空瓶記～2015/06

今個月是心如的生日月，話咁快一歲了^_^

暫時只有下排門牙兩隻，可以扶住企和行

今個月的空瓶記，開始了^_^

SKIN RELIEF CREAM

我不常用body cream，因為懶^_^

呢隻味道麻麻，吸收力也麻麻，不過用來做hand cream 是很好的

我加十幾滴香薰落去遮住本身的味道繼續用^_^

終於用完啦

廣源良的菜瓜水，無色無味，主要是皮膚好敏感咩都唔用得時用，無咩效但不會get worst

印象中係好平的

RENE FURTERER 的防脫髮SHAMPOO

SASA買行貨要二百幾蚊，都幾貴，青黃色的shampoo裡有好多細細粒的精華珠珠，氣味是柑橘類再加少少草味，好fresh好好聞，用後脫髮情況有減少，不頭皮有少少乾

LOCCITANE 豐盈護髮素

印象中不便宜，用後感覺不明顯，光澤感和順滑度都不明顯，只是用時幫助梳開打結的地方，用後不會令髮型扁榻

FANCL skin renewal pack

這是很久以前屯的舊版貨，新版大枝一倍以上，舊版幾下手勢用完了，搽完去沖涼，沖完涼洗走就得，用完皮膚會滑溜一點，有尚澤一點，柔軟一點，之後無論敷面膜和搽精華都吸收一點，不過重點要用得夠量，每次全面用一個五蚊銀的份量，而且最少一星期用兩三次，屬於好用但性價比不高類的skincare

IN 的護髮素

這是salon 裝，是我一再回購的好物，可以揸上頭皮按摩，滋潤度足又不會令頭髮變立變扁，salon 裝抵用啲^_^

做個好媽媽--美素佳兒奶米粉COOKING PARTY

五月是屬於媽媽的月份，從來都知道世上只有媽媽好，自己當了媽媽後，才覺得母親節比任何一個節日更值得紀念

為人妻，為人母，照顧家人的胃口，一家人吃得開心又健康是我的使命

心如不是為食寶寶，她的每一餐我都費盡心思

現在她每天都有兩餐粥/粉/面，另加兩餐糊仔

但糊仔要加d咩先好味又有營，就考起我了

早前參加了美素佳兒奶米粉COOKING PARTY，學下點樣配搭baby food

當了blogger這麼久，第一次和家人一起參加活動呢

 

同場遇到了和心如同年同月同日生的buddy

 

 

活動中有營養師教我們做了三個為不同月齡BB而設的baby food

有香蕉紅莓面包布甸，紫薯南瓜菠菜配白汁字母粉，還有甘荀三文魚米糊

 

睇下心如的等食樣^^

美素佳兒奶米粉有奶粉的成粉，而且帶有少少甜味，可以令到BB嘗試新食物時吃得更起勁呢！

 

↑不斷追鏡頭影相的心如^^

心如對美素佳兒奶米粉印象唔錯，誠意推薦給大家^^

更多食譜可以參考以下網址:

http://cereal.friso.com.hk/#solid-food-introduction-tips

2015 Summer SOGO thankful week敗家分享

SOGO thankful week….基本上每年到這個時候都要乖乖進貢

以前是去搶購護膚化妝品…現在發覺人的面只有一塊，買得多用不完，而且買套裝總有一些雞肋…與其去搶去逼，還是要用再買好了

但今次的花費絕對不比往年少

Links of London的手鍊…原本鍊要$1650，心心charm要$800，現在一套$2000，另加媽媽SOGO卡簽帳95折，$1900埋單

想買好耐，行過只為朝拜一下，畢竟做一個不懂持家沒有收入只家用的全職媽媽只想慳得一蚊得一蚊，但還是鬥不過自己的意志力和同是shopaholic的媽媽慫恿……好靚呀，好抵呀，你想買好耐咪買囉，間中都要買d野俾自己架嘛……心如大個都帶得呀…

好，you win!!!

