補返之前影的大肚相先
大石哥哥係一個好好的攝影師黎架，大家可以上佢個網睇下^_^
http://yushek.wordpress.com
Photo by 大石
Makeup by Crystal
媽咪同爸爸都唔喜歡打開肚皮影，始終你係女仔嘛
大石哥哥係媽咪相識多年的好友，由媽咪大學畢業、結婚、到你係肚入面，都幫媽咪留下珍貴回憶
每個人一生中都會有這樣的一個朋友，見證著生命中每個足印
對此，媽媽很感恩，生命中有很多疼錫自己的親人和朋友
2014年5月31日星期六
2014年5月26日星期一
我的唇部産品
基本上我的手袋裡定必會有一枝唇部産品，久而久之每個袋都有，仲唔止一枝tim
沒法子，先天唇薄又易脫皮，出門什麼都不塗的話沒有安全感
求其執袋都揾到咁多枝，等我介紹下啦
由下至上
IN是有機品牌，聽聞它的產品係可以食落肚的，呢枝算是有少少色的lip gloss，頭是掃狀，有berry的香味，舐落有少少甜味，價錢大約2xx，顔色選擇不多，顯色度亦不高，素顔時當作少少潤色的唇膏是ok 的
Kamile 的潤唇膏，購自 colourmix ，價錢大約$3x，因它家的手霜幾好，所以買埋，味道和hand cream 的一樣，無色，質地順滑但稀薄不持久，要經常補塗，冬天用不夠力
Muji 家的潤唇膏--外表平實但有內涵是它家的賣點，我這枝是薄荷味的，涼涼的不會乸咀，質地不算薄，不用常常補塗，冬天用感覺太涼，夏天用滋潤度剛剛好，不會覺得黏立，價位親民買得過
Clinique 的亮彩唇膏筆，顯色度一般，不過很夠潤，這枝是偏向自然的啡橙色，上班用很好，平日用會嫌不夠跳脫
Fresh潤色護唇膏（cherry），$210一枝價位不算親民，但顯色度夠一枝可護唇潤色，其實都唔算貴，顔色夠鮮而且顯白，素顔用亦能提氣色，啱曬我懷孕期間素顔唔精神的樣子，媽媽用過一次後很喜歡，已讓給媽媽用，正考慮入手另一隻顔色
暫時有在用的唇部産品講到呢度，老公放大假，等我得閒出多幾篇先
😉
2014年5月25日星期日
用清文--蘆薈啫喱按摩膏
又繼續密密清啦
呢罐是gel狀的，和按摩膏的質地不同，我主要用來厚敷，用法類似寶藝的果凍面膜
但因為實在太大罐，所以都幾襟用
厚敷時會涼涼地，退紅效果很好，用後皮膚亦很水嫩，秋冬如果唔怕敷凍膜都用得，但去黑頭和收毛孔就不及寶藝和annie's way
不過性價比得高，500ml 都不超過$100
回購率很高的一個産品
懷孕紀錄25.5.2014
33週的你和媽媽
難得的好天氣
我們一家三口在午睡過後到佐敦谷公園散步
媽媽從來不抗拒面對鏡頭，可今次，回看照片時再三想吧照片delect掉
太恐怖了
大熱天時，肥肉都藏不住了@.@
不過，還是那句話，比起你的平安成長，這些都算不上什麼
最近爸爸常常捧著媽媽的肚子錫你，你要認住，呢位奪你初吻的男人啊
明天帶你去影樓影相相，希望不會無電吧，同時希望天工造美
We are ready！
今天的晚餐，好好味的鱆魚燒和冷面，爸爸煮的
媽媽又博命食了
相信修身之路一定遙遠而漫長=.=
P.S 你已經有中文名了，不過還是保持神秘吧
愛你
❤2014年5月20日星期二
用清文--詩華青瓜洗面奶
呢枝洗面奶成一公升咁大枝，用左一年半，終於用完啦
呢枝在水魚工作室買的，我冬天會用來卸淡妝+潔面，夏天就早上用來潔面+回家後落防曬，每次用大約三四泵，乾手乾面打圈，再加水乳化，最後抹走過水，要抹走先過水先洗得乾淨架
青瓜味好清新，而且皮膚乾或發紅時用有紓緩作用，亦唔會乾
性價比真係幾高架不過呢，大大枝，一個人用真係會用到厭，最好就有人share分裝用啦
咁大枝的話我就未必會回購啦，但産品本身是不錯的
2014年5月19日星期一
懷孕紀錄 20.5.2014
在這個2014520的日子，我還是要紀錄一下
妹妹你在媽媽肚裡已經32週有多了，媽媽已經超重了，腳也有點腫
其實常聽說當媽的會超重是常規，沒有重到的媽媽不合自然規律吧
你又重了，媽媽已不能逛幾個小時的街，也走不遠了，還好奢侈的出入要搭的士
重點是，天氣越來越熱，我的脂肪越來越厚，已經到達了坐著不動都成身汗的境界了
恐怖吧，以前媽媽是天生就練成唔出汗功的，現在卻是由內濕到外再到返內
要一天沖幾次澡
爸爸見到媽媽從前貪靚，一雙引以為傲的長腿正在一步一步變成金華火腿，頸上還生了好多一粒粒不知名的東西，腋下黑黑的像幾年無洗澡，對逛化妝品已經無曬興緻，也不禁說，老婆，辛苦你了
