2010年6月23日星期三
我最愛的潤唇膏（附DIY方法）
<h4> </h4> 本小姐用過的潤唇膏不少 DHC, fancl, kiehl’s都用過兩枝以上 最近常用的，是花蕾膏 這些都很不錯，缺點就是…有點小貴 不過潤唇膏這東西，一枝可以用很久的 多付一點用好一些，本小姐也沒有多說什麼 不過自從本小姐買了本DIY化妝品的書之後 決定難度不高的話，就試下自家製吧，因為成份可以自己控制，感覺好安心！ 好，就這樣，去淘寶淘料去啦 材料有 蜜蠟10g 基礎油，我手頭上有薰衣草浸油和甜杏仁油 總之，基礎油總共要40g 把油和蜜蠟放在一起，熱水坐溶
之後加上喜歡的精油，五至六滴 趁熱入樽 等五至十分鐘凝固左就可以用啦 唔難整，不過大家記得要鋪野啊！ 倒瀉的話好難抹架！ 不過，如果大家嫌麻煩，我都可以幫大家整ge 希望大家喜歡^ |
2010年6月21日星期一
第一次教人化妝+整潤唇膏
早上收到了之前訂的護膚品材料 即刻動手弄了潤唇膏 本小姐是個怪人 身上可以無錢 但無潤唇膏， 我去到天涯海角都要買返枝 今次一次過整左11枝 嘻 落左薰衣草和天竺葵，好香呢 底油是薰衣草浸葡萄籽油+甜杏仁油 好潤啊！ 有一枝整到半路倒瀉左>.< 一掂到張臺就凝固左 抹到傻左>.< 好正呢 會再整 嘻 大家有興趣學嗎？ 今次無影相，如果有興趣的話我會再出文講 晚上，和二小姐來了個大改造 事關有人臨到grad din….要學化妝 幾時都話臨急抱佛腳真係神仙難救 貼了一邊假毛 全身 呵呵，有靚到嗎？ 我盡左力架啦！ |
2010年6月18日星期五
2010年6月17日星期四
你有你睇世界杯，我有我整西瓜波
<h1>
世界杯開鑼啦，
我家爸爸呢期成日北上睇波去了=.=
很可惜，本小姐對於一大班人追住個波跑黎跑去的運動，
興趣不大
看過youtube很多女生整甲
自己身痕也弄了一個水印甲
第一次玩水中拉花
返到屋企我媽以為我去左出面搵人整甲，無端端鬧左我一餐=.=
拉花真係好好玩呢
隻手指未上水時，你唔會知道印出黎會係點，
仲順便將之前買落但無幾何會用到的顏色用了
過程也比想象中順利，對於本小姐黎講成功率高過印甲
哈
印完之後，覺得好似西瓜波，
順便應節一下，哈哈
訣竅是
- 水中拉花時要快、狠、準
- 好似本小姐呢種米雕甲，絕對唔駛心軟，撩到有咁花得咁花，印出黎就會有雲石紋效果啦
- 本小姐呢個甲係用白色油打底，再用深淺粉紅拉花，淺粉紅唔出色
所以呢，有底色效果會出好多架！ - 拉花的顏色要有對比，咁先睇到花紋！
- 拉花油可以用平d….應該係話用d無咁易乾的，咁樣d花唔會撩撩下就凝固左….
- 要用醫生膠布包住手指，否則抹油抹死你
have fun!
美男讓我變公主（妝文）
是日回校一星期一次的study group……
大家真好
我這個大懶人真係要有人push我先會做野，呵呵
在賓賓店買了盒身體磨沙，聽說不錯，我家剛好缺，買盒S size的，$12，呵，試過好會再講
之後呢，和朋友仔去化妝學校去了
人家最後一堂要比賽呢
主題，妝，髮，服裝一整個要一手包辦呢！
對本小姐來說好高難度
何況是男生呢
不過我想說
男生又如何？
要做的話一樣可以！
不信，去相！
原來…blending 真係好難架！
至於D星星點整……留返俾當時人講，我賣關子先！嘻！
化著化著，本小姐多事地講句，不如化心型咀啦！結果，就變成這樣啦
有像Anna Sui feel嗎？
（本小姐公主病又犯了=.=）
假毛是
http://www.theztyle.com/blog/space.php?uid=25103&do=blog&id=46206
出街無可能會用，現在有得試，oh yeah，實物閃好多架！
同場加映，原來是美男啊！有嚇到嗎？皮膚比女生白滑，我真有被嚇到喔！
加油啊！
就這樣
2010年6月5日星期六
一日一蘋果，醫生遠離我（附蘋果果醬食譜）
本小姐自小愛吃蘋果。
某天本小姐逛超市時，看到貨架上的蜂蜜蘋果蜜（一jar像柚子蜜的物體）
好想買……不過一jar要幾十元，
以本小姐的嗜甜程度，相信不出兩星期就會被我KO
有見及此，本小姐終於的起心肝試做啦！
製成品是這樣的
同一時間，本小姐收到了sasatinnie的試用
青蘋果嫩白冰涼凝膠
夏天到了，姚太和二小姐不斷問我用那個面霜好……
我都成了她們的BA了…不過無錢收的（汗）
收到這個，逼不及待讓她們試了
結果不試由自可，一試……
「喂你裝起佢拎返大陸用啦！」
於是，係四日三夜北上苦力遊（續）
裡面，我家三個女人都係用佢啦！
打開俾大家睇下先
原諒我sanyo CG-10影相真係麻麻，但拍片唔錯架！
凝膠的質地，有點點綠，甜甜的生果味，不會很膩
本小姐用muji買的棒棒去挖的
衛生一點
份量也很好取，一杓剛好塗一塊面，不會浪費
今天本小姐的臉有點過敏，或許是海鮮敏感>.<
所以就用手試啦
不過都要補充一下本小姐這陣子皮膚狀態
1. 皮膚類型 ：混合性偏乾
2. 皮膚容易敏感嗎？一般，空氣差或者食錯野會生粒粒
3. 有化妝的習慣嗎?有，最近都是防曬+ 2 way cake+胭脂
4. 產品試用日數：9天
推開有水珠，涼浸浸的，剛才那些點點綠都不見了
本小姐好愛這個觸感，
按到水珠吸收曬就得架啦
本小姐的手背好乾呢，未用時的水份和油份
用後十分鐘再test
用後感
塗了的地方都水嫩嫩的，很柔軟，但一點油的感覺都沒有，很清爽
本小姐最近都用它然後上防曬，油都出少了
香味也很討好，雖然是果香但也不會甜到膩死人
$98就有一大罐90g本小姐覺得很化算
青綠色早上起床見到心情也變好
包裝都值回票價吧！
在這裡，給大家送上蘋果果醬食譜吧！
希望大家喜歡
上網找到果醬食譜
就動手做了
心得：
本小姐糖:蘋果的比例是1:2
至於糖的種類呢，自由配搭就可以啦！
本小姐這次用了蜜糖和白糖
做出來的結果呢……
雪入雪櫃都凝固到的，不過可能熬煮時間太長，果醬和果肉的比例本小姐不太滿意了
大家記得蘋果滾起就要轉慢火啦！
轉慢後大約15分鐘就ok啦
杓起一點放在碟上劃一下，不滴落就ok啦！
大家也來試試喔！
訂閱：
文章 (Atom)