2021年4月13日星期二

細佬東區醫院專科門診畢業了

看他的身型是完全想不到,這位小朋友20幾日人仔做過全身麻醉的手術,在NICU住過兩星期,身上綁住各種喉😢🥺,到現在仍然要在兩家醫院定期覆診追蹤檢查。

前天到東區醫院例行檢查,一入到磅重室就爆喊😭,可能諗返起當初又插喉又冇人陪夜的恐懼🥺

要三個大人連哄帶逼都搞唔掂度高磅重🤦🏻‍♀️,只可以抱住佢再減返大人重量,23個月16kg,度高就真係搞唔掂🤦🏻‍♀️

護士姐姐👩🏻‍💼話照交data俾醫生,醫生話要度高先再度 。十分鐘後姑娘👩🏻‍💼問:醫生話要度高,佢係咪睇開過重?

本宮:😅唔係
結果夾硬捉去度高,因為佢擘開雙腿又扭來扭去,93cm係報細左嘅

見到醫生👩🏻‍⚕️,佢話肥仔身高體重都好勁😂,望落唔係痴肥,但要注意食量(我想講佢唔係大食只係好吸收)發展上睇唔到咩大問題,可以不用再在這裡覆診了

實在太好了,帶肥仔去醫院真是對體能的一大考驗,但我情願帶他到迪士尼都不想再去醫院呢!

2021年3月8日星期一

細佬B生產記~Part 2 入產房了

這次懷孕,我幾乎沒有嘔,但有住了兩次醫院;一次是13週下班回家流啡,住了三天,私家醫生發現我陀得低,要我儘量爭取休息;另一次25週時產檢醫生問我身體有否不適,我話我好易暈,醫生要我留院檢查,又住了幾天。

陀住大囡時,頭三個月天天吃完早餐半小時後嘔,但之後冇大問題,也沒有腳腫;反觀今次,每晚吃完晚餐後累到躺下休息,而且最後一個多星期腳腫如豬蹄,生完都仲腫一排。總的來說,這次孕期比第一次時更疲累,畢竟和第一胎相比,相差幾年,期間有過嚴重傷患,元氣不復從前。然而懷孕狀態竟差這麼多,也是我始料不及的。要是我知道今次這麼多意料之外,應該不會想生多一個吧!呢啲叫做有早知,冇乞兒,哈。

話說2019年5月1日0000開始穿水,0015 豬先生call的失敗,我只好著好衞生巾,拎住防水墊落樓。

非常幸運地,我們一下樓就看到有架的士剛剛落客,我們就馬上上車啦。雖然當時已有少少陣痛,但仲識得拎塊防水墊放上seat再坐上去,免得弄髒別人的車子...

司機知道我們生BB, 顯得很興奮,說自己有三個女兒,幾個孫。。。後面我都聽不清了,因為已經開始痛。。。只聽到他對我們的祝福。。。我已經痛到回應不到了。。。

家和醫院相距不遠,很快就到急症室,很快就有醫院的姨姨推輪椅接我去入院處登記,那時候就要request要住私家病房,文員姐姐會給你一張私家病房表格,有位的話會把你轉過去。

在香港,公立醫院也會有私家病房的,價位大約3000hkd起,不過床位有限,如醫生評估需要開刀好像可以預約,否則就要像我這樣,入院時要求,有位就可以轉過去。

生小孩,住好一點是有必要的,因為住基本房,是6-8位另加新生兒,比較嘈雜難休息,親友探病有時間和人數限制;私家病房空間較寬敞,有三人房,二人房,單人房,探病時間基本上朝八晚十。不過現在疫情關係,公立醫院的私家病房服務暫停,希望疫情快過吧。

不過,即使住私家病房,在公立醫院的醫療服務基本大同小異,只是病房相對較舒適而已。

上到病房,要換病人衫,換掉被羊水浸濕的產婦巾,發覺幾乎濕到溶化了,原來我用時,把它當成了平時用的m巾,拆了外面果層紙…只放上內芯在內褲上😂😂

陣痛越來越強,姨姨係我肚上綁上儀器,聽BB心跳,俾枝手掣我,叫我feel到胎動就按一下,其實我只感到痛,但感覺不到動…可能真的太痛了,結果係當我痛就㩒掣。

到0230左右,我終於忍唔住按下緊急掣,真的太痛了…姨姨俾套手術袍我叫我換,我太痛了,換套衫都要趁陣痛過後的一分鐘分幾次完成…換完就瞓上床直入產房,而我就九秒九打俾朱先生叫他直接去產房找我(佢好似去左買咖啡定係去左廁所,總之不在病房外)

(未完待續)

2021年2月17日星期三

細佬B生產記~Part 1 半夜三更穿羊水

細佬一歲九個月先想起來寫個生產記錄🤦🏻‍♀️
這些日子一直忙忙忙,現在不記下恐怕過多幾年會忘記得七七八八😅

細佬的預產期是5月中,2019年4月26日,是最後一次產檢,當然,那時不會知道是最後一次,那天心如去了童夢城day camp, 早上在聖保祿產檢完後豬先生就帶我去希慎吃鰻魚飯😋,難得的二人世界🥰,晚上就和爸爸在太古吃生日飯。

其實孕後期我的腳變得好腫,好似吹脹了的手套,平時穿的AIR MAX都穿不下了,因為左腳幾年前曾骨折受傷,不敢穿Brikenstock 出門,我出事時就是穿它,因此每天出門都費好大的勁把我的豬蹄塞進Air Max, 非常痛面且穿完鞋後成身濕曬面都紅曬。

