上海遊（7）--食到lam lam 利

 

<h4> </h4>   在上海，除了吃，還是吃，哈哈 有天，小龍女親戚帶我去吃串燒同埋小龍蝦 呵呵 在上海，壽寧路是一條吃串燒的街， 街很短，卻有十來家吃小龍蝦同串燒的店 d串燒呢，在門口燒，大家呢，可以坐係入面歎住冷氣，拎住張點心紙形物體點你想吃的，然後坐係樹等吃就ok 特別推介：燒生蠔（即開的，很新鮮，$6@），掌中寶（雞腳掌心那一塊），洋芋（燒薯片） 其他野，都好好味的，每串不過$3-5rmb 重頭戲黎啦！ 小龍蝦--呵呵….$60/斤（大陸一斤十二兩） 你可以叫佢少辣…經驗所得，唔辣即係豉油味…少辣就好好味！ 大陸曾經爆過話小龍蝦係放係坑渠養，有段時間人心惶惶，無人食 近呢大半年已經規管過，d人可以去魚排圈養， 雖然，都會擔心洗唔乾淨，但難得兩個人吃一斤 大菌食細菌，食左先講！哇哈哈       被小龍女偷拍了本小姐的恐怖食相>.< 不過，美女們要注意，食小龍蝦時，切勿留甲，否則之後有排搞 嘻 呢d小食野絕對係過口癮，所費無幾又能大滿足，yeah… 之但係，同長輩吃飯，還是要體面一點 想吃得精緻一點（前提：豪得黎荷包負擔得起） 本小姐首選：上海人家 在N小碟中，本小姐比較喜歡   青瓜絲拌淡口魚仔，聽落好普通，看來不簡單，食落好鬼fresh   心太軟--紅棗釀糯米團，再淋上糖漿…嗯~~~睇落簡單，其實呢…功夫野…   河蝦兩食--一樣食材，兩種滋味，老少咸宜，yeah… 到熱葷啦！本小姐推介--   香橙蟹糊($18rmb@)--啖啖都有好多蟹肉同蟹膏……好甘香，建議「畢底」將d橙肉混在蟹糊中….化解蟹膏的油膩…   太正啦！   青豆泥($20rmb)……睇落好似細個時玩的鬼口水…其實好好味，是豌豆蓉羹……帶有豌豆的清甜 得到飯婦人的青睞，絕對無花無假 最後，黃魚春卷 真係外面脆，入面嫩…要將黃花魚蒸熟拆骨再包，又係工夫野   好啦，上游遊之食介紹得差唔多啦！下次講玩！ 就這樣！ 待續。

上海遊（6）--小食篇

 

