〔用後感〕INUF CREAM MASK: Geisha Whitening

呢篇其實好耐之前已經想出，不過忘記左
正所謂，生一個傻三年

INUF= I Never Use Foundation 大約一年前本小姐係FB知道呢個品牌的
http://www.inufskincare.com/

是香港品牌，走high-end路線（個人認為，定價唔算親民）

一直都好想入手，但之前只可以上網買（不包運費）或者要過海（本小姐是港島人），所以一直得個睇字

依家係金鐘廊開左counter，實在太方便放血啦

之前仲有很八達通嘟機買trial pack，幾十蚊買一包試下
CREAM MASK: Geisha Whitening



呢個Cream Mask主打美白的，倒出來是咁的
主要成份：有機仙人掌萃取物，圓葉當歸提取物，清酒酵素，蘆薈精華，青瓜精華，透明質酸，維他命E

所有成份都不刺激，敏感皮膚都無問題（本小姐係易紅的皮膚）

 

因為已經倒左出黎，就撈勻照敷上面啦，不過係撈唔勻的
一包的份量只足夠敷一次，係唔夠敷埋頸的，如果份量多返少少就好lu，我prefer敷埋頸，唔會兩截色嘛

敷20分鐘後洗走，確實係白左，而且唔乾，效果keep 到三日左右
不過因為唔夠搽埋頸，所以成日型住條頸好黑，哈哈

但佢倒出黎個樣真係令我難以忘懷，於是第二日就去FB留言問啦
得到的答案係：佢地無加到對皮膚有害的乳化劑，所以有少少水油分離但不會影響使用

本小姐護膚資歷都超過十年，亦曾經有段日子自己DIY護膚品，絕對明白市售的護膚品有幾咁多係無效什至有害

有d香料表面上令人覺得感覺良好，但其實致敏；有d乳化劑or增稠劑令到產品睇落濃郁d，但對效果係無作用；防腐劑更加唔係可以隨便用

而INUF堅持唔會用對皮膚唔好的成份，個人應為真係無咩牌子可以做得到

$350有10包，有效果，唔貴亦唔平（廢話）
都係果句
平但無用 VS 少少貴但有用，我會揀後者

柚子蜜吐司

面包機欄目好耐沒有出現過了
不過家中面包機一直都有在用，平均一星期用一次
只不過教識工人用就好少自己整了
有家傭的各位是否有同感？家中的傭人好像霸左你個廚房？而你就唔知d野放係邊？

趁工人姐姐放假，我就用佢黎整包包啦

好中意整呢個包，一來我好中意飲柚子蜜，二來柚子蜜好大jar，用來整包消耗下^^

面粉用阿信屋的，貪佢夠平，整出黎面包夠白，而且細細包，一包整兩次，乾淨衛生

柚子蜜吐司

材料：

高筋粉 250g

椰子油 15g

柚子蜜+水 共170ml

原粒麥片 1 

鹽 4g

酵母 3g

 

出爐的包包升得唔高（高唔過個容器）不過內裡結構良好，夠鬆軟亦有彈性

不過盬好似太多，好咸啊>.<

但食譜教白面包係要4g啊？佢生得唔高可能因為鹽太多啦，下次落少d先！

〔我手寫我心〕負能量與禪繞畫

寫這篇文章時，我的負能量已經有80%離開了，還剩20%，是我今早起床時喉嚨痛+流鼻水+狀態不佳+好怕傳染家人
（我只想   身體健康）

昨天確實生氣了一整天，至於原因，是和另一半相處的生活問題，我不能說是小問題，因為小問題三不五時出現，而且由一起生活已不時出現，也看不到會有改善跡象

婚姻生活就是不斷解決問題吧，一家人相處不會anytime融洽和睦吧

大家都來自截然不同的原生家庭，相處有磨擦也是正常的

BTW學習提升正能量是我畢生要學的課題。

與其要別人令你開心，不如自己學習平靜。

記起之前網上興過一排的禪繞畫，就試下畫下，看看能不能把心靜下來

 

我的畫功和小學生無異，我只想要心靜

心有靜下來嗎？有一點。

和art jam比，畫禪繞畫需要的專注力更多一些，專注在畫上，會忘了時間忘了餓

用來減肥應該幾好（笑）

生活逼得人透不過氣，心雖然靜了，但收工後回家又是打仗一般，我感恩另一半能接受我的情緒化

收工後我想relax下，他一個人照顧囡囡，佢無怨言。

每個月花點錢花點時間做個spa，我覺得絕對需要的。

睡完一覺，又叉足電去打怪獸了

心如被蚊針到變豬頭

工人姐姐A兩年工作期滿回菲律賓探親，心如婆婆家的工人姐姐N自願過來幫忙
心如一向和工人姐姐N friend過打band的，而且姐姐N工作表現一向ok，所以我們都認同這個安排

