作者 Audrey Tsang | Cosmo – 2012年2月22日星期三上午9:00
女人時時刻刻都諗住Keep Fit，連發夢都諗住減肥。對於沒有時間狂做運動的姊妹，Cosmo為你準備了一個減肥Plan，小改變大改善啊！
Lunch完後，通常到了下午4點多就會開始肚餓，如果你不想受零食的誘惑，大可以將Lunch分開食，就可以謝絕吸受額外的卡路里。
健康零食與綠茶
如果你是減肥的忠實支持者，生活上一定少不了綠茶。其實淨靠綠茶，成效不算大，最緊要的是配合有益健康的小食如沙律或低卡果仁作代餐，健康又有益。此外，亦可常備健康小食於身邊，肚餓時可以立即進食，避免受垃圾食物的誘惑。
你有沒有發覺夏天最烈日當空的時候，永遠都冇乜胃口？其實人處於高溫時，新陳代謝會減慢，令血糖維持在正常水平。如果想減低自己的食慾，可以選擇熱辣辣的食物如熱湯，可以令你的胃口減少一些。
以大豆為基礎
日本是世上最少肥人的國家，何解？因為日本人最愛食豆製食物。每餐加入以豆類食物代替肉類，既健康又低卡，少少功夫多多成效啊！
話說Lush新出的洗頭粉，我到依家都未買到啊
每次去親都係叫我留電話，到貨call我
然後，我終於忍唔住打電話去分店問了
BA：之前有返貨，不過有客walk in買左，所以要等呀
ME：下？上次話到貨打俾我ge？我未收過電話啊（我是member)
BA：係呀，之前有返貨，不過有客walk in買左，所以要等呀
ME：咁我依家係咪要落舖頭睇下自己好無彩？
BA：你可以上舖頭俾左錢，有貨再通知你！
（你晨早咁講我咪唔駛等囉，又話幫我hold>.<）
之後，本小姐要買染髮磚，見有有啡色和啡紅色揀。
ME：邊隻色會顯色d呢？
BA：（靜左幾秒）一隻啡d，另一隻紅d囉
ME：哦…（扮明=.=）
早兩日放假，收到這個Email，剛好經過，就看看有無sample和skin test 送啦（本小姐拿住部iphone開個emil俾BA睇的）
時間：中午12時左右
BA：個email要print出黎先至生效 wor…
ME：=.=哦，咁有無skin test做呀？
BA：要預約啊，最快都要聽日
ME：@@哦（但係家陣一個客都無，我諗唔到有咩理由你唔招呼我啊）
（其實你可以叫我留資料，我俾張hard copy你又有咩作用呢？雖然我素顏，但唔代表我無幫襯喎！）
anyway……純粹呻下…想洗下錢原來都無咁易=.=
己落實項目
未落實項目
又是很久沒打文了…好懶好懶
Big Project到依家停滯左…婚紗未落實>.<
新年到依家…開左工個幾星期啦
過年主要出去拜下年…休息下…
年廿九先有時間執下房
那些年的紀念冊…
自小人緣不算好
但在面書一出結婚啟示就一呼百應
真的不禁要說句：「謝謝你們喜歡我」
年初一豬先生來我家拜年
年初二和姨婆團拜
年初三和友好團拜…
十個人一叫左46籠點心，嚇死人
年初六是本小姐牛一，年初四就收到蛋糕
很可惜，沒有喜悅的心情。感覺上這個蛋糕有被取笑的作用
送人的東西，還是正正常常的給人一個稱呼的好。
年初五，開工大吉，一早起床就覺得周身骨痛，好似比人打一身咁>.<
不過，是公司拜神大日子，只好硬著頭皮頂硬上了
開工飯@不倒翁
無敵海景，東西不錯。
當同事左打開賀年食品吃時，本小姐只覺反胃，嗚。
到第二天，本小姐生日那天，所有東西一入口就胃痛，
然而當天有班要教，只好買一盒胃藥再上班了
一整天腸胃在萬馬奔騰>.<
年初六無醫生可看，只好到急症室
醫院裡，一點信號都沒有，等到生菇菇
分流時被醫生鬧「你自己咁大個人發燒都唔知ge 咩？」
打了一針，苦了我的八月十五，累到坐的士回家，已經十一點半>.<
新年新願望：身體健康，事關入職到現在，病左好幾次了
每次都是會發燒那種….
最近在面書看到的
早就領略到眼線的神奇，可沒想到不同的畫法，眼神都變得一一樣了呢！
6/2/2012，拿了一天假和豬先生到樂園玩
（沒化妝上鏡真是慘不忍睹）
卻在晚餐時吵架了……
在人前我很少情緒失控
和豬先生一起六年來真正吵架的次數不算多
然而還是吵架了
我知你對我好
但請給予我能力範圍內做得到的作出忠告
我不是傻瓜，你說的我都知道。
否則我會覺得的在逼迫我。
我失控，因為你應該懂我，你清楚我的工作性質，你應該知道我的限制，
我不是要「咁我以後唔再干涉囉，你想點就點囉」這種的關懷
it is totally different, ok??
