【花嫁‧心情】情比金堅？

話說，前陣子我找到了我的嫁衣

多謝友人把我畫得這麼可愛
http://jacso.hk/mookmook/59146/2012/04/18/388273

早前看了幾集《盛女》
有位Participant是所謂的「三高」
心中對伴侶有成張清單的要求
要靚仔有錢後生有事業夠專一情投意合....

哇
係咪劉德華啊

某日聽到卓韻芝說了句「依家心目中有咁多標準，到時咪又係一個頭中埋去，其它野你根本唔會理」

所以呢，只能說，你那位Mr Right還未出現嘛

急不來的

也不是說嫁得出就好的

話扯遠了



小時候參加婚禮，覺得新人幸福又甜蜜

沒想到這樣笑著一整天，嘴巴到底會不會僵掉

也沒想到呢...結完婚又點呢？？

給女孩一個家，叫做嫁？？？

嫁左人，咪就係要兩個人一手一腳經營一個家囉

在家裡，我是公主，有限度的家務，間房亂有人幫我執，收工返到屋企有飯食

嫁人了，即使丈夫求婚時說過「以後我煮飯洗衫抹地」

你忍心讓他一個人做嗎？

當然，只要兩夥心是一起的

食粥食飯也甘之如飴。


《非誠勿擾2》中舒淇問葛優：「你能永遠愛我嗎？」

葛優說：「我不能騙你，不能。」

很氣人的說話，卻很真實

因為愛就是很虛無的東西，

對的地方，對的時間，對的人
就這樣

金三順的男人說一句：「那個渾身散發甜味的女生，我愛過，但我的愛只能到這裡了」
旁人看，夠灑脫，夠帥氣，卻足夠令金三順哭得像瘋婆子

愛如無別的東西維系
「只能到這裡了」

結婚呢？

不知道哪來的標準，一定是夢幻的，甜蜜的呢

美麗背後的血汗金錢時間，足夠把人累壞了

燒完銀紙都仲一齊

呢d咪就係情比金堅囉

講完

我愛用的護膚品2012（卸妝潔面篇）

兩年前，在我剛開始寫和扮靚有關的文章時，曾經出過影音文介紹過本小姐日常的愛用品
究竟兩年後，本小對護膚品的要求有無轉變呢！？

答案一定有！別人都說25歲後女生膚質會開始走下坡了
雖然覺得黯然但還是要面對現實的

皮膚變乾，眼紋加深
眼旁兩粒礙眼的斑斑都加深了
可幸的是因為有打面毛和做微針毛孔問題持續改善中
因為想減輕皮膚負擔，比兩年前化少左妝，現在放假幾乎素顏，上班如要見人才會化全妝

以質感來說，本小姐現在用的東西要比兩年前保濕和滋潤
而且本小姐自從有DIY
skin care開始，對護膚品的成份也有點認知，買東西之前也會一其然看一下成份
然而，兩年前在用的東東有一部分本小姐仍然有在用的，真金不怕紅爐火嘛

是時候做個review啦

卸妝潔面類

1.
Muji 卸妝油
心水清的blogger也許會問，本小姐你又話自己整好好用ge？係啊，真係好好用架！但唔試新野點update最新資訊呢！而且DIY一次不能整太多，懶懶地好多次都係用返街外野啦！
Muji的東西永遠都比到我「用得安心」的感覺，
呢個卸妝油，抵用，落得乾淨，過水後唔會太乾，如果皮膚狀態良好/化全妝時會用到佢
點解話皮膚狀態良好先用呢？因為經驗話我知狀態不佳仲用油落妝會死多幾錢重呀！

回購度：60%，因為大大枝有排用，而且本小姐會化全妝的日子不多，但總要有枝看門口

2.
Curel cleaning gel
呢個gel推開是油狀的，唔會流黎流去
卸妝力比Muji稍弱，睫毛液要比多少少時間去溶化，過水會比Muji乾淨d，唔會有層油，但都唔會乾
如皮膚狀態一般但有化全妝會用佢，因唔會生粒粒

回購度：80%，一枝都用得幾快架！性價比高的品牌

3.
premeidical卸妝液
落底妝唇妝非常乾淨，但卸眼妝不夠力
如用了bb cream會先用它再洗面

回購度：30%，好用但價位偏高
4.
Bioderma紅水
用過三大枝，卸妝水中用過呢個牌子無再轉，都是買水貨，行貨依家都平左lu
若皮膚狀態不佳或夜歸會用它落妝+潔面
方便而且刺激度低
皮膚科醫生都用這個的
但我用完會過水，避免有殘留。

回購度: 100%，本小姐會間歇性爛面，這個要常備看門口

5.
Neostrata facial cleanser
三年前到依家已經第五枝啦！現在萬寧有售了，不過本小姐還是買水貨177ml的，價錢實惠點，
本小姐現在擺脫豆豆肌，它實在功不可沒呢！
現在我只會在敷mask前和爛面時用，它有去溫和去角質效果，但常用面皮會變薄