第一天，我上班前吩咐姐姐帶心如落街要做足防蚊措施（穿長褲、蚊怕水、蚊貼）
當日豬先生不在家，只有心如和工人姐姐在家，我家沒有裝ip cam的，工人姐姐隔幾個鐘就影張相黎，工人N話心如肯食肯訓，只係五點左右有d扭計，
晚上心如不肯被N哄睡，但肯禮貌和N姐姐say nite nite

第二天，豬先生在家，表示心如對工人完全不合作，無論食飯、飲奶、訓覺、沖涼、落街，無一樣和N合作，結果都要爸爸出手。豬先生見心如對姐姐無禮貌，語氣和態度變得比平時強硬。臨睡時心如不肯跟N和發脾氣向爸爸扭抱，爸爸不抱，心如大哭半小時，到最後埋身吃奶睡著。

第三天，心如對姐姐態度有輕微改善，但仍是不合作，肯俾姐姐帶落街。回家後成面蚊難。
晚上回家我問姐姐帶左佢去邊玩？點解會咬得咁勁，佢話「不知道，已經很好了，心如沒有用手抓，我叫她回去她不肯，所以被咬囉」

我著左，一塊面仔有七粒蚊難，仲乜鬼野「已經很好了」？
當然，爸爸亦有疏忽，旨意曬姐，無檢查清楚就俾佢落街
姐姐過來幫忙，是人情，不是道理，雖然我地有俾$的，我都無發作
但做錯野仲賴人，而且自我感覺良好，一直以來不斷捉工人A的缺點，我接受唔到囉
姐姐A從無係我面前講過你大食，什至邊煮邊食，煮白切雞你自己夾走一隻脾一隻翼，家中電器被你弄壞，我媽從未叫你賠錢，每次你說家中有事，我媽二話不話預支人工
姐姐A做清潔和煮飯無你咁叻，呢個我一直都知，但心如出世到依家，so far未試過全身一日之間成十粒蚊難，而今次，你一次過送左俾佢

你可以話我怪獸，個女俾蚊咬下都唔得，但我同你講左要防蚊，你無做，明知佢過幾日去旅行，咬到咁，影相都唔好睇啦！bb唔合作，你唔需要負全責，但我見唔到你有做過d咩去改善呢個情況，BB無判斷能力，佢唔食飯，落街玩唔肯走，你由佢，到出事，你賴落BB度，我見唔到你份責任感

每當心如病了，家中的人又照顧得不好時，第一個念頭就是，不如我唔撈啦
賺得唔多，但照顧唔到個女
我真係好心痛

2016/04空瓶記

四月有2/3時間皮膚敏感，少用新野，不過都有清貨^^

敏感好左七七八八了

敏感了差不多一個月，終於都好左七七八八

講下我點解會敏感先：

遠因--過年前做過矽針，因為磨得太勁皮膚比之前脆弱
（澄清：在家做矽針唔好想話效果好就起勢磨，唔需要的）

近因：一個月前的某日假期我用handybio做導出，順便用HABA white lady做導入，

想美白下
點知，做到半邊面就又痕又紅到一達達
我估係white lady d美白成功比較刺激唔適合咁用
（澄清：white lady是好東西，不過white lady+handybio好像不是好朋友)
anway我全面導入曬，好痕又一達達，於是我就洗左佢（平時導入我唔會洗走），然後敷

Bioderma的抗敏面膜
之後就無乜野
但過左幾日兩邊面有好多粒粒，無膿頭，但會變大發紅痕癢

因為素顏唔見得人，所以係有化妝，落妝用卸妝水，然後用洗面奶洗兩次
去角質就無特別做，因為又痕又紅都係唔好搞咁多野

基本上晚晚都有敷面膜

最近敷面膜都是一層gel/cream mask再加LJ玫瑰toner濕敷，咁樣我覺得會吸收得好d，不星期會用兩次深層清潔mask

最近比較常用的是

ilsci 的景天草淡斑紓緩面膜（就黎用完，下篇review)
sothys 保濕mask

敷完之後d粒粒和紅會退左一半，不過一兩個鐘之後又故態復萌啊OMG....

