開心，敗，唔開心，都要敗...........（內付素顏照）

 

本小姐的情緒容易受唔同ge因素影響....包括生理週期，學業，家庭.....感情...事業（本小姐可以話無業亦可以話係個無定向阿四）...... 總之呢，心情總是高高低低....... 係呢d時候，最容易有非理性行為...... 今次已經係最正常ge一次啦！！！ 不過，促進香港經濟，對於唔駛交稅ge我黎講，都可以話係對社會ge一點貢獻啦！ aiya....唔經唔覺講左好多廢話 呢日豬生搞到本小姐心情低落，遇到呢d時候本小姐唔多唔小都要放下血等心情好返d....其實我今日買左幾樣好似幾抵但對我黎講冇咩需要ge野 首先，show張素顏相... (本小姐越來越自戀到素顏都唔驚lu.......唔知係好事定壞事) 正面睇本小姐面尖尖，冇錯，本小姐屬於小顏人.....天生的.....對比起身高面型其實好細..... 不過，唔好咁羨慕，本小姐的面部肌肉和皮膚並不緊緻

會有雙下巴（請忽略樽領衫形成的敏感紅印）

所以呢，帶左呢樣野返屋企

好似好有用咁，碌一陣塊面就好紅好慶啦

當幫下塊面做運動都唔錯...$15.......唔貴啦

仲有買左一個睫毛夾和一個洗面樸

個mascara技安俾我試用過，真係好好夾，$98有95折，平過之前見過的.....不過其實本小姐已經有一個nars的，已經超好夾，另外之前又買錯了一個，也是koji的.....單是睫毛夾都有好幾個了......遲下執埋d野一次過出清先

仲有洗面樸.......因為是消耗品，用來抹走d mask和落妝的，反正要用，就敗了........

總的來說今次都叫做敗得其所

講一下今次敗家ge地方.....彌敦道旺角警署對面ge一間化妝品開倉鋪........唔記得叫咩名啦，門面有藍色banner的，仲有好多平野啊，olay super cream都係$155.....平過萬寧好多啊！

大家行過不仿逛下！

有減價之餘仲有額外95折！