回購度：100%必需常備看門口


6.
Eminence檸檬洗面奶
潔力溫和，而且有去黃效果，用了它膚色均勻了，素顏都無問題，打完面毛用都唔怕敏感！讚！已經用完一枝了，忘了拍遺照

回購度：70%，雖然好好用，但好貴呢，就算join團購都要$3XX/250
ml，大約用兩個半月，不過暫時未找到代替品

7.
Muji潔面乳
細細枝，旅行用的，用少少就多多泡，但略嫌太乾，但用完muji卸妝油再用佢就ok

回購度：0%，因為存貨太多，而且美容師叫我不要用起泡的潔面品


8.
Decleor cleansing milk
買了salon裝，不過洗面奶的用量蠻多的，KO不是問題，感覺良好，性價比高，落妝潔面，悉隨專便

回購度： 50%，咁大枝，用曬先算啦！

呼，暫時寫住咁多先，下次再講其它

我畢業了

這些天，放假都在為婚事奔波

忘了告訴大家，上年年底，我終於畢業了

四年學士，三年碩士，Professor Mon都陪住我呢！！！

 

媽媽說，這個髮型看上去年輕十歲

年輕十年的髮型+畢業袍=神童？

哇哈哈

豬先生一句：「影樓mood啦唔該」，收到！即刻化身「城市驚喜」mode!!!

 

講都無人信，我在HKU裡是會迷路的

 

 

 

豬先生一句：「做靚模啦」我又靚模上身，哈哈，

 

 

「影完未啊，笑到硬曬啦」

 

 

 

呼，剛脫離學生身份，馬上做大人了

 

呵呵

看回幾個月前的照片，我確信，結完婚（或者未結婚己經忍唔住）會找Porky剪頭毛啦

 

這個髮型本小姐真的好喜歡呢！！！

[花嫁•心情]嚇死人咩2

又放假了
這幾個月的假期放得零散，好多人以為我成日放假呢

大抵我實在對婚事太緊張，最近的夢都和婚嫁有關

昨晚的夢…
一朝早擘大眼
咦，今日約左去影pre wedding 啊，執野先！
咦？我件girldle呢？滿頭大汗下找到了
準備出門口，望下艾瘋咩天氣…
今日12月6日！！！

身邊的姊妹說，係啊你影完相好去到啦

本小姐:下我未印帖啊！
姊妹:你邊行邊打電話啦！
本小姐:我未訂回禮物啊！
姊妹:陣間經過時訂啦！

結果，行了好幾家店，都找不到合心水的禮物

然後，打電話給賓客，不是電話不通就黎唔到！！！

之後不斷問姊妹，點算啊，點算啊…

嚇死人咩

【花嫁‧心晴】嚇死人咩

早兩日，發了個夢，直接把我嚇醒

 

夢見自己參加朋友的婚禮，看見化妝師把朋友仔妝得美美的，就二話不說妝都無試就book左朋友的化妝師。

 

然後，鏡頭一轉，到我結婚果日…

朋友仔結婚那天book了的化妝師到吉時都未出現，我等到標冷汗

然後，Shirley老師（現實中我book了的MUA拿了兩件頭的紅色衫裙過來

本小姐：

咦？你做咩黎左ge? (完全忘記年頭已經找好化妝師)你做咩帶件咁ge野黎呀？

Shirley 老師:係呀，你快啲換左佢啦，就夠鐘，要快啦


本小姐:哦…我有褂架…咦…我之前果日無拎到…

之後我大聲叫我的姊妹幫我拎褂，我啲姊妹回應:咁早未開門啊！

就咁，標冷汗之後就醒左啦

真係，嚇死人鳥

明明呢兩樣都搞掂啦嘛

護膚新習慣--用洗面奶洗面啦

 

本小姐最近Keep住做facial，之前用錯潔面品搞到皮膚敏感，美容師叫我轉用洗面奶，因洗面奶的成份在洗面產品中成份最簡單，敏感皮膚用就最好啦

本小姐諗諗下都好有道理，做facial的地方不都是用洗面奶的嗎？

本小姐常去的美容院是用Eminence的東東（有留意袁小姐的店的話應該知道Eminence的東東好正啦！）

於是入手了一枝洗面奶

($470/250ml)，是我用過最貴的潔面產品啦！肉痛>.<

乾手乾面打圈過水…咦，洗極都好似有層油咁ge?

問過美容師，原來要用洗面樸抹先乾淨ga……

yeah!又學多樣野啦

用洗面樸抹完再過下水，好清爽又不會乾

這個Lemon Cleanser有好freah的檸檬味，早上用就very good啦，

本小姐第一次用洗面奶產品，感覺非常良好啦！

唯一缺點是價格偏高啦！

即使本小姐現在可以85折去買都要差不多$400啦！

洗面奶可以用來卸妝，不過洗面奶本來用量就比起泡產品多，再落妝的話好快就被我KO啦

 

所以呢，本小姐就要著手找代替品啦！

之前本小姐在灣仔太原街口的卓悅看到它！！！

 

 

 