Tommu Hilfiger的小童tee$138，BB泳衣$98，布書仔$102

仲有一些吃的

買得好開心^^

空瓶記(2015/05)

我的瓶瓶罐罐消耗得好慢，明明都已經密密用了+_+

唯有一個月記一次，希望無遺漏啦

RENE FURTERER soothing shampoo

這是50ml的贈品，精油香味，屬於醒神中性類，也帶點花香，都幾討好

擠出來是薄荷綠，易起泡，清潔力夠但不會乾到頭皮痕，用後頭油有減少，行貨幾貴，好用但未致於要囤貨，用完手頭上的洗頭水會考慮入手

Fancl 的修護肌底液和乳液

因為年齡關係，跳過比較清爽的系列，直接用有抗老功效的系列^_^

用後感覺非常良好，夠滋潤保濕度都合格。晚上開冷氣的話乳液要多塗一層才夠，所以乳液用得快一點

用後皮膚狀態回復穩定，這個我幾驚喜

已經每樣各回購兩支

細細枝都幾貴，去日本的話可以入貨

Fancl 的洗面粉，由大學時期開始保養到現在，用了四五枝，期間當然有用過別的，我的習慣是，春夏用有泡的，秋冬用無泡，所以還是會回購啊，用起泡球起泡好有滿足感，而且洗得改淨又唔乾，去日本買更化算呢，因為粉狀不怕它會像洗面膏易變壞^_^

Bicelle b5 gel

曾經無左佢唔得，依家係可有可無，以前是透明滴管狀的，beauty box 裡出現的東東，敷面膜前打底，話咁快用曬。。。對我來說，一枝單純的保濕精華是不能滿足我的

Domohorn Wrinkle Cream 20

DW家的基礎四點是我的大愛，四點是保濕，美白，抗皺，乳液，每一位都非常稱職

身為抗皺的cream 20，細細枝，用得快，看似好滋潤但好易吸收^_^

舊的被我剪開用光丢掉，連遺照都沒拍+_+

之前生日優惠囤貨，已經再開新的來用了^_^

Sothys 中性洗面奶

對我來說，這是用來代替Eminence lemon cleanser的，氣味很近似，我很喜歡，質地比Eminence濃厚，但清潔力更佳，性價比更高^_^

己入手同品牌的抗敏洗面奶，用耐啲再介紹

Yaman HSI-13溫熱離子聲波儀用後感

我的化妝保養之路（置頂文）

本小姐由2006年開始寫美妝保養文，由學生妹到上班族，再做人妻和媽媽

對美妝保養的訴求隨著角色的演變而有所不同

十八廿二時對彩妝追求一度很強烈，有一陣子買NARS的東東買了一大堆，去旅行都要買，玩色玩得很瘋，啡色藍色綠色紫色粉紅我都有玩，出街一定要化全妝

那時還是學生妹，買NARS買到幾乎破產，後來轉而買MAC，質地差一點，但平一點而且多限量版

那時候常熬夜，皮膚狀態很差，化妝化得越來越厚，心諗長此下去不是辦法，於是買了部handybio，有一陣子做得很頻密，效果是有的，不過面油豆豆的問題還在

結果去reenex做果酸facial，情況得以改善

後來讀master要返實習，怕妝太濃令人有距離感，開始只上粉底，遮瑕，眼線、睫毛液

到上班後一直都維持著淡妝，之前買的好多七彩眼影都放埋一邊了

慢慢覺得皮膚好，化妝唔洗上厚粉，化妝品的消耗量大大降低，轉移對護膚品的鑽研

有一陣子迷上芳療和DIY護膚品，天然有效又經濟，還曾經開過小店和知音人分享，只是狂熱過後人變懶，這個興趣沒有繼續發展下去

之後，繼續鑽研護膚品

到結婚前大半年，開始重拾對美容儀器的興趣，到現在，家中美容儀有一大堆

到目前為止也有點小心得，好想找些時間和大家分享

至於分享的形式，我還在糾結中

想拍片，但我口齒不伶俐，聲音過機後好難聽，而且我只會用movie maker

出文的話，不夠生動，照片和文字的表達還是和影片有點距離

等我醞釀下先。。。

（試用文）性價比高的噓噓樂紙尿片

十個月大的心如，見到BB形物體會異常興奮 

由於心如媽媽我身型龐大加上身手不敏捷，從來在BB展我都未拿到過尿片試用T.T 

心如初生時用H牌，因為心如是細粒B，要用零碼片（早產兒的故事，想起淚漣漣），但用感是「藏金量」對初生人奶B餐餐有大大來說有點不足 
後來轉用P牌，白色的甩毛，綠色的和心如的屁股八字不合，爆片爆到變屎撈人是家常便飯 
（H和P的片片我都是在萬寧買的行貨) 