我有點灰心，同埋個人經驗話我知皮膚敏感最好唔好去做facial，唔可以針清（其實我d粒粒係無野針到）又唔可以按要，咁做咩仲要去做呢
於是，繼續有mask密密敷

skin care我用olecule 的精華

成個月都無起色

當我隻眼開隻眼閉，前幾日我趁心如訓著我就拎返Nu skin Spa機黎玩下

利申：我不是會員，只係好耐之前試過一次，效果幾明顯，於是去入手

Nu skin需要配合佢地出的gel黎用，有pre-treatment gel和treatment gel，每次都用曬一枝，佢咁設計就唔好慳住用啦，除開$60幾蚊一次，唔平但值得，效果絕對不比出去做facial 差

ok....做完spa機導入通常皮膚仲有少少乾，跟手再敷個mask，我通常會敷有firming效果的
今次敷

Guinot lift firming face mask+LJ 玫瑰toner on top 濕敷

15分鐘後洗面搽面

今次搽Excuviance Vespera+ Olecule nu-concentrate+Bicelle B5 cream


第二日望鏡，塊面平滑左好多！

一晚就有效果真係好開心呢！

其實部spa 機買左年幾了，因後來有入手其他機加上我好懶而放埋一邊，一直都覺得有效果但唔係好明顯果隻，要密密做先keep到，同埋個效果係firming方面，可能果時無粒粒問題
今次的效果真係好驚喜，可能我底層皮膚真係好污糟呢！

2016/03 空瓶記

今個月用完一堆東西，不過因為一星期有三晚要去 梵博家 做運動，回到家已經無電了，所以自家拍的產品照就欠奉啦，產品照都在google找回來，不過文字是我真心分享^^

LJ的化妝水，婚後一直在用，因為salon裝，性價比非常高，香味討好，清爽保濕，沒有不愛它的理由，家中還有一枝四月底到期，要每日濕敷爭取在過期前用完

回購度：很值得買，不過已經用了好幾瓶，想試下其他牌子

ILCSI甜紅玫瑰洗面奶
我買淘寶分裝的，別問我怕不怕假貨，我買的那家在微博裡賣就個牌子算是始祖了，好多代購都抄佢COMMENT
價位唔算平，玫瑰味都幾好聞，唔俗得黎有少少lady，用來卸防曬無問題，和我用過的洗面奶有點不同，呢隻打圈按面過水後係爽身的，滋潤感不重，效果算係無功無過
回購度：20%

ILCSI rose petal gel mask

呢個都係用分裝的，我會溝少少蘆薈gel用

之前想入手fresh的玫瑰面膜，但評價有點兩極，結果忍手

呢個分裝，我用完好中意，因為玫瑰味好香，用完好水嫩，又白淨了

就買了個salon size 125ml回家

因為之前分裝沒有成份標籤，salon裝就有了，卻看到好多對皮膚不太好的成份（例如pafum在成份表裡中間的位置，香葉醇會致敏等）

如果以一個salon牌子的話，有呢d成份我覺得正常（不過最好無啦），但身為一個有機牌子，又要另外落香料，我覺得佢畫蛇添足囉

anyway，印象中Eminence 則沒有此等情況出現

回購度：50%本身不排斥添加劑，不過最好不要在太前的位置

Olecule Revivial Serum

用掉一枝sample 就馬上入手，算係果酸類的精華

去粒粒效果明顯，試過下巴生了粒大痘，塗了第二天變小小痘

要晚上用，在眾精華前用，幫皮膚清底

因為近期不想再做果酸或矽針之類療程，用daily product感覺上會比較溫和，皮膚不會太依賴果酸

回購度:100%，已入手30ml

Selveskin Copper Peptide

用掉5枝sample size，好易吸收，我通常是夜晚用

用了一兩個星期會feel到皮膚緊實了一些

五六年前我在BB laboratories買過它家的藍銅原液用來碌微針，效果很好的，不過當年好似要$200/5ml之後無再入手，後來想回購時卻停產了

現在有出藍銅產品的品牌好似不是太多，也不知哪家比較好，無從比較

回購度：90%

Olecule Nu-concentrate

用掉三枝 sample, 質地有d似蜜糖和膠水，是杰身的，b5是保濕，Nu-concentrate便是滋潤，近期成日都覺得乾到出油，但搽多多保濕精華都不夠，油可以鎖水但只停留在表層，總是覺得差了什麼，用了這個就知道之前爭咁d「滋潤」

