啦，夠大又夠長

不時都會有折扣，折完的價錢都很reasonable，但質量是很好的，沒有線頭，不脫色，對bb刺激性非常低

我曾經在淘寶買衫中伏n次，但mamaway卻一次都無出事，值得一讚

另外乳墊我很推介，平過吉之島，平均一個不用一蚊雞，衛生點一日換三次都不肉痛

買滿2000台幣就免郵費，我仲試過今日下單第二日早上就收到貨，非常effective

推介給各位孕媽媽和哺乳媽媽

我的修身之路-- week 3

早幾日我們帶心如bb去朋友新開張的studio 玩

心如bb非常合作，不過呢排我的皮膚就唔多合作了，

秋風起，皮膚好乾，但又出油，搞到起左好多「難」，有時仲會又痕又紅，額頭是重災區，好難受

於是，密密用domohorn wrinkle的保濕液，

Domohorn wrinkle 提倡恢復肌膚的「肌本力」，即是打好底子，原理就是皮膚本身健康，有咩事都好快好返，治標又治本

呢枝係我用過最正的補濕精華，呢枝係半量裝，正裝$500有100ml，除開比bicelle仲抵用，可能年紀漸長，我曾經不能沒有bicelle的b5 gel，但秋冬的話b5gel已經不能滿足我

Domohorn Wrinkle呢枝補濕液我通常會分兩次印上面，會吸收得好過一次過上面架！！

DW的東西我由婚前就開始用，雖然有時會用其它産品，但到現在皮膚有不穩定時用總會有很好的效果，非常推介給那些抽不出時間做FACIAL 的女生，只要用來做日常保養，效果不比手做FACIAL 差，而且成分很令人安心

用完呢枝就解決了乾到出油的問題，

然後我就會用Absolute Care的SOS treatment cream

呢枝簡直是我的抗敏神器，最重要呢枝cream係無藥性架，我通常用返一兩次就可以好返曬

抗敏的東西不需要常用，但一定要有一枝位傍身

為左加強效果，我今個星期去淨意坊

淨意坊的裝潢走田園風，房間也非常整齊企理，屬於很受女生喜愛的風格

Carmen 介紹我做綠魚子光療完美緊膚護理

一直覺得「魚子」呢種成份是熟齡肌的專利，但原來綠魚子是沖繩的海葡萄，是海藻的一種，有很好的排毒美顔效果

這個treatment還會以磁鍉針做按摩和導入

磁鍉針的磁性能幫助帶走面上的廢物，按摩面部肌肉，對排水腫瘦面效果好顯著

其實每次treatment都有按背的環節，除了可消除疲勞外，可以促進血液循環，加強療程效果

今次我就做了個綠泥咖啡療程

用咖啡綠泥按背後整個人輕鬆了，寒背的問題得到解決，對我來說是意外收穫

按完背再轉身做facial，不得不讚淨意坊每位員工的手勢都好好，針清都不會死咪爛咪，不會把你的臉蛋紅到一達達

磁鍉金按摩是有「冤冤地」的感覺，不過按完就見到效果

有圖有真相，做完塊面好明顯有提升！！

除了面部外，今次亦針對我的肥美大脾做了個爆脂療程

呢個療程我第二次做，爆脂儀是用超聲波原理打散脂肪，脂肪從尿液中排走，做的時候會有小小耳鳴

另外，負壓修型感覺有點似走罐但不會令你起沙，有促進淋巴循環的效果

至於RM機就有少少吉吉地，是以生物電流原理模擬做運動，促進燃燒脂肪

一個療程中做三個機，做完兩次後著貼身褲感覺上鬆了一點，而腿部的腫脹感覺亦有減輕

做TREATMENT見到效果是會令人更期待下一次

下次我再同大家分享我的修身之路啦^_^

我修身之路 --WEEK 2

今個星期心如BB兩個月啦

我的體重都降到77kg...都仲係好驚人的數字，但我是一個身高176cm的女生，嫁人時體重60kg，孕前65kg，心如出世前85kg...

不過我並無節食，因為我還是個全埋身的人奶媽，所以真的急不來

好多人以為産婦坐完月就完全恢復，但其實唔係架，大肚都要十個月，頭三個月仲要又嘔又剩，要完全去返孕前狀態起碼都要幾個月啦

我一向都中央肥胖，生完到依家個肚仲係三四個月咁大，顯得同個胸一樣大，之前用過含有ppc的減肥膏效果唔錯但略嫌太痴立立，喂奶時high 到心如bb就唔好啦

係FB見到萬寧都有PPC的産品，即刻買返黎試啦

呢枝$280/50ml，搽肚腩用一泵就夠，延展性都幾高，我通常沖涼後按一泵多少少，在腰間按摩一分鐘，好快就feel 到熱辣辣，用左一星期個肚都無咁水腫，有返小小線條

而因為呢枝油用左會熱辣辣的關係，我通常用將手上剩返的小小油份抹上肩頸位，可以紓緩返喂奶時低頭望bb的不適，會好瞓好多架

生左bb之後，我發覺自己體力仲未恢復，好易攰，有時候買餸拎多小小返到屋企都要抖返一陣，我相信要長時間去調理先得

上星期我去淨意坊睇下有咩treatmemt 適合我做

鐘意去淨意坊因為地點方便，環境舒適，而且不hardsell，只會向你介紹你需要的，治療師不會在療程期間non stop地和客人聊天，使人得到真正放鬆

老闆娘Carmen point out左一個事實：要氣血和循環有改善先可以事半功倍

生完bb，除左虛耗好大之外，要照顧bb，休息的時間和質素都不足，於是今次Carmen 建議我做以下三個療程

第一個療程係針對肚的

哇原來肚的treatment都有咁多個 steps！

對女性來說，肚呢個部位有好多和婦科有關的穴位，只要加以調理，個人健康就自然氣息好，個人精神望落都靚d！

當中漢炙儀按摩暖暖的，好舒服，做完之後個肚少左好多脹脹的感覺

第二個療程是針對腿部的

呢個療程係儀器配合人手，有效得來又舒服，餵奶時我常常要長時間維持一個姿勢去坐，但bb有一定重量其實我就算坐住全身都用力，對腳，尤其小腿肌肉長期處於繃緊狀態，療程期間淋巴位感覺較大，治療師都會遷就我，不會夾硬來，值得一讚

雖說no pain no gain，但對我來說，做treament需要以舒適為大前提，這一點淨意坊絕對做得到

最後，治療師用呢個咖啡綠泥磨砂幫我做背部磨砂按摩和用蒸氣幫助成分吸收

過程舒服，而且感覺個人輕左，企都企得直d

之前都有去別處join過按摩療程，按摩時的確舒服，但第二朝就會打回原形，

但今次做完後，睡眠質素明顯改善，而且整個人奄悶無精神的問題好了一半，效果都keep到一個星期架！

所以呢，收身唔止收個body shape，整個人的狀態得到恢復才是皇道啊！