本小姐前幾日走左去攝影皇城影相相
事關有得試影呢…
前一天晚上，本小姐拎起至愛的mask來敷
本小姐真係好愛佢，雖然，百幾蚊得三塊是有點貴啦（肉赤）
但論質地，佢好保濕，但唔會立到生粒粒，敷完都唔駛洗啦
論效果，佢好明顯，用完真係覺得皮膚好飽滿，而唔係表面水潤，令我驚覺我面上的細紋係缺水紋，事關我用左d紋真係無曬
論剪裁，有人話太細塊，但我覺個arm arm好
論紙質，類近dr wu….好薄，但浸滿精華，每次敷15min一片可以敷兩次
而且，可以敷埋眼，慳返唔駛加眼膜
就咁，除左價錢之外，所有都恰到好處的咁好
呢張相係我半昏迷時影的…因為果日舟車勞頓而且剛剛病完，
我都無心機整到貼曬啦
本來呢，本小姐諗住訓15min起身….但當再次清醒時，已經係兩小時之後的事=.=
但張mask還是濕的，沒有痴住塊面，只是….不能再敷第二次啦
本小姐拿開mask之後繼續訓
第二朝面珠滑滑咁影相，呵呵
本來呢，諗住自己去影的
但豬先生有時間，可以陪我bor….
過程中有小小不快事件，不過好快就過去啦
總之呢，我係唔會問豬先生：「我係咪好任性呀！」
免得有人悲從中來啦
at the end呢，咪就係有人要做我人肉佈景板之嘛
拿拿拿，係自願架，我無逼你架！
攝影皇城位於油麻地鑽婚廣場，
好新的地方呢，
因為場地唔俾影相，咁我唯有用文字黎形容啦
希望你地唔會怪我辭不達意
係一個電腦商場裡出現了一個結婚禮堂同埋studio
呵
不過studio佈置得好靚架
就咁，豬先生屈服於本小姐的淫威之下
坐定定俾人化妝整頭，呵呵
至於個妝呢，本小姐揀最隱陣但又最難化得好靚的—earth tone
張相係十幾個鐘之後影啦，假毛拆左…
化果時無打底，有點乾，但持妝度真的一流
我地先影便服相
攝影師哥哥好好笑呢
豬先生仲第一次揹起我…我真怕佢骨頭散
之後換婚紗，呵呵，本小姐不是第一次穿婚紗，不過著左上身真係重燃我一夥恨嫁的心
lowcut+鋼紗，不過入面著牛記+波鞋，哈哈
我真係覺得自己好靚啊（自戀）
豬先生都換左禮服
其實呢，我覺得我地依家走去影婚紗相…好怪，若然我媽見到，唔知會點呢=.=
就當practise下啦
呵呵
anyway…遲下有相再同大家share
俾住大家睇我還是四眼鋼牙時的婚紗相（唔好笑我）
講到呢度，整個估估樂俾大家：
以下呢張相ge我，係幾多歲？
沒有留言:
發佈留言