這兩個星期為了自家那副不爭氣的牙見了不同的牙醫，每一位都有不同意見....
本小姐的牙齒問題是：N年無用retainer和智慧齒肆虐下牙移位，因為不滿之前幫我矯齒那位專科醫生，決定到別家看看有咩解決方法
第一個見的醫生，在則魚涌康齒堂，醫生姓咩唔記得左，淨係記得佢個樣好細個，約左兩點半，三點三先到，同埋個護士嬸嬸好惡好串，對醫生都呼呼喝喝
這個醫生給了我好幾個options.....
- 可以唔箍，維持原狀，整返個retainer訓覺帶住，係維持現有狀況，避免惡化，不會變齊
價錢大約$1200 - 如果想整齊返，上下排都要落箍，大約9-12個月可以完成
鋼牙--$16000
白色粒--$21000
隱式美--$39000
本小姐去之前打算做隱適美，因為見到pricelist最平可以大約$20000做到，但佢俾呢個價，而個醫生咁無說服力，加上姑娘的趕客咀臉，本小姐心情忐忑
然後，去了筲箕灣區的牙醫Dr. H去，幾年前曾經光顧過拔掉發炎智慧齒，都有幾個options
- 用retainer維持原狀，價錢大約「千零二千蚊」
- 用活動箍（和retainer相似），價錢「幾千蚊」，問過「咁大約要幾多千」，回覆係「視乎你ge情況」，需時大約「一年半載，視乎你ge情況」，活動箍只能調整牙齒出入問題，調整後未必能整齊
- 上箍的話，未必整到，因為唔係專科，微調需要較高技術，可以幫你轉介
本小姐覺得呢位醫生說話好小心，強調「視乎病人願，先會再俾治療計劃」，講左等於無講，但都收左我$100診金，因為咁，決定睇返個專科問下
前兩天去cwb的Dr.C，這家是專做矯齒植牙的....病人的流量可以用絡繹不絕來形容...本小姐等了半小時.....
醫生給我的建議是：做隱式美，一年可以KO
原價$35000，熟人介紹$31500，可以24期付款，一次過付款$28350，己包所有款項檢查費用，補牙洗牙自費，洗牙如是矯齒病人每次$100.....
聽落好吸引啊，是打聽過的最
不過幾皮野不是說說而已
所以呢，見過幾個醫生，依然忐忑，
所謂的專業意見，不也是先磅水，後出計嘛
呵
好想一勞永逸，但窮志短。
先做個retainer再說好了
沒有留言:
發佈留言