孕後期行步路都喘,坐車又易暈,豬先生給我下了禁足令,只可以在家附近散步。然而,腳腫穿鞋困難的問題然嚴重,多次叫豬先生幫我買鞋,都被推說下班晚了,到30號,我實在忍不住回舊居找鞋子,結果找到了一對crocs,簡直像見到救星一樣!正當我彎腰穿鞋時,我感到下體有點下墮感,我馬上站起來,坐車回家。那天我大便了三四次,都是正常而順暢的。這次懷孕一感覺到自己快便秘了就會喝纖維粉,但當日並沒有喝,而且那種順暢感是久違的。

那天晚上在娘家吃的,回到家豬先生幫心如梳洗陪睡我再梳洗敷面膜,到大家都坐下來休息時已經11時多了。和豬先生閒聊一會,和他交待下心如學校的事情,告訴他走佬袋的東西在哪後,我便躺上床玩電話了。

在床上躺了五分鐘左右,我感覺到肥仔在我肚裡大大力踢了我一下,然後“卟”的一聲,羊水破了。我大叫道:老公!我穿左水呀!快啲攞防水墊俾我!
豬先生都呆一呆:你係真唔係呀?
講完慢條斯理咁摷俾我,而我在他找東西時,打給我媽媽,叫她過來照顧心如,我要去醫院了。

當找到防水墊時,床已濕透,開始感覺到微弱的陣痛,媽媽很快就來了,但豬先生call不到的士,只好換衫下樓碰運氣...

2020年5月3日星期日

家裡來了新成員~

很久沒寫東西了...這兩年多發生了很多事...很想記錄下來...
就讓我慢慢整理...來個once upon a time 的故事...

話說, 和朱先生結婚的第五年, 有一天, 他說:我們今年試一下要一個baby 吧....
然後, 我們努力了九個月, 期間我換了兩份工作, 就在我剛入職第二份工作時, 我發現我懷孕了....
而且, 我做入職檢查時, 我還不知道自己懷孕了.....

要同時適應孕前不適和新工作, 真的不容易, 很慶幸我的同事都對我很好....
終於, 最不適的三個月過去了....


View this post on Instagram

A post shared by Datshelen (@datshelen) on

可是....到了第13週....某天下班回家, 放下包包去廁所時, 內褲出現了一抹啡色... (待續)

2017年12月5日星期二

碎碎唸

原來我今年只出了9篇文
很久沒出文,感恩之前用心寫的文章還有人看
雖然半職工作,但比全職忙碌
上班沒有固定坐位,沒有出文的機會;
回家要陪女兒做功課,溫習,玩(對,玩都要陪,足夠的陪伴對成長很重要)
女兒睡了,我也累了
難得放假早起,就是home facial day,就連出去做個facial都是奢侈

 我還是愛美的,只是比起出去做facial或是化妝,我還喜歡自己動手
家裡的產品足夠我用一段長時間,而且我都是買美容院裝的,性價比更高。

基本的美容儀我都有了


基本的蒸面儀、導入機,我有
就連RF,lightstim,我都有



除左因為懶,其實我不用出去做facial
不過,美容世界日新月異,而且每個用總會有d時間懶蟲出來,生理期水腫,咁
就要出去搵美容師搞搞佢啦

不過又要使$$$
近大半年都是半職,每個月都長琦涼美....

話說回頭,家裡的產品和儀器應該夠我同大家分享一段時間,如果大家想我分享,我都可以整理下

要等我啊

其餘時間,我都會係IG share下,希望大家繼任follow我啦

2017年9月19日星期二

2017年5月28日星期日

2017年4月30日星期日

快靚正收油收毛孔—Belle Stage 碳粉激光療程

一到夏天,本小姐無野多,最多就係面油(掩面)

偏偏最驚就係佢!

復活假的最後一天我去左Belle Stage試做碳粉激光療程

  DSC_0115[1]

有關碳粉激光的程序及注意事項請按此

DSC_0119

面油多,化左妝唔夠兩個鐘就開始溶,而且暗粒黑頭粉刺咩都出曬黎,

面黃黃,油林林,毛孔仲好粗tim!

即使已到中女之齡,皮膚勁乾,都仲會出油,非常討厭

夏天皮膚的其中一件重大任務,就係要佢收油!

落妝潔面之後就用

呢盒碳粉搽上面,

  DSC_0116[1]

 

DSC_0124_mh1493108859076

DSC_0125_mh1493108884699

成個人變左黑面神,好好笑,哈哈

碳粉要敷15分鐘左右,令有效成份能夠滲透入毛孔,

之後打激光時就會將毛孔內的油脂打走

DSC_0128_mh1493108905456

打激光的過程有少驚,好似俾橡筋係咁彈,而且有少少loan味

驚的感覺比痛感大,好快就適應到

DSC_0129_mh1493108932078

打左半邊面,d碳粉同油脂一齊打走曬

DSC_0132_mh1493108960497

打完啦!膚色均勻左!而且不再滿面油光!

DSC_0133_mh1493109000192

敷返個mask,搽返skincare就走得!全程一小時搞掂曬啦!

絕對快靚正!唔會好似針清咁搞到塊面紅到一達達!

Belle Stage的療程全部都明碼實價,清清楚楚,呢點我非常欣賞!

大家有如果對Belle Stage 的療程有興趣可以FB inbox了解下^^

Ladies talk 胸部保養與護理