（試用文）性價比高的噓噓樂紙尿片

十個月大的心如，見到BB形物體會異常興奮 

由於心如媽媽我身型龐大加上身手不敏捷，從來在BB展我都未拿到過尿片試用T.T 

心如初生時用H牌，因為心如是細粒B，要用零碼片（早產兒的故事，想起淚漣漣），但用感是「藏金量」對初生人奶B餐餐有大大來說有點不足 
後來轉用P牌，白色的甩毛，綠色的和心如的屁股八字不合，爆片爆到變屎撈人是家常便飯 
（H和P的片片我都是在萬寧買的行貨) 

最後轉中碼時轉了日版的M牌，各方面都ok（除了價錢外)一直用到現在，行貨太貴，等樓上舖做promotion時買好幾包放在家，要定期留意各太BB用品小店^^ 
心如吃媽媽奶，慳了不少奶粉錢，但如果尿片都可以慳小小，當然就最好（慳黎買玩具都好嘛）


（仲有玩具玩，多謝曬^^) 

今次收到噓噓樂的片片，之前已經聽聞噓噓樂的性價比高，抵用而且質素一點不輸蝕 好吸引啊，好開心可以試用呢！！

唔講唔知，噓噓樂是來自台灣的^_^

講下噓噓樂的性價比。。。

尺碼	適合	1包備有 (片)	建議零售價
中碼 (M)	6-11kg寶寶	56	$86.2
大碼 (L)	9-14kg寶寶	50	$86
加大碼 (XL)	12-16kg寶寶	44	$90.6
加加大碼 (XXL)	15kg以上寶寶	28	$75

 中碼片$90有找就有56片，比M 牌水貨仲要平30蚊！
正所謂小數怕長計，呢啲消耗品可以慳返啲真係好開心架^_^  

再睇下用家感受^_^

換完片自己係度唱歌，非常陶醉^_^

平時換片要扭令一輪的心如最近換片都乖乖地，用家無投訴，用感應該ok啦！

目測片片不屬厚片類，夏天用應該好舒服，唔怕焗到出粒粒^_^

藍色超快傳導層，迅速分散及吸收尿尿，超薄乾爽 

令我諗起M巾^_^。。。不過心如就算用過夜都無漏片的問題^_^

之但係。。。不論吸濕力如何，到時到候還是要換片的，你也不想BB的靚pat pat 和大小便相處太久吧^_^

值得一提的，大脾位好貼服呢

有圖有真相，大脾位夠大，唔會箍住，但又夠貼服，對無時停的心如是大解放又唔怕漏^_^

心如用了噓噓樂一星期，幾乎每一次換片都好開心，郁來郁去都無移位情況，非常之穩陣^_^

心如呢排中意碌橙。。。仲要同個橙一齊碌。。。哈哈
無時停的BB更加需要舒適又穩陣的片片，當然可以用經濟實惠的價錢做到就very good la^_^
下個月心如要轉size，我可以用平片啦，哇哈哈（灑花。。。）

想登記尿片免費試用的媽媽可以到香港噓噓樂的網頁及Facebook專頁：

http://www.sealer.com.hk/

https://www.facebook.com/sealerhk

令我改觀的gel mask~DERMA MEDREAMCDM 蘆薈防敏降紅水份凝膠膜

呢個mask 我keep 住用了三個月，用左都有十包了，本來我對gel mask 的感覺麻麻，以為只係𡃁妹先啱用，我呢啲dry 爆中女係敷黎扮後生嘅，初時只係買左一包試下，點知一試愛上^_^

佢係gel 狀但唔會敷完無嘢咁，敷完摸塊面係會柔軟左，但唔會好似cream mask 咁有層膜

佢敷上面會涼涼地，唔係薄荷果種涼，係好似退熱貼果種^_^

今個星期轉季關係我塊面又乾又紅又喪出油，我即刻拎出黎敷15分鐘，洗完面見到毛孔細左，紅退左八成，仲少左出油^_^

有人話皮膚太乾用會feel 到吉吉地，我又無呢個feel

一包可以用到三四次，可以用美容儀做導入，用完擰返實個蓋，放入雪櫃下次用，乾淨又衛生^_^

唔好太慳住用，分四次用係剛剛好，可以敷埋頸^_^

新張期內，優惠價發售^_^

查詢或購買請what's app 98387525

 功效：

防敏丶降紅、暗瘡、消炎、收縮毛孔、修復

 成份：CDM降敏復合物，尤加利萃取液，蘆薈膠，金縷梅萃取液，紅沒藥醇，維生素B5

 CDM降每複合物：迅速舒緩敏感肌膚，並有效殺死暗瘡真菌及面包，特別適合暗瘡及油性肌膚使用。

 尤加利萃取液：天然抗菌丶消炎丶治療青春痘丶改善毛孔阻塞，促進血液循環。

 蘆薈膠:舒緩鎮靜肌膚紅腫乾裂，修復受損的皮膚，收斂，調和皮膚，滋養皮膚和保護皮膚的功效。 

金縷梅萃取液：舒緩，收斂，抗菌的效果，對於青春期少年或出油狀況較嚴重的皮膚及毛孔粗大或油性肌膚特別見效。

 紅沒藥醇：舒緩紅腫丶敏感，修護細胞，減退暗瘡印。

維生素B5：加速傷口痊癒，促進細胞的生長，具備良好保濕功效。

用法：清潔面部後，取一包CDM蘆薈防敏降紅水份凝膠膜，均勻塗於面上待15-20分鐘或配合按摩手法輕輕打圈，待吸收後，用清水洗浄便可。

#醫美適用 #蘆薈 #防敏 #降紅 #b5 #水份 #保濕 #凝膠膜 #任何膚質就適用 #dermamedream #防敏 #降紅 #暗瘡 #消炎 #收縮毛孔 #修復