最後轉中碼時轉了日版的M牌，各方面都ok（除了價錢外)一直用到現在，行貨太貴，等樓上舖做promotion時買好幾包放在家，要定期留意各太BB用品小店^^ 
心如吃媽媽奶，慳了不少奶粉錢，但如果尿片都可以慳小小，當然就最好（慳黎買玩具都好嘛）


（仲有玩具玩，多謝曬^^) 

今次收到噓噓樂的片片，之前已經聽聞噓噓樂的性價比高，抵用而且質素一點不輸蝕 好吸引啊，好開心可以試用呢！！

唔講唔知，噓噓樂是來自台灣的^_^

講下噓噓樂的性價比。。。

尺碼	適合	1包備有 (片)	建議零售價
中碼 (M)	6-11kg寶寶	56	$86.2
大碼 (L)	9-14kg寶寶	50	$86
加大碼 (XL)	12-16kg寶寶	44	$90.6
加加大碼 (XXL)	15kg以上寶寶	28	$75

 中碼片$90有找就有56片，比M 牌水貨仲要平30蚊！
正所謂小數怕長計，呢啲消耗品可以慳返啲真係好開心架^_^  

再睇下用家感受^_^

換完片自己係度唱歌，非常陶醉^_^

平時換片要扭令一輪的心如最近換片都乖乖地，用家無投訴，用感應該ok啦！

目測片片不屬厚片類，夏天用應該好舒服，唔怕焗到出粒粒^_^

藍色超快傳導層，迅速分散及吸收尿尿，超薄乾爽 

令我諗起M巾^_^。。。不過心如就算用過夜都無漏片的問題^_^

之但係。。。不論吸濕力如何，到時到候還是要換片的，你也不想BB的靚pat pat 和大小便相處太久吧^_^

值得一提的，大脾位好貼服呢

有圖有真相，大脾位夠大，唔會箍住，但又夠貼服，對無時停的心如是大解放又唔怕漏^_^

心如用了噓噓樂一星期，幾乎每一次換片都好開心，郁來郁去都無移位情況，非常之穩陣^_^

心如呢排中意碌橙。。。仲要同個橙一齊碌。。。哈哈
無時停的BB更加需要舒適又穩陣的片片，當然可以用經濟實惠的價錢做到就very good la^_^
下個月心如要轉size，我可以用平片啦，哇哈哈（灑花。。。）

想登記尿片免費試用的媽媽可以到香港噓噓樂的網頁及Facebook專頁：

http://www.sealer.com.hk/

https://www.facebook.com/sealerhk

令我改觀的gel mask~DERMA MEDREAMCDM 蘆薈防敏降紅水份凝膠膜

呢個mask 我keep 住用了三個月，用左都有十包了，本來我對gel mask 的感覺麻麻，以為只係𡃁妹先啱用，我呢啲dry 爆中女係敷黎扮後生嘅，初時只係買左一包試下，點知一試愛上^_^

