上星期由星期一工作到星期七，然後今個星期星期一至星期六
就這樣，十三天連續工作，到今天，六月最後一天，才有一整天的休息。
不想浪費浪費一整天的假期，就找一天準時下班去做個spa+ body
去美院的潛規則，就是
美容師會和你閒聊，一來令客人放鬆心情，二來乘機套料，摸清客人喜好
一般來說，我都會和美容師風花雪月一下，原因是……
人地同你講野你唔彩人好無禮貌架嘛
我做開的美容院裡的每一位美容師so far手勢都好穩定，而我為了每次都book到我想做treatment的時間，我一向都不會指定美容師，而大致上，幫我做的美容師來來去去都是那三四個人
而今次那個，非常生面口，陌生得連名字都叫不出來。
好背景說完了，講重點。
我就是前陣子太忙好一段時間沒有去美院，又因生理期快到而整體狀態不佳，水腫、黑眼圈都出來了，而且之前食錯藥而令自己短時間內肥了好多，總之，狀態比婚前差很多。
美容師：哇你個人好濕熱啊！！
本小姐：下？你又知ge？有樣睇架？？（無知少女上身）
美容師：係啊你背部生左好多粒粒……（下刪300字，主要point out我的差狀態）我同你做咁多次都未試過咁嚴重架
（迷之音：同我做過好多次？點解我連你叫咩名都唔知架？）
之後，斷斷續續地吹了一陣水，而每一次對話結語都是「我同你做咁多次都未試過咁嚴重架」
我終於忍唔住問：下？乜你幫我做過treatment架？我唔知你叫咩名tim!!
美容師：我叫XX呀，幫你做過好多次啦，乜你唔知咩？
本小姐：真係無印象bor
美容師：我次次幫你做body你都趴係度架嘛
本小姐：哦……
（迷之音：你當我lulu 啊，我認到聲架嘛）
真係，吹水毋須太認真，認真就輸了，哈哈
沒有留言:
發佈留言