小店開張，請多多指教^^

是咁的。

將自己定位成一個blogger已經第六年，拍拖結婚生仔都已經歷過了

曾經在網絡中相遇相知的友人，有些已經因工作和家庭已好少出現
有些則以此為職業，成為當紅blogger，什至有自己的店面

而我呢

好幾次離開又回來。

我不是很會打扮，也不擅交際，拿了試用也是有話直說

久而久之試用不會找上門

文章是隨心更新，收看率也不會高

我不想親朋戚友將我介定為只會食玩扮靚那一類，在社交網站我都好少提到自己的blog

低調的代價，是用心寫的文章點閱率不高

在茫茫網海中我只是一粒微塵。

現在，我又回來了。

不打算大肆鋪張，不過還是要說一下

我在instagram裡開了一間小店
賣的是一些有關美容、健康、BB用品這一類的小物
寫了這些年的blog，大部分都是自費文，遇到好用的東西，總想和大家分享，使大家用合理的價錢，買到合適的東東
店裡所有東西，都是我和家人用過，覺得是好物才入的

小店的名字就叫
emily_s_store

大家有空可以來看看^^

好物推介～紫錐花精華

話說過年後的某一天晚上，心如突然發燒，到早上都未退燒，而且還非常扭計

去了趟醫院，第二日狀態反而嚴重左-_-#

無他，醫院病菌實在多

心如雖然是飲媽媽奶，但終究不能一個打十個

而且嬰兒從母體帶來的抵抗力在六個月大時大致上用完

生病時吃不好睡不穩實在心痛死了

情願病的是我

正當心如又鼻塞又扭計時，剛好有位在美國的朋友來香港，話我知紫錐花呢樣東東，話對感冒好有用，而且不是藥，沒有副作用，介紹左呢隻BB適用的紫錐花滴濟俾我

係呢個時候，我就Google 一下，發現紫錐花可以增強免疫力之餘，仲可以減輕感冒徵狀，而且縮短感冒日數！

心諗反正心如食左兩日西藥都未見起色，就試下紫錐花啦

本來我對呢啲草本類東東都無咩期望，覺得對感冒初起時用或者會有用，病緊時用純粹買個安心

見到心如不斷用口呼吸，鼻涕又呻唔出，繼續咁落去連喉嚨都會有事。。。第一日早午晚三次，每次五滴，滴落個口度

味道甜剩地，我試過，似綠寶的味道，心如唔抗拒，仲會主動擘大個口食^_^

第二日心如已經無鼻塞，鼻水都仲有，但已經變成透明稀鼻涕，呻得出，亦都無鼻塞

呢個轉變好dramatical ，總之，連續滴左兩日心如就好返曬，胃口都返曬黎

因為連續幾日照顧心如，係佢好返的時候，就到我病了-_-#

因為人奶媽媽醫生就住開藥，啲藥無料到，仲搞到我好無精神，於是我又拎枝嘢滴下，大人劑量是小朋友一倍，一日三次，每次十滴

上午滴完，下午已經無鼻塞，仲唔會令人眼瞓

非常amazing 

家陣流感高峰期，真係要買枝看門口啊

我最愛的深層清潔面膜～Exuviance Purifying Clay Masque

心如好返好多了，小朋友的復原能力就是快，話咁快又龍精虎猛

為娘看牛的日子來臨了=_=

前陣子我都病了，後來精神康復後照鏡卻發現

黑頭暗粒都好多啊

之前做矽針做到滑一滑的皮膚又打回原形了，oh no

本小姐冬天不常做深層清潔，因為怕乾，不過春天來了，面油黑頭都跟住來

恒常保養要加返深層清潔

之前用過的清潔泥mask有～

詩華美容泥--經濟實惠，涼涼地，夏天用好舒服，有退紅消炎效果，但泥的質地比較粗糙，快乾容易抽乾皮膚水份，油性或暗瘡膚質的人用不錯

Kielh's的白泥--價位ok，皮膚乾時用會有點刺激，用後黑頭數量有減少

The histroy of whoo的清潔泥膜--幾香，不乾，但效果不明顯

貝佳斯綠泥--有點刺激，去油效果強，但對我來說over了

貝佳斯淺綠泥--不乾，效果也不明顯

IPSA磨砂泥mask--價位高，用完黑頭浮出，要另外清走

最近回購Exuviance的purifing clay masque

我買的是sample size，比較化算也不怕用久了會變乾，一枝用全面大約可以用四五次，我通常一次敷全面，下一次就T字位，襟用啲又唔會搞到面珠位太乾

敷上去有陣薄荷涼涼地的感覺，黑頭數量有變少，這是重點

護膚年資高了，就會要求産品必須有效果，我不想花錢花時間在沒效果的東東上

這個是我覺得用感不錯，價格可接受，又見到效果的深層清潔面膜

用完要敷返個補濕面膜，深層清潔用品會乾這是宿命^_^