佢係gel 狀但唔會敷完無嘢咁，敷完摸塊面係會柔軟左，但唔會好似cream mask 咁有層膜

佢敷上面會涼涼地，唔係薄荷果種涼，係好似退熱貼果種^_^

今個星期轉季關係我塊面又乾又紅又喪出油，我即刻拎出黎敷15分鐘，洗完面見到毛孔細左，紅退左八成，仲少左出油^_^

有人話皮膚太乾用會feel 到吉吉地，我又無呢個feel

一包可以用到三四次，可以用美容儀做導入，用完擰返實個蓋，放入雪櫃下次用，乾淨又衛生^_^

唔好太慳住用，分四次用係剛剛好，可以敷埋頸^_^

新張期內，優惠價發售^_^

查詢或購買請what's app 98387525

 功效：

防敏丶降紅、暗瘡、消炎、收縮毛孔、修復

 成份：CDM降敏復合物，尤加利萃取液，蘆薈膠，金縷梅萃取液，紅沒藥醇，維生素B5

 CDM降每複合物：迅速舒緩敏感肌膚，並有效殺死暗瘡真菌及面包，特別適合暗瘡及油性肌膚使用。

 尤加利萃取液：天然抗菌丶消炎丶治療青春痘丶改善毛孔阻塞，促進血液循環。

 蘆薈膠:舒緩鎮靜肌膚紅腫乾裂，修復受損的皮膚，收斂，調和皮膚，滋養皮膚和保護皮膚的功效。 

金縷梅萃取液：舒緩，收斂，抗菌的效果，對於青春期少年或出油狀況較嚴重的皮膚及毛孔粗大或油性肌膚特別見效。

 紅沒藥醇：舒緩紅腫丶敏感，修護細胞，減退暗瘡印。

維生素B5：加速傷口痊癒，促進細胞的生長，具備良好保濕功效。

用法：清潔面部後，取一包CDM蘆薈防敏降紅水份凝膠膜，均勻塗於面上待15-20分鐘或配合按摩手法輕輕打圈，待吸收後，用清水洗浄便可。

#醫美適用 #蘆薈 #防敏 #降紅 #b5 #水份 #保濕 #凝膠膜 #任何膚質就適用 #dermamedream #防敏 #降紅 #暗瘡 #消炎 #收縮毛孔 #修復

小店開張，請多多指教^^

是咁的。

將自己定位成一個blogger已經第六年，拍拖結婚生仔都已經歷過了

曾經在網絡中相遇相知的友人，有些已經因工作和家庭已好少出現
有些則以此為職業，成為當紅blogger，什至有自己的店面

而我呢

好幾次離開又回來。

我不是很會打扮，也不擅交際，拿了試用也是有話直說

久而久之試用不會找上門

文章是隨心更新，收看率也不會高

我不想親朋戚友將我介定為只會食玩扮靚那一類，在社交網站我都好少提到自己的blog

低調的代價，是用心寫的文章點閱率不高

在茫茫網海中我只是一粒微塵。

現在，我又回來了。

不打算大肆鋪張，不過還是要說一下

我在instagram裡開了一間小店
賣的是一些有關美容、健康、BB用品這一類的小物
寫了這些年的blog，大部分都是自費文，遇到好用的東西，總想和大家分享，使大家用合理的價錢，買到合適的東東
店裡所有東西，都是我和家人用過，覺得是好物才入的

小店的名字就叫
emily_s_store

大家有空可以來看看^^

好物推介～紫錐花精華

話說過年後的某一天晚上，心如突然發燒，到早上都未退燒，而且還非常扭計

去了趟醫院，第二日狀態反而嚴重左-_-#

無他，醫院病菌實在多

心如雖然是飲媽媽奶，但終究不能一個打十個

而且嬰兒從母體帶來的抵抗力在六個月大時大致上用完

生病時吃不好睡不穩實在心痛死了

情願病的是我

正當心如又鼻塞又扭計時，剛好有位在美國的朋友來香港，話我知紫錐花呢樣東東，話對感冒好有用，而且不是藥，沒有副作用，介紹左呢隻BB適用的紫錐花滴濟俾我

係呢個時候，我就Google 一下，發現紫錐花可以增強免疫力之餘，仲可以減輕感冒徵狀，而且縮短感冒日數！

心諗反正心如食左兩日西藥都未見起色，就試下紫錐花啦

本來我對呢啲草本類東東都無咩期望，覺得對感冒初起時用或者會有用，病緊時用純粹買個安心

見到心如不斷用口呼吸，鼻涕又呻唔出，繼續咁落去連喉嚨都會有事。。。第一日早午晚三次，每次五滴，滴落個口度

味道甜剩地，我試過，似綠寶的味道，心如唔抗拒，仲會主動擘大個口食^_^

第二日心如已經無鼻塞，鼻水都仲有，但已經變成透明稀鼻涕，呻得出，亦都無鼻塞

呢個轉變好dramatical ，總之，連續滴左兩日心如就好返曬，胃口都返曬黎

因為連續幾日照顧心如，係佢好返的時候，就到我病了-_-#

因為人奶媽媽醫生就住開藥，啲藥無料到，仲搞到我好無精神，於是我又拎枝嘢滴下，大人劑量是小朋友一倍，一日三次，每次十滴

上午滴完，下午已經無鼻塞，仲唔會令人眼瞓

非常amazing 

家陣流感高峰期，真係要買枝看門口啊