最近好想好好經營這裡，所以想到什麼就寫什麼，欄目也漸漸增多，
所謂靠櫃，就是到專門店或專櫃物色想入手的東西，和開架不同的地方是過程中會有人侍候
而人與人之間的化學作用是一樣好有趣的課題，所以這個新欄目會講下本小姐靠櫃時的千奇百趣
事緣本小姐下個月會去斯里蘭卡，所以這陣子趁考試周去準備細軟，因為怕曬傷，想買一枝系數高又防汗的防曬
本小姐用過的身體防曬不算多，但感覺Orbis無論在成份，產品質地，價位，效果都很得我心（舊文回顧按此），所以它成了我身體防曬類的頭號回購品
可是Orbis在香港的專門店不多而且對我來說並不就腳，所以一直沒機會靠櫃
踫巧昨晚在銅鑼灣飯局，我就到東角駅的專門店入手啦！
點知SPF50那個已經斷貨，只有SPF30那個
本來如在香港用的話我會退而求其次買SPF30，反正在香港遊玩的話要補塗也好方便
但…我是要買去斯里蘭卡用的啊啊啊……
知道斯里蘭卡在哪裡嗎？在印度附近啊！！！
SPF30先不說夠不夠，要去到「山卡啦」做服務無瓦遮頭又汗流夾背又要做義工服務又要補防曬真係搵黎搞
本小姐早已有曬黑的準備，只求不要曬得太黑和儘量不要曬傷……
然而，重點來了，櫃姐（就是Sales，或稱beauty advisor又稱BA姐姐）知道我要去熱帶地方用，
卻說：其實SPF30都已經好夠啦！！！
我莞爾：下？夠？香港都用SPF30啦！我依家去印度果頭啊！
她堅持：夠架啦！
我想說，如果SPF30去印度都夠的話，咁你公司為什麼會出SPF50的呢？要sell野都唔係咁樣誤人子弟吧
我問：咁幾時有貨呢？
BA：最快月中啦！
我問：除左呢度同朗豪坊之外，仲有邊度有專門店呢？
BA比左一本catalog我，然後加多一句：不過依家全線無貨啦
我：哦，咁上網訂…（我未講完）
BA：上網訂依家都無架啦
我：唔係呀，我想問上網買…（我都係未講完）
BA：上網訂依家都要等
如是者，周旋左幾次，我先講到：上訂買滿幾多錢先可以送貨？因我唔得閒出黎睇有貨未架
BA先答：要$500先送貨
就咁，入手失敗。
不過，我依家要物色別的身體防曬了
沒有留言:
發佈留言