媽媽何嘗不知有了你必需要暫時捨棄從前喜愛的？只是你和媽媽之前擁有的那些相比，媽媽這些都可以捨棄，但無論如何都不會捨棄你。
爸爸沒有媽媽那種suffering，但仍每天為迎接你的來臨去張羅，也開始有點爸爸的樣子了
你呢，上星期還會花時間休息一下，今個星期就開始無時停了，爸爸見你郁唔停，也會吶喊助威
不過你暫時都沒有太擾亂媽媽的作息
倒是媽媽現在好想吃芒果，海鮮，雪糕，榴槤，飲椰青，但為了你忍著
媽媽在為你改個好聽的名字，你等我喔
愛你
2014年5月16日星期五
出清文sasa， kielhs， sofina， burts bee， maxfactor（已全清）
Sasa 指甲油，顯色度高而且快乾
上排三枝未用過
下排每枝用過一兩次
$30 for all，面交only
左起，
Kielhs 潤唇膏，無色，全新，now$30，by mail only
Kielhs 潤唇膏，有色，全新，now$40，by mail only
兩枝要曬$60
Sofina 2way cake， 購自台灣，全新，適合白淨皮膚，now $60
Burt's bee 唇彩，全新，顔色 autum haze，裸色帶少少閃， now $50
Max factor 睫毛膏，全新，now $40
有興趣可email helenyiu2000@yahoo.com與本人聯絡
如要面交需遷就本人時間地點，因本人現大肚行動不便，請見諒
2014年5月15日星期四
用清文15.5.2014 b5gel+stone crop mask
繼續存貨密密清
呢枝保濕精華，購自水魚工作室，無記錯$198/30ml
本小姐的皮膚屬於混合性偏乾，易出油和易發紅
呢隻保濕力不錯，過左一陣都會好似未吸收咁，夏天會覺得黏立
但用來混合cream mask使用，可以延長面膜變乾的時間，加強效果
坊間的b5gel有好多，依家做九龍人去水魚度都無咁方便，呢個未必會回購啦
Eminence 的 stone crop mask 是它家的signiture product，冬天用不夠潤，夏天用保濕度剛剛好，因為成分天然，可以日日用，用果排面油都出少左，去黃和均勻膚色的效果很好，但皮膚敏感用的話會感覺吉吉地，水貨價格可接受，會回購但想試下新嘢先
2014年5月12日星期一
懷孕紀錄12.5.2012
媽媽星期六去張醫生度，今次媽咪無再超重，仲俾爸爸媽咪見到你
你似邊個呢，媽咪的私心是，你是女孩，像媽媽當然好看些，而且你在媽媽肚內這麼長日子，不像我的話，我想我會難過
最近爸爸總不時親你幾口，和你説說話，你都有反應，爸爸開始對你的來臨有點知覺了
你有時踢媽咪好似質人一拳咁
倒是媽媽開始緊張了，不是怕痛，而是怕搞不定你，工人姐姐到了，希望她能幫助媽媽一起照顧你
你要乖啊
愛你的媽媽上
2014年5月8日星期四
My Fresh Family
身型暴脹，唔知生完會係咩境況，完全無意欲去置裝，基本上無需要見人，所以化妝品都慳返
身為一個曾經活躍的beauty blogger，唔扮靚，無工返，就算睇返殷海光《人生的意義》都唔會有任何意思
人一灰起上黎咩人tum你都無用，為左BB，depress的日子不能太多，亦要接受身邊人對自己的關懷
呢排出親街都係買BB 嘢，雖然我同其他媽媽一樣，有左BB只係會諗買嘢俾BB，但長此下去我難保有朝一日我會變黃面婆
所以呢，都要取個平衡，對自己好一點，花點資源去經營自己
就咁，係兩星期內就帶了這些回家
被燒到的原因是，有一晚我開了一包Fresh 的黃糖面膜來用，以為只不過是黃糖加olive oil的平價東東，只抱不用白不用的心態去用但當我敷完洗走望鏡時，自己都忍唔住「哇」左一聲，雖然推開時有點糖粒磨面的感覺，但卻沒有搞到我面紅紅，而且摸上手好滑又唔乾，最重要係塊面白左一度啊！連老公都睇到白左！
之後去到金鐘廊度試下玩下，就買左黃糖mask，eye gel，soy bean cleanser，rose serum，回家啦
因為咁，仲做埋member，送一次 facial
之後我去做送的facial係零hardsell超舒服，不過只係會員優惠not for sell，但敷過black tea mask後感覺良好，加上我又好想買返枝有色潤唇膏，就咁，兩個星期就帶左咁多東東返黎啦
2014年5月5日星期一
懷孕紀錄5.5.2014
我：買xxx啦
老公：哦，都好...
