話說我上年以結婚為由，出文速度出奇地低，低到不時被PR催交文，到依家可能比Black List為龜速blogger
身為一個Blogger（其實有打blog的人都是blogger, 對我來說不是專業人士）我的收視其實不高，
只是網海裡的一粒微塵
只是，當友人whatsapp呢個email比我時，真係受寵若驚
所以呢，無籍口話自己個blog無人睇就荒廢佢啦！
好，廢up完畢。
入正題
上一篇拍婚照的二三事 PART 6距離呢篇PART 7整整一個多月，本小姐真係於心有愧！
真係架！
但係呢，做人妻真係好忙架！！！
之前介紹大家北上拍婚照，有幾樣事情要補充下
之前有講過開始外景拍照時給化妝師、攝影師和助手一人一封$100hkd的利是，原意是想開工順利+小費，
需知道，大陸呢，財可通神是常識吧
不過，本小姐發現，他們的服務也沒有變好，所以呢幾百蚊其實比同無比係、無、分、別！！！
所以，到大陸拍婚照，要有以下心理準備：
- 一開始SELL你的人在之後的環節不會出現，就算佢話會全程跟足都唔好信！不要期望有人幫你Follow up
- 凡事要跟貼，因為聽過太多相簿做工粗糙的事，我們選擇到深圳自取，但竟然還是會漏一本細相簿的！！！
- 所有晚裝婚紗禮服都是不乾淨的，正從謂沒有最dirty只有更dirty，潔癖人士我就不建議北上拍啦，你會癲的
- 如果你像我一樣北上拍婚照只為平和預影，建議不需加錢買相入簿，因為一般包全部soft copy，我就因為見到sales黑面而加多兩張相咁大把，如果閣下面皮夠厚其實可以忽略無謂人的面口
就這樣，好短的一篇，下篇講下澳門婚照之旅！！！
沒有留言:
發佈留言