皇天不負有心人，找到了這個，$350/1000ml的salon裝，好抵用啊

相信做過facial 的sis對這個主打香薰美容

最勁係平時連用油都落唔曬的clinique睫毛液（溫水可卸但油就落唔到=.=），呢枝都可以搞得掂啊

而且好香呢！

有blogger話decleor無出salon size，但我用過decleor的sample size，氣味是一樣的

而且「起碼我用得很舒服」

 

好啦！等我做返個大比拼先！

	Eminence	Decleor
價錢	$470/250ml	$350/1000ml
氣味	好醒神的citus味	好舒緩的花香味
洗感	偏向清爽	偏向保濕（有屬保濕膜）
卸妝力	一般 （不能卸眼線睫毛液）	強 （可輕鬆卸眼妝）

 

對我來說，Eminence的缺點只有一個（貴！）而decleor可以一物二用（卸妝+潔面）而且價錢實惠

 

大家可以按需要和預算選擇啊！

【花嫁】姊妹淘Art Jam gathering

 

前兩天和我的姊妹團去Art Vacation 畫畫

和之前一樣，上去之前無諗過要畫咩，但一看到這個就有「係你啦！」的感覺

（邊個係你邊個係我？）

很溫馨的感覺，打算把這個放在飯廳了

 

反正結了婚的人的樣子總會和另一半有點相似的

夫妻相啊夫妻相

嘻

 

 

起初很怕會好難畫，有隱性斜視的我立體感很弱，而這幅畫以粉紅色做主色，光暗的對比是整幅畫的關鍵

經過校長比意見後對整幅畫的畫法有概念就動筆了

今次畫得不錯吧！嘻

看看朋友的作品

 

很寧靜

 

好得意…

 

好sweet

 

好hopeful

 

好迷幻

 

黃校長知道今日係姊妹團聚會，仲開左枝酒比我地飲啊！！！

好開心的一晚呢！！！

\

 

各位如果有興趣上去畫畫，話係「本小姐」介紹，會有九折架！！！

 

就這樣

【花嫁‧心情】我是早婚嗎？

題外話：總覺得女生總會有不同程度的公主病，我也不例外

 

從小看過的童話故事結局都是：從此公主與王子就幸福又快樂地生活下去了。

 

Snow White到Sleep Beauty到小魚仙，還有青蛙王子

 

說穿了，都是愛情故事

 

而我，從小的志願……就是做個幸福的女人

呵呵

【花嫁‧進度--本小姐大變身了】

今個星期搞掂多兩樣野

租褂：用婚展價去租一件五福褂，唔知點先為之好，不過淨係喜歡金銀線，唔想太多紅色底但又唔想著褂皇

結果就試左呢件五褔褂啦

 

因為唔夠長，要加錢整條lace駁長佢>.<

結果$1260搞掂算啦

 

對於褂呢我要求不高

 

另一樣呢，就係big day新娘妝啦

好耐之前已經打算搵Shirley老師化架啦

之前做過Shirley的化妝model，見識過佢化妝set頭又快又靚

我覺得Big Day化妝真係要夠快先得啊！我唔想匿係新娘房出唔到黎招呼賓客架嘛！！！

因為Shirley已經是老師級啦，所以都有少少out budget架（我budget係$5000左右）

但媽咪同我講：化妝唔好慳啦！呢日好重要架，如果睇arm貴少少都唔緊要啦！

 

哇！呢句說話竟然出自我媽媽口中啊！！我媽媽出名慳儉架！！

 

就咁，決定搵Shirley老師啦，唯有係其它地方拉上補下啦！

 

大家有興趣的話可以去Anderson Workshop 睇下架！

好啦，俾大家睇下妝前妝後相啦

素顏，果日做完facial個頭都未吹就去啦

可能會引起大家情緒不安架…

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

睇真人好濃咁，入鏡後好似正常返d，哈哈！

就這樣。

My Lux box march2012-驚喜！大躍進！

話說本小姐在十一月開始就開始訂購my lux box和glamabox , 曾經說過會出文比較一下兩者的分別

幾個月過去了^_^本小姐好懶呢，與其逐個月去睇，不如做過小總結先啦！

My lux box 的東西大部份來自大公司名牌子，或者在Joyce beauty 有售的牌子，以貨裝計價格較高，感覺上比較化算，但盒子裡的東西size較細，有時細到未能試真，例如收過5ml的body lotion,

Glamabox 的東西大部份在莎莎或屈人寺或萬寧會見到，亦會有專櫃牌子，以貨裝計算沒有lux box那麼貴，但大部份貨品容量足以俾你試真，有時亦會有貨裝product

總括而言，兩個盒子都各有特色，我諗我會繼續訂曬兩個啦！

今次lux box 的東西第一次沒有出現雞肋，真係太好了

剛敷這個mask, 實在太貼面，真係正到爆！

敷完真係feel到飲飽水！

潤唇膏和aqua gel 想試很久了

另外benefit 的粉底唔啱色仲可以拎去換啊！太好了！

可可晚霜好似好正，好想試，不過我廿幾年來都不吃朱古力都係無謂揾自己黎搞

之但係，腿部精華和胸部精華未免太細枝了...如果多一倍可能會好啲啊

就這樣，太開心了