我：我呢，想要xyz 呀
老公：點解呢，母親節關你咩事呢？依家講緊買咩俾媽咪啊！
我：咁我都係母親黎wor
老公：......😅
今日去健康院，我問姑娘：點解我呢排到夜晚八九點就斷電呢，係咪要食返啲supplement 呢？
姑娘：其實日常飲食均衡就夠架啦
我：但我覺得散曬，好似俾人搶電咁
姑娘：正常呀，孕婦係咁架啦，你依家三十週架啦，你自己唔知架咩？
我：......😅
真係話咁快，妹妹就出世啦，工人姐姐都到左，但妹妹仲未有名，要睇下書先得啦
是日晚餐，片皮鴨
食譜在此
http://www.christinesrecipes.com/2012/01/mandarin-pancakes.html
用面包機搓粉，乾手淨腳，起初不太順手，曾在中東工作的工人姐姐主動幫忙，加上老公切的皮和肉，同埋我切的青瓜，咪就係好好味之嘛
還有，腳腫了，每晚爸爸都幫媽媽按腳消腫，姑娘話這些都算不上腫了
2014年5月2日星期五
孕期可用的護膚品 Bio logical
剛巧收到Bio-Logical的試用，而且知道它的成分天然，就放手一試啦！
先介紹下面膜
My Peace Treaty - Soothing moisturizing mask
My Peace Treaty 舒緩保濕面膜
成份: 玫瑰花水、摩 洛哥堅果油、 乳木果油、金鏤梅水、玫瑰果油及琉璃苣油等天然植物萃取
功效: 超強水潤配方 具深層保濕修護效用, 使肌膚更柔軟明亮。摩洛哥堅果油混合乳油木果脂 和杏仁油，能迅速滋潤角質，高效防止皮膚水分 散失。質感柔滑，不會有油膩感覺。不含人造色素、不作動物測試。
使用方法：清潔面部後，敷上一層薄薄的面膜，避開眼部和嘴，靜待 5 – 20 分鐘用清水沖洗乾淨及抹乾。
適合皮膚 : 適合所有肌 膚類型，包括敏感皮膚也可使用。
售價：HKD350 / 200ml
一大枝，分量十足，是我最喜歡的 cream mask 質地，
孕期色素沉澱嚴重，要遮下，請見諒
面膜塗上面馬上聞到一陣清新的草本味，很令人放鬆，而且很好推開，本小姐敷了30分鐘都沒有乾掉，本來有點刺痛的鼻翼兩旁也得到舒緩，洗走的時候加少少水打圈按摩，過水後泛紅的地方減退了八成，最驚喜的是毛孔收細了，膚色變明亮了，（拉開了面和頸的色差😅）而且皮膚摸上手很軟滑，而且大大枝唔洗就住黎用，保養真係唔慳得架
這面膜成了我孕期大愛呢，我最喜歡晚上用，它的氣味實在太舒服，每次用它都可以一覺瞓到大天光，教我如何不愛它呢！
要keep住面膜的效果之後查面霜是必需的。我會用埋它家的晚霜
My Beauty Sleep - Precious night cream
My Beauty Sleep 修護晚霜
成份 : 刺梨種子油、摩洛哥堅果油、澳洲堅果油、琉璃苣油、乳木果油及亞麻籽油等天然植物萃取
功效 : 在夜間滲透肌膚深層，強效滋潤補水，同時封住肌膚，預防水分蒸發，為下一個早晨準備好保濕、柔潤又光滑明亮 的肌膚。24 小時持續保濕。
使用方法：晚間潔面後，取適量途於面及頸部。適合每晚使用。
售價：HKD350 ／ 50ml
成分好天然，我通常用兩泵的份量連頸一起查，孕期的頸紋變本加厲了，要勤力保養。
它的氣味和mask 不同，是杏仁果仁類的味道，質地滋潤，臨睡時用，覺得有點痴立立，但第二朝起床時竟然額頭鼻子都無出油，觸感仍是敷完mask 時一般！呢個效果絕對喜出望外！
Bio Logical 的産品依家去呢度有得買啦
http://fingershopping.com/購物超方便，啱曬我呢啲出街一陣就攰的大肚婆呢
訂閱：
文章 (Atom)