現在，處於搵工期的患得患失。
信是寄出了不少，但有無feedback還是未知數。
從來我都不問世事。
但這陣子耳聞目睹太多荒唐事。
前陣子好幾次夢見兩個情境
夢見自己要考 A Level，用開部FX-50壞左，去買新機考試用，但發現FX-50已經停產，新出的機除了四則計算功能之外，其它唔識用，然後，醒左
又，夢見自己牙痛，由下排中間門牙開始逐隻好似石膏咁碎裂，痛醒。
嚇死了。
有人會去淘寶買個矽膠肚，為的是返工放工有人讓坐比佢，結果個肚跌左出黎。
去個旅行會由個天跌落黎。死左，買左保險但唔受保。
財政司會自認中產。
三十幾萬月薪的中產，哼。
月入比我年收入還多的，中產，哼。
不過司長話，不論你的收入如何，你life style是middle class的，你就是中產了
哪什麼是middle class life style??
飲咖啡，睇法國電影，會做這些的就是
well, 那麼誠哥可能活在貧窮線下。
the city is dying.
還記得幾年前開始人工追不上通賬，有人問司長，知唔知粟米肉粒飯幾錢一碟
司長話：我唔中意食粟米肉粒，我唔知要幾錢
這是我們的司長，又天真又傻。
失言了，道個歉有咩所謂。
自認自己不明白中產，有咩問題。
信口開河的來一句懶有同理心，一句「我都係中產」，足夠令好多人悲從中來。
我，就是其中一個。
自知未到中產，但未想到距離這麼遠呢
