懷孕紀錄31.3.2014 乳酪密密吃

踏入第26週了

真正感受到朱妹妹的重量和力量

妹妹會係媽咪肚入面打功夫，試過好幾次搞到媽咪無覺好瞓

因為身型暴脹，之前重得太快，所以燉品補品這些東西我幾乎沒吃過，只吃有營養的fresh food

早餐是牛奶麥皮，生果每天吃兩種，雞蛋每日一隻

懷孕期間下體分泌增加，間中帶有一點異味，除了保持衞生勤清洗換內褲外，本小姐發覺吃了乳酪情況大有改善，而且去大大都順暢好多架

之前一直在吃這個

不過最近加價到$9一杯，便沒有再買，索性自已整啦，自己整仲可以減糖，又不會有添加物

材料：

純味乳酪 3大匙

糖（我用三温糖）2大匙

牛奶 500 ml，建議用全脂奶，成品會較濃稠，脫脂和低脂做出來會奶水分離，而且沒有用全脂奶般幼滑

做法，將牛奶叮至温熱，加入糖和乳酪和糖，靜置温暖地方約4-8小時，或待mixture變杰身後放進雪櫃，可放不超過五天

發酵期間我會將mixture在熱水中座暖，可加快發酵速度而且容易成功

早餐加入你喜歡的乾果或水果，就係營養早餐啦

今天出去走走，買了個小東西給朱妹妹

媽咪揀左好耐架!!!

第一次整的白切肉X越南魚露汁

上篇講到我應承了老公要整個xxx俾佢食...為左recall返啲記憶，就開雪櫃睇下啦，俾我見到一包豬上肉bor...就記得我係要整蒜泥白肉啦

之但係屋企無鎮江醋，但有魚露，又有檸檬和青檸汁就整左個越南魚露汁配白切肉啦

白切肉出水後用鹽和薑烚二十分鐘，然後浸凍水，浸完皮會硬返少少，啲毛會突出來，可以掹走

待涼後切薄片

至於魚露汁，我係跟肥丁的食譜

http://www.beanpanda.com/2011/09/nuoc_mam/

呢個汁無落白醋，唔會好似出面果啲得個酸字，以後有客人黎，又多一個冷盆招呼人啦

遲了出爐的藍莓吐司

昨天媽媽來探我，兩母女去行花園街，買了好多衫俾妹妹呢

五蚊一件又有，一百蚊三件又有，百幾蚊一件剪牌RL polo 都有

妹妹，婆婆真係錫到你燶呀

媽咪自己只係買左一件五蚊雞的外套咋

掛住行街，搞到遲左返屋企，結果煮飯的任務最後都係老公，要老公收工仲要煮飯，真係唔好意思呢

個肚越來越大，和老公的二人世界剩返呢幾個月咋

之前仲埋怨佢日日收工掛住打機唔理我，總係覺得佢中意對住部電腦多过對住我

不過，埋怨係無用的，行動爭取最實際，尤其我呢類主力在娘家安胎的人

昨晚和老公說:我明天返去媽咪度啦

老公竟然說：你唔好返啦，你今晚煮xxx俾我食啦(xxx係咩?太眼瞓，唔記得左）

只是好普通一句，但係咁多年來老公對我有呢類依賴性要求的次數係一隻手數得曬架

但我好想趁妹妹未出世多陪下爸媽啊

唯有繼續小別勝新婚吧，

和老公的日子多著呢，但和爸媽一起的日子是數得出來的，

所以，對不起啦，老公

臨瞓前放定料整藍莓吐司，今朝陪老公食返個good morning 早餐先

本來set 左六點半出爐，但瞓到完全聽唔到響聲，哈哈，結果只係同個dou一樣高，可能在dou內時間長的關係，包皮都深色d

發覺包包加料後組織會無咁細密，不過都仲好軟熟ge

材料:

高筋粉 250g

奶粉 3table spoon

牛油 10g 

糖20g

鹽 1g

藍莓乾 適量

水 180

酵母 3g

P.S Panasonic的包包機整出來就是軟熟，切包神器是必備的

陳枝記的面包刀，百幾蚊，絕對值得投資

就這樣。

懷孕紀錄23·3·2014

除了情緒比較易波動，在外面行得耐易腳腫外，其他沒什麼。

前陣子嫲嫲想來我們家煮點好的給媽媽補一下，但天陰陰，結果爺爺嫲嫲都沒來，希望你出世後能多點見他們吧。

昨晚妹妹你不斷翻身，搞到媽咪四點幾開始眼光光，媽媽半夜三更沖奶粉喝完你才乖了點，出世後別再這樣了，嗯？

這陣子你又大個女了，媽媽感覺自己又重了=.=

媽媽是上海人，不太會煮燉品這些，公公怕你不夠營養，叫婆婆多煮些補品，當日媽媽就喝了豬膶水，晚上飲花膠湯

第二天花膠就用來燜，午餐就吃這個，夠豪氣了吧

婆婆自己那分還讓給媽媽吃呢

還有，你的衫仔，婆婆和媽媽各給你織了一件，可愛吧

媽媽最近有點認知，身邊人對自己好不好，都不是必然，嫲嫲沒有如婆婆般對你和媽媽關懷備至，因為媽媽不是嫲嫲的女兒，嫲嫲對爸爸還是很好的，會擔心爸爸一個人在家無人陪，無湯飲。