還有，把女友氣哭，然後由得佢自己返屋企，之後再打電話tum返
是永遠都不會work的
最後，那這個出來，記住要做到這十樣，為了大家的感情而努力吧
共勉之。
17/1和豬先生到映月樓睇場+落訂
明明電話留位25/1/2013有位，點知去到時話晨早己有人book了，只剩樓下那個有點殘舊間格又奇特的地方>.<
還好我和豬先生每人都找人擇了兩天好日，先不致於騎虎難下
就咁，我們的婚期提早了，今年年底我就做豬太鳥
個女部長叫豬生三月婚展時拿飛入去俾二訂，拎返d婚展優惠啊
日子訂下了，要全速前進搞期他濕碎野lu
仲要落足馬力留長頭髮+減肥啦！！！
同一日到Any Idea睇婚紗
因size關係（五尺九，140磅，目標—big day前要減10kg），所有婚紗晚裝要訂造
而家人仔高企，為免因改衫而舟車勞頓，已打消北上辦貨的念頭。
Any Idea地方細細但款式唔少，最貴3000左右可成交
budget ok，釘工一般，店主Kelly人好好，有好多建議俾到，成個過程好casual舒服，
本小姐試過三條，因為唔俾影相，只能言傳啦！
第一條—low cut 閃石小拖尾款
$3000但著左個人好肥，out!
第二條，有帶露膊大花邊長拖尾款
$3000收身，elegant，拖尾好長好靚！唯獨怕PK
第三條，low cut收身款
呢條$2000，著得我最瘦！！！後面小拖尾但無野睇>.<
下星期放假再望下其它訂造婚紗的地方，
到時再話俾大家知
話說呢，本小姐剛剛和豬先生走進第六個年頭
下年，本小姐就以豬太的身份和豬先生一起第七年啦
點解d人成日都話七年之癢
我和豬先生都痕左好多年啦
無錯！係身痕啊！
一到冬天，本小姐個背隻就會有好痕，返工返學都唔知點R好，周不時會用個背隻去磨椅背，沖完白白全身會一達達又紅又痕
（為免引起不安，都係唔po la….）
而豬先生呢？天生薄皮怪，唔浸得溫泉，一到冬天就成身痕，搞到我以為間屋多左個人猿咁
>.<
睇過醫生，西醫說不是濕疹，但有敏感可以塗類固醇>.<
我地當然唔肯啦！
今年PR姐姐送了這個給我試用，真係如臨救星
草本成份，好溫和，有少少中藥味，但唔濃，好醒神
用感：泡泡唔算多，沖完後亦唔會好啜手
好arm冬天用呀！
當然，冬天沖完涼唔搽野，就一定會身痕啦！
但起碼本少姐用了一星期後就無再起一達達lu….
媽咪都好中意啊！
我諗回購率都有90%啦！
大家可以去永安和大間d的萬寧睇下啦！
場地未落實，0進度啊！
嗚……
昨晚和豬先生鬧別扭，睡不好，到三點之後就失眠，依家個人浮浮地
好在今天是無政府狀態ja
補充一下，本小姐諗住細細地搞一場好睇婚禮，所以budget大約13圍左右，希望包到場，所以其實選擇唔算多
而且想避免西式自助餐出現賓客自動流失的情況，所以打算搞中式婚宴，己排除酒店場地
之前去過八月芳，男人都覺得唔錯，
細細地包到場，樓底夠高，間隔四正，
地鐵上黎好方便
缺點係唔算典型高級地段，唔熟太古會覺得無地方行，同埋酒樓出面無咩影相位
場地一：尖沙咀海港城八月居
睇中它有無敵海景證婚禮堂
入到去呢，樓底低，光線唔夠，內部三尖八角，好快被out了
不過出面個平台又真係幾吸引ge
因為正值lunch hour，食少少先走
兩個人$16X，都幾貴呀，
場地二：北京道一號帝廷
入到去己經好中意，好靚啊！成個場無柱架！
新娘房好企理，仲可以放到一圍tim ar!!!
係呢度搞一定好開心
不過包場的話要3X圍先得啦，間場會好肉酸，所以，就咁，可以收皮
場地三：文化中心映月樓
相比起帝廷和八月芳，感覺較舊，但樓底算過關，有水晶燈閃令令，仲有維港view….正正
映月樓有兩個禮堂，其中一個剛剛好可以包場，出要有空地可以搞室外證婚，整體黎講都唔錯
缺點：一字排開個場好長，而且餐具，桌椅都有點舊
之後，我地仲睇左銅鑼灣利舞台
譽宴：好大好浮誇，重點係…無期
月滿緣：是跳茶舞的地方，只可包場，但最低消八萬八
仲有皇室堡
景逸軒—有outdoor area…但境觀一般
彩福皇宴--大場太大，細場太細，不過LED燈deco效果不俗
帝延--無北京道一號果種氣勢，同一般酒樓無大分別
總結：
雖然喜歡北京道一號帝廷，但地方太太唯有割愛
八月芳交通方便，但無影相位
映月樓地段靚景正，但場好長，環境有d舊
李氏力場今次真係考起小女子是也！
我想說，這個真的是紫草皂
葡萄籽油的部分，是實實在在的紫草浸泡油啊！！
看著它由紅轉藍再轉草綠，本小姐呆了，見trace了就放乳香精油入模
過兩天明明還是牛油般的texture，不過本小姐手痕，倒模切了，呵呵
那些不好看的邊邊就搓成小圓球，留待下次用嘍！
