FTM的home facial 小分享

（BB的皮膚真不是一般的好啊，白裡透紅😍😍😍）

心如四個半月了

開始識大叫，扭計，仲重左好多

四個月的心如朱豬，現在6.03kg了，打針前，好得戚

依家幫佢趴低自己就識抬起頭望住你笑

之前去健康院打針，發燒之餘仲超級嗲

而我呢，

因為抱得佢耐右手由肩胛骨到手腕都冤冤痛，而且怕她半夜發燒，睡得很不好

沒有最殘只有更殘

搞到寫文都無心機

就咁，呢排成個人都腫腫地，其實應該要去揼個骨執返個樣，但湊女幾乎on call36小時

就咁，係屋企做機都要偷偷摸摸，要一氣呵成地做個home facial 是mission impossible

所以最近家居護理都少做機，轉而用一些傳統有效而又不用插電的東東去改善我浮腫，暗沉和黑眼圈的問題

最近在用Fresh Lotus Eye Gel, 質地算於水潤，平時我用gel會覺得太清爽搽等於無搽，這個沒有這個問題，但也不會出油脂粒，滋潤度剛剛好，對付乾紋效果不俗

平時我早晚用一粒綠豆的量，一星期會有兩晚會用一粒黃豆的量，配合上圖的磁鍉針（購自淨意坊）按摩眼框，力度要有少少冤就arm ，期間會feel到有cake 住cake 住的感覺，會係果啲位重點按摩，對眼睛疲勞，黑眼圈和眼腫都好有效

用磁鍉針按摩對減輕偏頭痛好有幫助，方法亦好簡單——邊度痛碌邊度

我通常會先用磁鍉針做頭皮按摩，放鬆頭皮之後先會開始home facial

碌完會順便敷個eye mask，

呢個啫喱粉皮狀眼膜去眼腫很好

至於面部水腫呢，我會用

Fancl Q10 精華打底，呢枝精華呈乳液狀，質地頗滋潤,我會搽埋頸，希望可以消滅頸紋啦

之後用HABA 的美白美肌精油做底油，呢枝和原版透明果枝相比會比較清爽，但皮膚作敏感時用沒有美白功能那枝會比較好

呢枝油有幾個用途

1.將兩滴油混和面霜用，滋潤感和滲透度都有增加

2.用完精華後將幾滴油在掌心搓熱後印上面，減紋效果不俗

3.用10滴左右塗在面和頸上做按摩/刮沙

有關刮沙的方法可以參考下日本美魔女水谷雅子的方法

http://blog.sina.cn/dpool/blog/s/blog_639fcbe00102dw18.html

刮沙板在街邊有，用在面上的話用魚狀板或我手上這種月牙狀的會比較好，刮的力道要有小小痛但可接受就可以

相比起按摩，刮沙的效果比較明顯，我常常一邊抱住心如餵奶另一隻手就刮刮刮，非常方便，如果心如扭計隨時停低都無問題，一拎起就可以用

如果心如瞓著就可以敷面膜，刮完沙皮膚的吸收能力好高的

推介給大家^_^