正如婆婆也會擔心媽媽一樣，只是媽媽肚子還有你而已了

爸爸也關心媽媽，但一個大男人在家事上不會做得比女人好，他對大肚婆的依賴也會摸不著頭腦

而你，就是唯一和媽媽心連心的，聽聞你出世時我會痛，爸爸就算在產房陪伴在側也不會有感覺的，就算身邊有多少知心人，你還是媽媽的only one

好了，準備出去買你的東東啦，就這樣

懷孕紀録14．3．2014

懷孕22週6天，再一次到公立醫院照結構。

沒錯，是再一次。

對上一次，是兩星期前。朱小b沒有在有利位置。頭，照不到；五官，看不見；性別，不知道

忍不住找私家醫生再照，仍然無結果，反而因為増磅太快，被醫生叫去驗血糖 

媽媽真的胖了好多，連鼻子也拉闊了，引以為傲的鎖骨也不見了。爸爸不時地叫我肥婆，殊不知崩口人最忌崩口碗，哼

唯一開心的是咪咪的尺寸長進了不少，但，，，之前的胸圍全都穿得好辛苦。

今天再次做産檢朱小B非常合作，上次見唔到的都見齊曬啦，乖乖豬

媽媽知道，有些事情，緊張都無用，于是，媽媽在學著靜心，侯診期間仍為你的第一件溫暖牌開工

好快就完工架啦，之後會幫你整襪仔和手套仔

最後，俾你望下你係媽咪肚入面几大個啦，你呢排郁得多左大力左啊

有營面包布甸+柚子蜜吐司+肉桂蝴蝶酥

這幾天在新居，無帶冷去織，不過家有面包機，又有光波爐，日間一個人在家也不會悶

昨天早上將吃剩的䒦蔴吐司借屍還魂變成麵包布甸，順便消耗媽媽奶粉，一直覺得媽媽奶粉太香太甜，淨飲的話認真麻麻，用來做甜品就可以落少D糖啦

材料：

芝麻包 兩片 

蛋 兩隻 

奶 一杯

糖 適量

提子乾 適量

做法：

將麵包剪成小塊放入焗盤，蛋丶奶和糖發勻，倒入麵包中，等5－10分鐘令麵包吸收蛋液，放入光波爐180度光25－30分鐘至表面金黃即成。

吃完又整包，嚴格來說係部機整^_^

柚子蜜吐司

材料：

高筋粉 250g

牛油 10g

柚子蜜+水 共190ml

鹽 1g

酵母 3g

模式：軟包~無提子乾~淡烤色

一路焗一路聞到柚子味，好香呢！仲好軟，攤凍左半個鍾重好軟，搞到個頂切出來有M字，可能水減返少少會好D

到今朝，拎左兩塊酥皮整蝴蝶酥啦

今次用了肉桂+三溫糖，成屋肉桂味好香呀

不過第一批摺得太實，效果麻麻

第二批就好好多啦

龍島和曲奇四重奏賣百幾蚊得三十塊，我兩塊皮加埋三十蚊左右就整到一盒有多啦

［回家整包]頂到上頂的雜糧芝蔴包

又是一陣子沒更新

前陣子帶寶貝照了結構，不過性別還不知道，朱小b不肯腿張開，醫生安排下星期再照

因為增磅太快而被醫生叫去驗血糖，還好一切正常

不過，食量還是要控制一下

這陣子在家忙著織背心給朱小b

對上一次織嘢係六七年前了，還好沒有生疏，不過織花紋和織衣服對我來說都是第一次，希望復活前可以完工啦

昨晚回到家，繼續玩麵包機

今次係雜糧芝蔴包

放了一包雜糧芝蔴粉

這包粉味道有點奇特，咸咸的，而且加熱水沖時結塊嚴重，用來整包就剛剛好啦

今次的份量是這樣的

高筋麵粉 250g

雜糧粉 一包 40g

糖 跟機量匙一匙

鹽 半小匙

牛油10g

水200g

酵母3g

平時水我只放170g，今次加水量因為雜糧粉都幾吸水，但臨焗時開蓋八卦下時發現面團呈面糊狀，心感不妙

但焗起后卻發現包包高到頂上頂

切出來成個磨菇咁

組織沒有上次細緻

面包皮有點硬

不過囗感依然軟熟

下次要落少D水啦