iherb 第三回開箱

心如病了，我見猶憐T.T

半夜突然微燒，早上去法國醫院，除發燒外無明顯病徵，醫生說有機會是傷風，有機會是玫瑰疹，也有機會是尿道炎

BB不會告訴你什麼地方不舒服一場來到，只好留下來撒泡尿看看

搞了大半日

晚上鼻水來了，胃口沒了，連續兩天除了媽咪奶奶外什麼都不要

心痛死我了

就咁，去找點東西讓她舒服點吧

偶然看到了一篇講紫錐花的

http://formulawave.com/echinacea-benefits/

就開始online shopping 了

(由上到下，由左至右)

又見到一些溝了幾種水果的食物泥。。。買了一些以防萬一。。。

買了一些body care。。。這幾枝的在iherb 的評價都很不錯，剛好家裡的也快用完了

再來就是紫錐花精華，滴劑是給心如的，錠劑是我的

是的，我也病了

剛給心如用過滴劑，甜甜的心如不抗拒

效果遲些公布^_^

正方形盒的是預防靜脈曲張的cream。。。本人因遺傳的關係小腿青筋都幾現下，希望可以幫到手啦

另外就是鈣片，看了一些文章知道鈣片的吸收程度會有差異，於是選了這瓶

大家有興趣也看看吧

http://formulawave.com/best-absorbable-calcium/

最後，菠蘿乾是encore 的^_^

好天然的味道，好好味

大家可以到以下網址享有首次購物優惠^_^

http://www.iherb.com/?rcode=PZJ205

新年快樂～我家的相片牆

羊年到了，祝大家新年快樂，身體健康

趁新年整理下心如的照片

弄了些揮春

大頭相架

在SH DESIGN拍了一輯賀年相

還在淘寶買了一些紙相架，整了個相片牆

因為牆身不能鑽，只能用blue tap,相架必須要輕身，紙相架幾乎唯一選擇

同類東西宜家也有，不過顔色選擇少，只有一個size，價錢大約$10一個

還好我們祖國有偉大的淘寶

有咩唔知邊度有得賣，在淘寶通常都可以找到^_^

紙相架我是在這裡買的^_^

不同大小，不同款式，任君選擇^_^

共十七個大小不同的相架，承惠100個大洋^_^

年廿九收相，馬上揀相，曬相，專登去億世家買過膠機將相片過膠，年三十終於完工

至於擺法呢，構思了後久，最後用了這個擺法，主要依據照片的顔色作區分，儘量將照片背景（黃葉，桃花）梅花間竹地分佈開來，看上去比較錯落有致

心如好喜歡對相片聊天^_^

誠意向大家分享^_^

空瓶記--HABA WHITE LADY

用光第五枝了

最得我心的美白精華^_^

（空瓶掉了，cap了官網的圖，大家湊合看吧

質地水水的，但又帶點滋潤感，感覺到皮膚有吸收，不是只停留在表面 

美白效果見得到，不用補塗補濕精華

雖然帶點滋潤感，但又不會潤到生痘痘

價位上，好像$400左右30ml，算是中價，但質素絕對是上品

維他命c是主要美白成份，因為維c會氧化，我suggest買30ml就好，早晚用兩三個月無問題，除非你全身都要美白，否則不用買60ml，雖然看起來比較化算

比較起fancl的美白精華，haba的比較滋潤，美白效果在我身上差不多，haba的價位比較可愛

近來yen幾抵，去日本入手都唔錯吖

用清文～covermark 兩用粉餅

好有動感好中意同影子玩的心如

真心感覺這裡快要長草了

前陣子我的2way cake突然在我的化妝包內解體，成個袋都是粉-_-#

雖則用到見底，但我都想用到連四邊都用埋架，因為真的不便宜，嗚

好彩之前promote時買多個粉芯

呢個粉雖然乾濕都得，但我90%都乾用，顔色非常貼近膚色，失手上得厚都不會變粉人，質地好滑，薄貼得來遮瑕度算中等，乾濕粉來說算不乾

敗筆是粉樸又粗又硬又不耐用，我另外到IPSA配乾濕粉樸的，IPSA的粉樸超好，粉底質地都幾好，但顔色選擇沒有covermark 多

這個算是暫時最愛的兩用粉餅了

心如食乜餸(七個月寶寶餐單)

前幾天病住生日，進入三字頭，有女萬事足^_^

病的時候最擔心係無人奶俾心如

好彩可以藥照食，奶照餵^_^

時間嘅關係，list out 返心如近呢一個星期的餐單

如無意外，呢個餐單可以recycle 幾次