佢剛上面有點立，好快就吸收到，乾紋都退了一些

回購度：100%，已入手30ml

Dr Athena 水光針面膜

無可否認佢補濕滋潤的效果係幾強

夏天用會覺得太潤

係我呢排又乾又鞋，但又出油爆粒粒的境況下，能令d粒粒clam down，塊面無咁紅

真係幫到手

回購度：100%

最近起敏感

其實都持續了多過兩星期了

今次敏感同之前都有點唔同。之前係面珠位紅，熱，然後搽野會「拿」

今次，顴骨位生了好多好細粒，無膿頭，但又痕痕地的粒粒

有d似我懷孕後期生在頸上的肉粒，唔會傳染，但會越來越多，有礙觀瞻，化妝後d粒粒好似仲明顯左>.<

好擔心啊

呢排連peeling都唔敢做，怕會刺激到

而一日一面膜和一個月KO toner計劃仍然進行中

這兩個星期主要在用以下幾個面膜

（最近心如病了，回家實在無空間拍照，產品相片都來自google，請見諒）

ILSCI 甜紅玫瑰保濕修護面膜

ILSCI景天草紓緩淡斑面膜

SOTHYS 智能水份面膜

EMINENCE 人參果面膜霜

ILSCI和EMINENCE的面膜我都有MIX 蘆薈GEL用，然後再加一粒加了爽膚水的壓縮面膜

敷大約15分鐘

敷完皮膚都算水嫩，會ON TOP 加面霜鎖住效果

不過有時D粒粒敷完仲痕左>.<

日間返到公司就感覺到塊面好乾，猛住猛住咁，但又出油wo...又有乾紋啊

總之就難搞

結果我琴日開左塊Dr Athena水光針面膜來敷

敷足半個鐘，塊mask薄曬，睇黎我真係好乾，full完真係覺得猛緊同乾的感覺無曬，d粒粒都平返好多

呢個mask敷完都好夠潤唔洗再搽野，今朝起身都仲feel到好水潤

其實呢個水光針面膜我今個冬天都用完3盒，跟佢療程用真係崤有改善ge，加上佢性價比和其他水光針面膜相比都算高（阿信屋熱賣價$78/5片）

老實講呢個價位我唔會預佢幫到我依家呢個情況，唔惡化已經好好（呢期純粹想清貨有mask密密敷）

但今次俾到驚喜我

睇黎要補下貨啦

仲有，我想講下Olecule nu-concentrate

我買的是sample size，本來無諗住買，只係湊埋其他野買夠金額免速遞

話說我塊面生左好多粒粒，但塊面又好乾好鞋

我搽完soothing moist和B5+之後就搽佢

佢的質地頗杰身，搽上面有少少好似搽蜜糖咁

滋潤感好重，不過隔幾分鐘就吸收

會feel到皮膚滋潤左好多，額頭的乾紋都淡左

面頰的粒粒都好似有層野保護住，無痕lu

會再買多枝keep住用啊

我仲未好返，今次真係有d cake手啊

遲下會再分享

密密清project--LJ玫瑰爽膚水

這枝應該是我第四、五枝500ml的爽膚水了吧

同一個牌子，salon 裝，幾年來，用掉幾枝，除了因為我好長情，就是因為佢好用得來性價比超高

夠保濕得來不會潤，而且香味淡淡的不誇張

家裡有枝存貨，下個月底到期，我決定日日濕敷，係過期前用曬佢！然後。。。

新目標是kielhs 的金盞花爽膚水^_^

正所謂合久必分，用耐左就想試下其他東東

希望四月底我可以話俾大家知今次成唔成功啦！

〔用後感〕History of Whoo 氣墊粉底

近期氣墊粉底非常Hit, 當然佢有佢賣點

光澤。貼服。方便。易上妝。高防曬。高遮瑕....

最勁就係佢粉餅般的packing但液態的質感

用個粉扑點點下就可以上妝

呢個潮流係韓妝帶起，咁我入手時就由韓國品牌入手啦

呢個氣墊粉底，我係上年夏天購自KC mall的，因為那時間做cushion 粉底 75折...本來我係想買200-300價位左右的入手玩下，當下目標是Hera/IOPE，BA姐姐話75折的話，最抵用係Whoo啊
就咁，折完$4XX，有多一個refill （好似大部份品牌都會有refill?）包裝又華麗到飛起（提外話，我是偽貴婦控）就咁就入手lu...

因為是夏天買的，買完就梗係即用啦....

夏天到手後用了一段時間，最後都頂唔順停左>.<

剛上妝時妝感好透亮有光澤，而且遮瑕度都好ok，可以遮到70-80%黑眼圈，但無幾耐我就發現到少少問題

上妝後面上的粉底好耐都未乾--我畫完眉和眼線都未乾透

不控油，化妝後大約一兩個小時就開始出油

兩三個小時 T Zone 開始溶妝，同時粉底開始氧化轉暗

半日下來，上妝後的膚色竟然比我自己原來的膚色暗

個人認為history of whoo 在香港夏天不適合

好啦，趁依家間中仲凍凍地，就摷返出來用，睇下會唔會好啲啦~

Er...無夏天咁慘不忍睹。。。

剛完妝頭兩小時都真係幾靚架

出油的時間都係比平時用粉底快一小時以上，而且會出好多白頭

大約lunch 後都係會氧化變暗

Well，唔通我仲係妹仔命，用唔到貴婦嘢？