<h4> </h4> 上海菜，少不得濃油赤醬 呵，無肥到真係還得神落 大家有無興趣知我吃不肥的秘密呢？ 嘻，有興趣的話遲下出文講 講到吃野呢，我成日覺得，吃是總享受 所以呢，眼闊肚窄，當然要挑好的吃 小籠包，生煎包，好多地方都會有，但哪裡有好吃的？ 旅遊書介紹的地方，人多擠迫，好多時都會覺得名不副實 所以呢，有親戚帶路，真係超開心 小籠包，城隍廟九曲橋果頭有一間「南翔小籠包」，一直都好出名，亦都曾經皮薄餡靚，呢樹價錢會有幾個level，總之，你去到，上到越高樓層就越貴 但其實呢，小籠包質素基本上一樣=.= 近呢五年，質素越黎越差，依家已經要用「唔好食」黎形容 因為咁，親戚帶我去一間叫做「佳家湯包」的地方去 一客有12粒，大約11-15rmb一客，depends on 你要的口味 推介鮮肉、咸蛋、蝦仁，呢幾個味都很不錯 如果怕吃不完，可以叫半客… 其中一隻上面放粒蝦，話你知呢籠係蝦仁味 驚奇的是，皮很薄，但夾起來皮卻不會破   證明是現包現蒸 不過因為咁，買左飛之後要等一陣先有得食 要食好野就要等下啦 上海人的午飯時間是11am，晚飯時間大約6pm 比香港早，午飯時間小籠包超多人，想吃的，記住預好時間 另一樣本小姐很喜歡的--生煎包 首選推介--小楊生煎 $4.5rmb一客，有4粒 南京路步行街那兒有間「第一食品商店」，地下果層有各式零食，2/F就是food court…同大家樂一樣，買飛之後自己拎… 小楊生煎只是其中一間，其他有：老鴨粉絲湯，雙單槓（百頁包肉和面筋包肉）本小姐都好推介 小楊生煎建議食法：咬開一個小洞然後啜肉汁，要慢動作，因為肉汁好燙口架！ 另一樣係南京步行街找得到的……沉大成的糕點 《沉大成》都有中式快餐和小食，不過質素一般，而且以上海快餐來說價錢不吸引 吸引我的是它家的糕點 本小姐心水推介是：棗泥糕 好香，好實在的紅棗味同埋咬落去有好香的榛子仁，好好味！   百珍蜜糕 入面有合桃，榛子，同埋紅絲綠絲（蜜餞果皮）咬落好香架 其它推介有雙釀團（一個糯米糍有豆沙、黑芝麻兩個餡），條頭糕 每樣都係$2rmb左右 到4pm左右就陸續賣光光啦 最候，就係排骨年糕啦！ 上海有好多地方有排骨年糕吃，不過呢，最出名亦都最好吃的，是《鮮得來》 一個普通set--一件排骨（廣東話係豬排）+兩片年糕+雙槓（百頁包肉和面筋包肉），乘惠$12rmb 另外有好多種變奏set，例如兩件排一片年糕，一件排四片年糕 悉隨專便 d排骨件件都有連骨的，好甘香，而且入面好juicy，   而汁係帶點糖醋味的 呵，食完咁多少食，滿足味 對於大胃如我，邊樹滿足呢！ 下part，再繼續介紹上海之吃！ 哇哈哈！ 待續

上海遊（9）--世博篇

 

<h4> </h4>

本小姐係七月逗留係上海成個月

當然有去到世博啦！

相信好多人都講過，世博最多的--當然是人！

有幾多呢？

基本上，暑假期間，六七月份都保持住每日四十三萬人次以上

而且，地方，真不是一般的大

想象一下百幾二百個mega box咁大

真係行到腳都跛

本小姐自知體力腳力都不濟，

就選擇去夜場啦

夜場票要即場買，$90rmb@，五點可進場…

因為時間有限，而且地方超大，本小姐一共去左三次夜場

大約去在二十幾個館啦

  

都有少少攻略ge

1. 安檢時將所有野放曬落袋，咁佢唔駛再搜你身，會快d，同埋，帶個吉樽入去得啦，有水機

2. 入面都有d便利店架，都有饅頭，關東煮之類賣的（上海有Familymart），唔帶野吃都無問題

3. 唔建議食餐廳，留返多d時間行好過

4. 諗定你想去邊個場館，亞洲區去6號門入，非洲/美洲/歐洲去7or8號門入，呢幾個門都係浦東，如果想去企業館，就去浦西1號門

5. 祖國同胞好識打尖，唔駛緊張，佢地一定會爬你頭，但你亦都一定入到去，你一係同佢地一齊打尖，一係就規規矩矩咁排隊，勞氣都無用，無謂影響玩樂情緒

俄羅斯館，好夢幻，好靚

最後一次本小姐係一個人去ge，事關我影唔到中國館我唔心息

隻兔係澳門，最右啡色果個係香港

真係忍唔住想講：我真係無興趣入香港館囉

一個人排隊排到無聊走去同個老外做翻譯…佢係咁撩d小朋友同佢影相，好搞笑，不過唔記得問佢要FB，連佢個名都唔記得lu，哈哈

 

「萬國旗」係形容d人晾衫晾到周圍都係，估唔到我真係見到萬國旗

 

係上海逗留左成個月

我真係覺得上海進步ge速度真係好快好快

快到連我呢個外地人竟然可以適應到

我諗我地身在香港都要居安思危先得啦

依家，又好期待下一次旅行lu

好多地方都想去啊！

有無sis有推介呢？