帶豬先生去𢭃利是了，
第一次見小Clayton ,
大大粒與細細份
祝大家新年快樂！
2012年1月19日星期四
【花嫁‧進度】--一訂已落，訂造婚紗（一）
17/1和豬先生到映月樓睇場+落訂
明明電話留位25/1/2013有位，點知去到時話晨早己有人book了，只剩樓下那個有點殘舊間格又奇特的地方>.<
還好我和豬先生每人都找人擇了兩天好日，先不致於騎虎難下
就咁，我們的婚期提早了，今年年底我就做豬太鳥
個女部長叫豬生三月婚展時拿飛入去俾二訂，拎返d婚展優惠啊
日子訂下了，要全速前進搞期他濕碎野lu
仲要落足馬力留長頭髮+減肥啦！！！
同一日到Any Idea睇婚紗
因size關係（五尺九，140磅，目標—big day前要減10kg），所有婚紗晚裝要訂造
而家人仔高企，為免因改衫而舟車勞頓，已打消北上辦貨的念頭。
Any Idea地方細細但款式唔少，最貴3000左右可成交
budget ok，釘工一般，店主Kelly人好好，有好多建議俾到，成個過程好casual舒服，
本小姐試過三條，因為唔俾影相，只能言傳啦！
第一條—low cut 閃石小拖尾款
$3000但著左個人好肥，out!
第二條，有帶露膊大花邊長拖尾款
$3000收身，elegant，拖尾好長好靚！唯獨怕PK
第三條，low cut收身款
呢條$2000，著得我最瘦！！！後面小拖尾但無野睇>.<
下星期放假再望下其它訂造婚紗的地方，
到時再話俾大家知
有佢，N年之癢都唔駛驚啦！
話說呢，本小姐剛剛和豬先生走進第六個年頭
下年，本小姐就以豬太的身份和豬先生一起第七年啦
點解d人成日都話七年之癢
我和豬先生都痕左好多年啦
無錯！係身痕啊！
一到冬天，本小姐個背隻就會有好痕，返工返學都唔知點R好，周不時會用個背隻去磨椅背，沖完白白全身會一達達又紅又痕
（為免引起不安，都係唔po la….）
而豬先生呢？天生薄皮怪，唔浸得溫泉，一到冬天就成身痕，搞到我以為間屋多左個人猿咁
>.<
睇過醫生，西醫說不是濕疹，但有敏感可以塗類固醇>.<
我地當然唔肯啦！
今年PR姐姐送了這個給我試用，真係如臨救星
草本成份，好溫和，有少少中藥味，但唔濃，好醒神
用感：泡泡唔算多，沖完後亦唔會好啜手
好arm冬天用呀！
當然，冬天沖完涼唔搽野，就一定會身痕啦！
但起碼本少姐用了一星期後就無再起一達達lu….
媽咪都好中意啊！
我諗回購率都有90%啦！
大家可以去永安和大間d的萬寧睇下啦！
2012年1月12日星期四
【花嫁‧進度】--睇場記
場地未落實，0進度啊！
嗚……
昨晚和豬先生鬧別扭，睡不好，到三點之後就失眠，依家個人浮浮地
好在今天是無政府狀態ja
昨天day off，和媽媽開尾我的睇場記
補充一下，本小姐諗住細細地搞一場好睇婚禮，所以budget大約13圍左右，希望包到場，所以其實選擇唔算多
而且想避免西式自助餐出現賓客自動流失的情況，所以打算搞中式婚宴，己排除酒店場地
之前去過八月芳，男人都覺得唔錯，
細細地包到場，樓底夠高，間隔四正，
地鐵上黎好方便
缺點係唔算典型高級地段，唔熟太古會覺得無地方行，同埋酒樓出面無咩影相位
場地一：尖沙咀海港城八月居
睇中它有無敵海景證婚禮堂
入到去呢，樓底低，光線唔夠，內部三尖八角，好快被out了
不過出面個平台又真係幾吸引ge
因為正值lunch hour，食少少先走
兩個人$16X，都幾貴呀，
場地二：北京道一號帝廷
入到去己經好中意，好靚啊！成個場無柱架！
新娘房好企理，仲可以放到一圍tim ar!!!
係呢度搞一定好開心
不過包場的話要3X圍先得啦，間場會好肉酸，所以，就咁，可以收皮
場地三：文化中心映月樓
相比起帝廷和八月芳，感覺較舊，但樓底算過關，有水晶燈閃令令，仲有維港view….正正
映月樓有兩個禮堂，其中一個剛剛好可以包場，出要有空地可以搞室外證婚，整體黎講都唔錯
缺點：一字排開個場好長，而且餐具，桌椅都有點舊
之後，我地仲睇左銅鑼灣利舞台
譽宴：好大好浮誇，重點係…無期
月滿緣：是跳茶舞的地方，只可包場，但最低消八萬八
仲有皇室堡
景逸軒—有outdoor area…但境觀一般
彩福皇宴--大場太大，細場太細，不過LED燈deco效果不俗
帝延--無北京道一號果種氣勢，同一般酒樓無大分別
總結：
雖然喜歡北京道一號帝廷，但地方太太唯有割愛
八月芳交通方便，但無影相位
映月樓地段靚景正，但場好長，環境有d舊
李氏力場今次真係考起小女子是也！
2012年1月5日星期四
詭異的葡萄籽紫草乳香皂
我想說，這個真的是紫草皂
葡萄籽油的部分，是實實在在的紫草浸泡油啊！！
看著它由紅轉藍再轉草綠，本小姐呆了，見trace了就放乳香精油入模
過兩天明明還是牛油般的texture，不過本小姐手痕，倒模切了，呵呵
那些不好看的邊邊就搓成小圓球，留待下次用嘍！
訂閱：
文章 (Atom)